First Foldable iPhone / ପ୍ରଥମ ଫୋଲ୍ଡେବଲ୍ ଆଇଫୋନ ଲଞ୍ଚ କଲା ଆପଲ୍‌; ମାରୁତି କାରଠୁ ବି ମହଙ୍ଗା

ଲଞ୍ଚ ହୋଇଯାଇଛି ଆପଲ୍‌ର ସବୁଠୁ ଭିନ୍ନ ତଥା ମହଙ୍ଗା ମୋବାଇଲ iPhone Duo । ଯାହାକି କମ୍ପାନୀର ପ୍ରଥମ ଫୋଲ୍ଡେବଲ୍ ଆଇଫୋନ । ଅନେକ ଦିନ ଧରି ଆପଲ୍ ପ୍ରଥମ ଫୋଲ୍ଡିଂ ଆଇଫୋନ ଆଣିବ ବୋଲି ଚର୍ଚ୍ଚା ହେଉଥିଲା । ଶେଷରେ ଚଳିତ ଆଇଫୋନ ଲଞ୍ଚ୍‌ର ବାର୍ଷିକ ଇଭେଣ୍ଟରେ ଆଇଫୋନ ୧୮ ସିରିଜ ସହିତ ଏହି ବହୁପ୍ରତିକ୍ଷିତ ସ୍ମାର୍ଟଫୋନ ଲଞ୍ଚ ହୋଇଯାଇଛି । ଏହି ମୋବାଇଲକୁ କେବଳ ଆଇଫୋନ ଲଭର୍ସ ନୁହେଁ, ବରଂ ପୂରା ଟେକ୍ନୋଲୋଜି ଜଗତ ଅପେକ୍ଷା କରିଥିଲା ।

• iPhone Duoରେ କଣ ଖାସ୍ ?

ଆପଲ୍‌ର ପ୍ରଥମ ଫୋଲ୍ଡିଂ ଆଇଫୋନର ମୋଟେଇ ୫.୨ ମିମି ଅଛି, ଯାହାଦ୍ଵାରା ଏହା ଦୁନିଆର ସବୁଠୁ ପତଳା ଫୋଲ୍ଡେବେଲ୍ ସ୍ମାର୍ଟଫୋନ ହୋଇଛି । ଏହି ଫୋନଟିକୁ ଫୋଲ୍ଡ କଲା ପରେ ଏହାର ମୋଟେଇ ୧୧.୩ ମିମି ହେଉଛି । ଏହାର ଓଜନ ପ୍ରାୟ ୨୫୪ ଗ୍ରାମ । ଏହି ଫୋନର ମୁଖ୍ୟ ସ୍କ୍ରିନ ୭.୬-ଇଞ୍ଚର ରହିଛି ଏବଂ ଏହାର କଭର୍ ଡିସପ୍ଲେ ବା ଫୋନକୁ ଭାଙ୍ଗିଲା ପରେ ଏଥିରେ ୫.୪ ଇଞ୍ଚର ସ୍କ୍ରିନ ମିଳିଥାଏ । ଏଥିରେ ୧୨୦Hzର ରିଫ୍ରେସ୍ ରେଟ୍ ଓ ୩୦୦୦ ନିଟ୍ସ, ବ୍ରାଇଟନେସ୍ ରହିଛି । ଏଥିରେ ଶକ୍ତିଶାଳୀ ଚିପସେଟ୍ ଆପଲ୍ ଏ୨୦ ପ୍ରୋର ବ୍ୟବହାର କରାଯାଇଛି, ଯାହାଦ୍ଵାରା ଫୋନଟି ଦ୍ରୁତ ଗତିରେ କାମ କରିଥାଏ । ଏଥିରେ ଏକ ୪୮୦୦mAh ବ୍ୟାଟେରୀ ଦିଆଯାଇଛି । ଏହାକୁ ଥରେ ଚାର୍ଜ କଲେ ଫୋନରେ ୩୧ ଘଣ୍ଟା ପର୍ଯ୍ୟନ୍ତ ଭିଡିଓ ଦେଖିପାରିବେ ।

• ଏହାର କ୍ୟାମେରା କିପରି ?

ଏହି ହ୍ୟାଣ୍ଡସେଟ୍‌ରେ ଡୁଆଲ୍ ରିଅର୍ କ୍ୟାମେରା ସେଟଅପ୍ ରହିଛି । ଏଥିରେ 2x ଅପ୍ଟିକାଲ୍ ଜୁମ୍ ସହିତ ଏକ ୪୮-ମେଗାପିକ୍ସେଲ ଫ୍ୟୁଜନ୍ ମୁଖ୍ୟ କ୍ୟାମେରା ଏବଂ ଏକ ୪୮-ମେଗାପିକ୍ସେଲ ଫ୍ୟୁଜନ୍ ଅଲ୍ଟ୍ରା-ୱାଇଡ୍ କ୍ୟାମେରା ରହିଛି । ସେଣ୍ଟର ଷ୍ଟେଜ୍ କ୍ୟାମେରା ସମ୍ମୁଖ କଭରରେ ଅବସ୍ଥିତ ଏବଂ ଡିସପ୍ଲେ ତଳେ ଥିବା FaceTime କ୍ୟାମେରା ଭିତର ସ୍କ୍ରିନରେ ଅବସ୍ଥିତ । ଏହା 4K/120fps ପର୍ଯ୍ୟନ୍ତ ଭିଡିଓ ରେକର୍ଡିଂକୁ ସମର୍ଥନ କରେ ।

ପଢନ୍ତୁ ଏହି ଖବର: ଆସିଗଲା ନୂଆ ଆଇଫୋନ ୧୮ ଓ ୧୮ ପ୍ରୋ ମ୍ୟାକ୍ସ; ଦାମ ଏତିକି, କେବେଠୁ ବିକ୍ରି ଆରମ୍ଭ ଜାଣନ୍ତୁ...

• ଭାରତରେ ଦାମ କେତେ ?

ଆପଲର ଫୋଲ୍ଡେବଲ୍ ଫୋନର ମୂଲ୍ୟ ₹୨,୯୯,୯୦୦ ଟଙ୍କା ରହିଛି । ଏହା ହେଉଛି ମୂଳ 256GB ଭାରିଏଣ୍ଟର ମୂଲ୍ୟ । ସେହିପରି 512GB ଷ୍ଟୋରେଜ୍ ସହିତ iPhone Duoର ମୂଲ୍ୟ ₹୩,୨୪,୯୦୦ ଟଙ୍କାରେ ଲଞ୍ଚ ହୋଇଛି । 1TB ଷ୍ଟୋରେଜ୍ ଭାରିଏଣ୍ଟର ମୂଲ୍ୟ ₹୩,୭୪,୯୦୦ ଏବଂ 2TB ଷ୍ଟୋରେଜ୍ ଭାରିଏଣ୍ଟର ମୂଲ୍ୟ ₹୪,୪୯,୯୦୦ ଟଙ୍କା । iPhone Duo ଷ୍ଟାର ହ୍ୱାଇଟ୍ ଏବଂ ନାଇଟ୍ ସ୍କାଏ ରଙ୍ଗରେ ଉପଲବ୍ଧ ହେବ ଏବଂ ଏହା ଅକ୍ଟୋବର ୨୩ ତାରିଖରୁ ବିକ୍ରୟ ପାଇଁ ଭାରତରେ ଉପଲବ୍ଧ ହେବ ବୋଲି ଜଣାପଡ଼ିଛି । ଆପଲ୍‌ର ଫୋଲ୍ଡେବଲ୍ ଆଇଫୋନର ମୂଲ୍ୟ ଯେତିକି ସେଥିରେ ଆପଣ ମାରୁତି କାର ମଧ୍ୟ କିଣିପାରିବେ । କାଣର ଏବେ ଦିଲ୍ଲୀରେ ମାରୁତି ଅଲ୍ଟୋ କାରର ମୂଲ୍ୟ ୪.୦୭ ଲକ୍ଷ ଟଙ୍କାରୁ ଆରମ୍ଭ ହେଉଛି ।