iPhone 18 India Sale / ରିତେଶଙ୍କଠୁ ନେହା ଧୁପିଆ; ନୂଆ iPhone 18 Pro କିଣିଲେ ଏହି ବଲିଉଡ ସେଲିବ୍ରିଟି

ମୁମ୍ବାଇ: ବଲିଉଡ ତାରକାମାନେ ସବୁବେଳେ ବିଳାସପୂର୍ଣ୍ଣ ଜୀବନ ବିତାନ୍ତି । ମହଙ୍ଗା କାରଠୁ ଆରମ୍ଭ କରି ପୋଷାକ, ଜୋତା, ଘଣ୍ଟା, ବ୍ୟାଗ୍‍ ଆଦି ବ୍ୟବହାର କରନ୍ତି । ତେବେ ସଦାସର୍ବଦା ଲଗ୍‌ଜରୀକୁ ପ୍ରାଥମିକତା ଦେଉଥିବା ବଲିଉଡ ଷ୍ଟାର ଆଇଫୋନର ବି ଦିୱାନା । ଅଧିକାଂଶ ସେଲିବ୍ରିଟି ଆଇଫୋନ ବ୍ୟବହାର କରୁଥିବା ନଜିର ରହିଛି । ତେବେ ଆଜିଠୁ ଭାରତରେ ସେପ୍ଟେମ୍ବର ୯ ତାରିଖରେ ଲଞ୍ଚ ହୋଇଥିବା ନୂଆ ଆଇଫୋନ୍ ସିରିଜ୍ iPhone 18 ପ୍ରୋ ଏବଂ ପ୍ରୋ ମ୍ୟାକ୍ସର ବିକ୍ରି ଆରମ୍ଭ ହୋଇଛି । ଅନେକ ବଲିଉଡ ସେଲିବ୍ରିଟି ଆଜି ଏହି ଆଇଫୋନ କିଣିଥିବା ଦେଖିବାକୁ ମିଳିଛି ।

• ଆଜିଠୁ ଆରମ୍ଭ ହେଲା ସେଲ୍

ଭାରତରେ ଆପଲ୍‌ର ଲାଟେଷ୍ଟ ଆଇଫୋନ୍ ମଡେଲ iPhone 18 Pro ଓ iPhone 18 Pro Maxର ସେଲ୍ ଆରମ୍ଭ ହୋଇସାରିଛି । ସେଲ୍ ଆରମ୍ଭ ହେବାମାତ୍ରେ ଏହି ସେଟ୍ ଅନେକ ସେଲିବ୍ରିଟିଙ୍କ ହାତରେ ଦେଖିବାକୁ ମିଳିଛି । ରିତେଶ ଦେଶମୁଖ ଗୁରୁବାର ନିଜ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ, ଯେଉଁଥିରେ ସେ ଲାଟେଷ୍ଟ ଆଇଫୋନ ୧୮ ପ୍ରୋର ଝଲକ ଦେଖାଇଥିଲେ । ସେ ଗ୍ଲେସିଅର ବ୍ଲୁ ରଙ୍ଗର ଆଇଫୋନ ୧୮ ପ୍ରୋ ମ୍ୟାକ୍ସ ସହିତ ଏକ ଫଟୋ ମଧ୍ୟ ପୋଷ୍ଟ କରିଥିଲେ ଓ କ୍ୟାପସନରେ ଲେଖିଥିଲେ, "ମେରେ ୱାଲା ବ୍ଲୁ" ।

VIDEO | Delhi: People wait outside Select Citywalk Mall since early morning ahead of the official sales launch of the iPhone 18 Pro and iPhone 18 Pro Max in India.#Apple #iPhone18Pro

(Full video available on PTI Videos - https://t.co/d8jp61yd2p) pic.twitter.com/CrYLrLYTnL

— Press Trust of India (@PTI_News) September 18, 2026

• ଏହି ସେଲିବ୍ରିଟି କିଣିଲେ ନୂଆ ଆଇଫୋନ୍

ରିତେଶ ଦେଶମୁଖଙ୍କ ପତ୍ନୀ ତଥା ଅଭିନେତ୍ରୀ ଜେନେଲିଆ ଦେଶମୁଖ ମଧ୍ୟ ନୂଆ ଆଇଫୋନ ୧୮ ପ୍ରୋ ସିରିଜର ବରଗଣ୍ଡି ରଙ୍ଗର ଆଇଫୋନ ଧରିଥିବା ଦେଖିବାକୁ ମିଳିଛି । ଜେନେଲିଆଙ୍କ ବ୍ୟତୀତ ଫିଲ୍ମ ଇଣ୍ଡଷ୍ଟ୍ରିର ଅନେକ ସେଲିବ୍ରିଟି ବରଗଣ୍ଡି ରଙ୍ଗର ଆଇଫୋନକୁ ବେଶ ପସନ୍ଦ କରିଛନ୍ତି ଓ ନୂଆ ଆଇଫୋନ କିଣି ସୋସିଆଲ ମିଡିଆରେ ଏହି ଫୋନ ସହିତ ନିଜର ଫଟୋ ପୋଷ୍ଟ କରିଛନ୍ତି । ଅନ୍ୟ ସେଲିବ୍ରିଟିଙ୍କ ମଧ୍ୟରେ ନେହା ଧୁପିଆ, କରିଶ୍ମା ତନ୍ନା, ତୃପ୍ତି ଡିମରି, ଭିକି କୌଶଲ ମଧ୍ୟ ନୂଆ ଆଇଫୋନ ସହ ନଜର ଆସିଛନ୍ତି ।

#WATCH | Mumbai | Actor Vicky Kaushal seen taking selfies and checking features of Apple iPhone 18 Pro at Apple showroom at Bandra Kurla Complex

(ANI) pic.twitter.com/oEJP9hzZR0

— Argus News (@ArgusNews_in) September 18, 2026

• ଆଇଫୋନ ୧୮ ଲଞ୍ଚ ଇଭେଣ୍ଟରେ ସେଲିବ୍ରିଟି

ସେପ୍ଟେମ୍ବର ପ୍ରାରମ୍ଭରେ ଆୟୋଜିତ ଲଞ୍ଚ ଇଭେଣ୍ଟରେ କିଛି ବଲିଉଡ ସେଲିବ୍ରିଟିଙ୍କୁ ଦେଖିବାକୁ ମିଳିଥିଲା । ସେଥିମଧ୍ୟରେ ଥିଲେ ଏପି ଢିଲୋଁ ଏବଂ ତୃପ୍ତି ଡିମ୍ରି । ଉଭୟ ଆପଲ୍ ସିଇଓ ଜନ୍ ଟର୍ଣ୍ଣସଙ୍କୁ ଭେଟିଥିଲେ । କିଛି ଫଟୋ ମଧ୍ୟ ସାମ୍ନାକୁ ଆସିଥିଲା, ଯେଉଁଥିରେ ଉଭୟ ତାଙ୍କ ସହ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା ।

ପଢନ୍ତୁ ଏହି ଖବର: ପ୍ରଥମ ଫୋଲ୍ଡେବଲ୍ ଆଇଫୋନ ଲଞ୍ଚ କଲା ଆପଲ୍‌; ମାରୁତି କାରଠୁ ବି ମହଙ୍ଗା

ଅନ୍ୟପଟେ ଆଜି (ସେପ୍ଟେମ୍ବର ୧୮)ଠୁ ଭାରତରେ ଆଇଫୋନ ବିକ୍ରି ଆରମ୍ଭ ହୋଇସାରିଥିବାବେଳେ ମୁମ୍ବାଇର ବିକେସିରେ ଥିବା ଆଇଫୋନ ଷ୍ଟୋରରେ ଅନେକ ଗ୍ରାହକଙ୍କ ଲମ୍ବା ଲାଇନ ଦେଖିବାକୁ ମିଳିଥିଲା । ଏଥର ନୂଆ ଆଇଫୋନର ଦାମ ବହୁତ ଅଧିକ ରହିଥିଲେ ମଧ୍ଯ ଏହାକୁ ଗ୍ରାହକଙ୍କୁ ପ୍ରଭାବିତ କରିପାରିନାହିଁ । ଷ୍ଟୋର ଆଗରେ ଗ୍ରାହକଙ୍କ ପ୍ରବଳ ଭିଡ଼ ଜମିଛି । ଅନେକ ଲୋକ ବହୁ ଦୂରରୁ ଆସି ନୂଆ ଆଇଫୋନ ୧୮ ପ୍ରୋ ମ୍ୟାକ୍ସ କିଣିଛନ୍ତି । ଏଠାରେ କହିରଖୁଛୁ କି, ଆପଲ୍ iPhone 18 Pro (256GB)ର ଦାମ ୧,୬୪,୯୦୦ ଟଙ୍କା ଅଛି । ସେହିପରି iPhone 18 Pro Maxର ପ୍ରାରମ୍ଭିକ ମୂଲ୍ୟ ରହିଛି ୧,୭୯,୯୦୦ ଟଙ୍କା । ଉଭୟ ହ୍ୟାଣ୍ଡସେଟ୍ ବ୍ଲାକ୍‍, ସିଲଭର୍‍, ଗ୍ଲେସିଅର ଏବଂ ବରଗଣ୍ଡି ରଙ୍ଗରେ ଉପଲବ୍ଧ ।