Amarnath Yatra 2026 Latest Update / ଅମରନାଥ ଗୁମ୍ଫା ଅଭିମୁଖେ ବାହାରିଲେ ୩୮୮୬ ତୀର୍ଥଯାତ୍ରୀ; ୨ ଦିନ ପରେ ସ୍ୱାଭାବିକ ହେଲା ଜାମୁ-ଶ୍ରୀନଗର ରାଜପଥ

Jammu Srinagar Highway status: ପ୍ରବଳ ବର୍ଷା ଯୋଗୁଁ ପ୍ରାୟ ୨ ଦିନ ପାଇଁ ବନ୍ଦ ରହିଥିବା ଜାମୁ-ଶ୍ରୀନଗର ଜାତୀୟ ରାଜପଥକୁ ଆଂଶିକ ଭାବରେ ଖୋଲାଯାଇଛି। ରବିବାର (ଅଗଷ୍ଟ ୨) ସକାଳେ ପ୍ରାୟ ୩୮୮୬ ଜଣ ତୀର୍ଥଯାତ୍ରୀଙ୍କ ଏକ ନୂତନ ଦଳ ଅମରନାଥ ଯାତ୍ରା ପାଇଁ ଭଗବତୀ ନଗର ଆଧାର ଶିବିରରୁ ପ୍ରସ୍ଥାନ କରିଛନ୍ତି। ଅଧିକାରୀ କହିଛନ୍ତି ଯେ ଗୋଟିଏ ଦିନର ବିରତି ପରେ, ୨୫ ତମ ଦଳ କଡ଼ା ସୁରକ୍ଷା ମଧ୍ୟରେ ୧୭୭ ଗାଡ଼ିର ଏକ କାଫିଲା ସହାୟତାରେ ମଧ୍ୟରାତ୍ରୀ ୦୨:୫୨ ମିନିଟ ସମୟରେ ଜାମୁ ବେସ୍ କ୍ୟାମ୍ପ ଠାରୁ କେନ୍ଦ୍ରୀୟ କାଶ୍ମୀରର ଗାନ୍ଦରବଲ ସ୍ଥିତ ବାଲତାଲ ଅଭିମୁଖେ ପ୍ରସ୍ଥାନ କରିଛି।

ଚଳିତ ବର୍ଷ ଅମରନାଥ ଯାତ୍ରା ଗତ ଜୁଲାଇ ୩ ତାରିଖରୁ ଆରମ୍ଭ ହୋଇଥିଲା। ଏପର୍ଯ୍ୟନ୍ତ ପ୍ରାୟ ୪ ଲକ୍ଷ ୫୦ ହଜାରରୁ ଅଧିକ ତୀର୍ଥଯାତ୍ରୀ ଅମରନାଥ ଗୁମ୍ଫା ମନ୍ଦିର ଦର୍ଶନ କରିଛନ୍ତି। ପ୍ରାୟ ୫୭ ଦିନ ଧରି ଚାଲିବାକୁ ଥିବା ଏହି ଯାତ୍ରା ଆସନ୍ତା ୨୮ ତାରିଖରେ ଶେଷ ହେବ। ନିରନ୍ତର ବର୍ଷା ଯୋଗୁଁ ଉଧମପୁର ସ୍ଥିତ ଝକାନି ଏବଂ ରାମବାନ ସ୍ଥିତ ବାନିହାଲ ମଧ୍ୟରେ ଅନେକ ସ୍ଥାନରେ ଜାମୁ-ଶ୍ରୀନଗର ଜାତୀୟ ରାଜପଥକୁ ବ୍ୟାପକ କ୍ଷତିଗ୍ରସ୍ତ ହୋଇଛି।ଯାହା ଫଳରେ ବ୍ୟାପକ ମରାମତି କାର୍ଯ୍ୟ ଆବଶ୍ୟକ ଆବଶ୍ୟକ ହୋଇପଡ଼ିଛି। ଏହି କାରଣରୁ ଗତ ଶନିବାର (ଅଗଷ୍ଟ ୧) ଜାମୁ ଠାରୁ ହେଉଥିବା ତୀର୍ଥଯାତ୍ରାକୁ ବନ୍ଦ ରଖାଯାଇଥିଲା।

ଏହା ସହ ପଢନ୍ତୁ: ୬ ଦିନ ପରେ ଅମରନାଥ ଯାତ୍ରା ପୁନର୍ବାର ଆରମ୍ଭ; ଜାମୁ କ୍ୟାମ୍ପ ଠାରୁ ୬୨୬୯ ତୀର୍ଥଯାତ୍ରୀ କଲେ ପ୍ରସ୍ଥାନ 

କାଜିଗୁଣ୍ଡ ଠାରୁ ଜାମୁ ଅଭିମୁଖେ ପୁନର୍ବାର ଆରମ୍ଭ ହେବ ଯାତାୟତ
ଉଧମପୁର ସ୍ଥିତ ସମରୋଲି ଅଞ୍ଚଳର ଦେବଲ ସେତୁ ନିକଟରେ, ସିଙ୍ଗଲ ଲେନ୍ ଟ୍ରାଫିକ୍ ପୁନର୍ବାର ଆରମ୍ଭ ହୋଇଛି। ଯାହା ଫଳରେ ଯାତ୍ରା କାଫିଲା ପୁଣି ଥରେ ଆଗକୁ ବଢ଼ିପାରିବ। ଅଧିକାରୀ କହିଛନ୍ତି ଯେ ବର୍ତ୍ତମାନ ପୁନରୁଦ୍ଧାର କାର୍ଯ୍ୟ ଜାରି ରହିଛି, ହେଲେ ପ୍ରାୟ ୨ ଦିନ ବନ୍ଦ ରହିବା ପରେ ରବିବାର ସକାଳେ ଜାମୁ ଠାରୁ ହାଲୁକା ଯାନବାହନ ଚଳାଚଳ କରିବାକୁ ଅନୁମତି ଦିଆଯାଇଛି। ଅଧିକାରୀ ଏହା ମଧ୍ୟ କହିଛନ୍ତି ଯେ ଆଗାମୀ କିଛି ଘଣ୍ଟା ମଧ୍ୟରେ ଅମରନାଥ ଯାତ୍ରା କାଫିଲା ଏହି ଅଞ୍ଚଳ ଦେଇ ଯିବା ପରେ କାଜିଗୁଣ୍ଡ ଠାରୁ ଜାମୁ ଅଭିମୁଖେ ଯାତାୟାତ ପୁନର୍ବାର ଆରମ୍ଭ ହେବ।

ଜଣେ ଟ୍ରାଫିକ୍ ପୋଲିସ ମୁଖପାତ୍ର କହିଛନ୍ତି ଯେ ବିକଳ୍ପ ଦିନରେ ହାଇୱେରେ ଭାରୀ ମୋଟର ଯାନ ଚଳାଚଳ କରିବାକୁ ଅନୁମତି ଦିଆଯିବ। ଆଗାମୀ କିଛି ଦିନ ପାଇଁ ଖରାପ ପାଗର ପୂର୍ବାନୁମାନକୁ ଦୃଷ୍ଟିରେ ରଖି, ଟ୍ରାଫିକ୍ ପୋଲିସ ଯାତ୍ରୀଙ୍କୁ ହାଇୱେରେ ଯାତ୍ରା କରିବା ପୂର୍ବରୁ ରାସ୍ତାର ସଦ୍ୟତମ ସ୍ଥିତି ଏବଂ ଟ୍ରାଫିକ୍ ଯାଞ୍ଚ କରିବାକୁ ପରାମର୍ଶ ଦେଇଛନ୍ତି।

ଏହା ସହ ପଢନ୍ତୁ: ୬ ଦିନ ପରେ ଅମରନାଥ ଯାତ୍ରା ପୁନର୍ବାର ଆରମ୍ଭ; ଜାମୁ କ୍ୟାମ୍ପ ଠାରୁ ୬୨୬୯ ତୀର୍ଥଯାତ୍ରୀ କଲେ ପ୍ରସ୍ଥାନ 

ସାମରୋଲି ପରିଦର୍ଶନ କଲେ ଡିଆଇଜି
ଏହି ସମୟରେ, ଉଧମପୁର-ରିଆସି ରେଞ୍ଜ, ଡିଆଇଜି ଶିବ କୁମାର ଶର୍ମା ଶନିବାର ଦେୱାଲ ସେତୁ ନିକଟସ୍ଥ ସମରୋଲି ଗସ୍ତ କରିଥିଲେ। ଏନେଇ ଜଣେ ପୋଲିସ ମୁଖପାତ୍ର କହିଛନ୍ତି ଯେ ଗସ୍ତ ସମୟରେ, ଡିଆଇଜି ଭାରତୀୟ ଜାତୀୟ ରାଜପଥ ପ୍ରାଧିକରଣ (NHAI) ଦ୍ୱାରା ଭାରୀ ମାଟି ଘୁଞ୍ଚାଇବା ଯନ୍ତ୍ର (Heavy Earth Moving Machinery) ସାହାଯ୍ୟରେ କରାଯାଉଥିବା ପୁନରୁଦ୍ଧାର କାର୍ଯ୍ୟ ଯାଞ୍ଚ କରିଥିଲେ। ଟ୍ରାଫିକ୍ ପୁନରୁଦ୍ଧାର ଏବଂ କାର୍ଯ୍ୟରେ ନିୟୋଜିତ କର୍ମଚାରୀଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ଯଥାଶୀଘ୍ର ଭଗ୍ନାବଶେଷ ହଟାଇବା ଉପରେ ଡିଆଇଜି ଗୁରୁତ୍ୱାରୋପ କରିଥିଲେ।

ସେ ସ୍ଥାନୀୟ ବାସିନ୍ଦାଙ୍କ ସହିତ ମଧ୍ୟ ଆଲୋଚନା କରିଥିଲେ ଏବଂ ରାଜପଥ ବନ୍ଦ ହେବା ଯୋଗୁଁ ହେଉଥିବା ଅସୁବିଧା ବିଷୟରେ ସେମାନଙ୍କ ଅଭିଯୋଗ ଶୁଣିଥିଲେ। ଡିଆଇଜି ସେମାନଙ୍କୁ ଆଶ୍ୱାସନା ଦେଇଥିଲେ ଯେ ପୋଲିସ, NHAI ଏବଂ ଜିଲ୍ଲା ପ୍ରଶାସନ ସହିତ ମିଶି, ଯାତାୟାତ ପୁନର୍ବାର ଆରମ୍ଭ କରିବା ଏବଂ ଯାତ୍ରୀଙ୍କ ପାଇଁ ସୁଗମ ଯାତାୟାତ ସୁନିଶ୍ଚିତ କରିବା ପାଇଁ ଯଥାସମ୍ଭବ ପ୍ରୟାସ କରୁଛି।