Argus News - IRCTC ଦେଉଛି ଟ୍ରେନରେ ମାଗଣା ଯାତ୍ରାର ସୁବିଧା; ଏମାନେ ବଞ୍ଚାଇପାରିବେ ହଜାର ହଜାର ଟଙ୍କା

ଯାତ୍ରୀମାନଙ୍କୁ ସର୍ବଦା ସର୍ବୋତ୍କୃଷ୍ଟ ଯାତ୍ରା ଅନୁଭବ ଦେବା ଲାଗି ଭାରତୀୟ ରେଳବାଇ ପ୍ରତିଶ୍ରୁତିବଦ୍ଧ । ଦୂର ଯାତ୍ରା ସମୟରେ କିପରି ଯାତ୍ରୀମାନେ ନିଜ ଯାତ୍ରାକୁ ସ୍ମରଣୀୟ କରିପାରିବେ ଓ ଘର ଅନୁଭବ ପାଇବେ, ସେଥିଲାଗି ରେଳବାଇ ନିରନ୍ତର କାର୍ଯ୍ୟ କରୁଛି । ଯାତ୍ରା ବେଳେ ବି ଯାତ୍ରୀଙ୍କୁ ଆଧୁନିକ ଅନୁଭବ ଦେବା ଲାଗି ବିଭିନ୍ନ ବ୍ୟବସ୍ଥା ଗ୍ରହଣ କରାଯାଉଛି । ଏବେ ଭାରତୀୟ ରେଳବାଇ ଏହି ସୁବିଧାକୁ ଆଉ ଏକ ସ୍ତରକୁ ନେଇ କିଛି ନିର୍ଦ୍ଦିଷ୍ଟ ଯାତ୍ରୀଙ୍କ ପାଇଁ ଜୀବନ ସାରା ଏସି ଟିକେଟକୁ ମାଗଣା କରିଛି । ଅର୍ଥାତ ଏହି ଯାତ୍ରୀମାନେ ଯେତେବେଳେ ଟ୍ରେନରେ ଯାତ୍ରା କରିବେ ତାଙ୍କୁ ଦ୍ଵିତୀୟ ଶ୍ରେଣୀର ଏସି ଟିକେଟ୍ ମିଳିବ ।

ଦେଶ ପାଇଁ ନିଜ ଜୀବନକୁ ଅହରହ ବାଜି ଲଗାଉଥିବା ଦେଶର ବୀର ଯବାନଙ୍କ ଲାଗି ରେଳବାଇ ଏପରି ସୁବିଧା ଆଣିଛି । କେନ୍ଦ୍ର ସରକାର ବୀରତା ସମ୍ମାନର ବିଜେତାମାନଙ୍କୁ ସ୍ଵତନ୍ତ୍ର ସମ୍ମାନ ଦେବା ଲାଗି ରେଳ ଯାତ୍ରା ସହିତ ଜଡ଼ିତ ଏକ ବଡ଼ ନିଷ୍ପତ୍ତି ନେଇଛନ୍ତି । ପ୍ରତିରକ୍ଷା ମନ୍ତ୍ରଣାଳୟରୁ ଜାରି ହୋଇଥିବା ଏହି ନିର୍ଦ୍ଦେଶ ଅନୁସାରେ ସେନା, ନୌସେନା ଓ ବାୟୁସେନାର ଗାଲାଣ୍ଟ୍ରି ଆୱାର୍ଡ ପାଇଥିବା ଯବାନଙ୍କ ଲାଗି 2ACରେ ଆଜୀବନ ମାଗଣା ଯାତ୍ରା ସୁବିଧା ଦିଆଯାଉଛି । ଆସନ୍ତୁ ଜାଣିବା କେଉଁ କେଉଁ ଯବାନଙ୍କୁ ମିଳିବ ଏହି ସୁବିଧା ।

• ଏହି ଟିକେଟ୍ ମିଳିବ ମାଗଣା

ଭାରତ ସରକାର ବୀରତା ପୁରସ୍କାର ପାଇଥିବା ଯବାନଙ୍କ ଲାଗି ରେଳ ଯାତ୍ରାକୁ ନେଇ ବଡ଼ ନିଷ୍ପତ୍ତି ନେଇଛନ୍ତି । ଏହି ସୈନିକମାନଙ୍କୁ ଏବେ ରେଳରେ ପ୍ରିମିୟମ କ୍ଲାସରେ ଆଜୀବନ ମାଗଣା ଯାତ୍ରା ସୁବିଧା ମିଳିବ । First Class, 2AC ଓ AC Chair Carରେ ଯାତ୍ରା ସୁବିଧା ମିଳିବ । ଆଜୀବନ ସୁବିଧାମାନେ ଜୀବନ ସାରା ସେମାନେ ଯେତେ ଥର ରେଳରେ ଯାତ୍ରା କରିବେ ସେତେ ଥର ମାଗଣା ଟିକେଟ୍ ମିଳିବ ।

• କେଉଁ ଯାତ୍ରୀଙ୍କୁ ମିଳିବ ଏପରି ସୁବିଧା ?

ଏହି ସୁବିଧା କେବଳ ସୈନିକଙ୍କ ପର୍ଯ୍ୟନ୍ତ ସୀମିତ ନୁହେଁ, ବରଂ ସେମାନଙ୍କ ପରିବାରକୁ ଏହି ସୁବିଧାରେ ସାମିଲ କରାଯାଇଛି । ସରକାର ଯବାନଙ୍କ ସହିତ ସେମାନଙ୍କ ପରିବାରକୁ ସମ୍ମାନ ଜଣାଇ ଏହି ସୁବିଧା ପ୍ରଦାନ କରିଛନ୍ତି । ନିମ୍ନଲିଖିତ ଯବାନ ଓ ତାଙ୍କ ପରିବାରକୁ ମିଳିବ ଏହି ସୁବିଧା:
- ସେନା, ନୌସେନା ଓ ବାୟୁସେନା ବୀରତା ପଦକ ବିଜେତା ଓ ତାଙ୍କ ପରିବାର
- ଶହୀଦ ବିଜେତାଙ୍କ ଜୀବନସାଥୀ
- ଅବିବାହିତ ମରଣୋତ୍ତର ପୁରସ୍କାର ପାଇଥିବା ସୈନିକଙ୍କ ପିତାମାତା

ଅଧିକ ଖବର ପଢନ୍ତୁ...