ଲୋକମାନେ ପ୍ରାୟତଃ ଦୂର ଯାତ୍ରା ପାଇଁ ଟ୍ରେନ୍ ଯାତ୍ରା କରିବାକୁ ପସନ୍ଦ କରନ୍ତି, କାରଣ ସ୍ଵଳ୍ପ ଖର୍ଚ୍ଚରେ ନିଜ ଗନ୍ତବ୍ୟସ୍ଥଳରେ ପହଞ୍ଚିପାରନ୍ତି ଯାତ୍ରୀ ଏବଂ ଯାତ୍ରା ସମୟରେ ଏକ ଅନନ୍ୟ ଅଭିଜ୍ଞତା ମିଳିଥାଏ । ହେଲେ ଥରେ ଭାବନ୍ତୁ ଯେ ଆପଣଙ୍କ ଏକ ସ୍ଥାନକୁ ଯିବା ଲାଗି ଟ୍ରେନ୍ ଟିକଟ କରିଛନ୍ତି ଏବଂ ଘରୁ ରେଲୱେ ଷ୍ଟେସନକୁ ଯିବା ପରେ ଆପଣ ଜାଣିବାକୁ ପାଆନ୍ତି ଯେ ଏହା କୌଣସି କାରଣରୁ ବାତିଲ୍ ହୋଇଛି । ତେବେ ଏହା ବହୁତ ଅସୁବିଧାର କାରଣ ହୋଇପାରେ ।

ଯଦି ଆପଣ ଜୁନ ୧୯ ତାରିଖରେ ଟ୍ରେନରେ ଯାତ୍ରା କରିବାକୁ ଯୋଜନା କରୁଛନ୍ତି, ତେବେ ପ୍ରଥମେ ଜାଣନ୍ତୁ ଯେ ମୁଜାଫରନଗର-ଦେଓବନ୍ଦ ସେକ୍ସନରେ ରେଳ ଟ୍ରାକ୍ ଏବଂ ସେତୁକୁ ସୁଦୃଢ଼ ​​କରିବା ପାଇଁ ସ୍ୱତନ୍ତ୍ର ମରାମତି କାର୍ଯ୍ୟ କରାଯାଉଛି । ଫଳରେ ଏହି ରୁଟ୍ ଦେଇ ଯାଉଥିବା ଅନେକ ଟ୍ରେନକୁ ଅନ୍ୟ ରୁଟକୁ ସ୍ଥାନାନ୍ତରିତ କରାଯାଉଛି,ଏପରିକି କିଛି ଟ୍ରେନକୁ ସମ୍ପୂର୍ଣ୍ଣ ବାତିଲ କରାଯାଇଛି । ଯଦି ଆପଣ ଜୁନ ୧୯ରେ ଯାତ୍ରା କରୁଛନ୍ତି ତେବେ ଏହି ଖବରଟି ଆପଣଙ୍କ ପାଇଁ ।

• ଏହି ଟ୍ରେନଗୁଡ଼ିକ ଅନ୍ୟ ରୁଟରେ ଚାଲିବ

କାଲକା-ଦିଲ୍ଲୀ
ହରିଦ୍ୱାର-ଦିଲ୍ଲୀ
ହରିଦ୍ୱାର-ବାନ୍ଦ୍ରା
ହରିଦ୍ୱାର-ଏଲଟିଟି
ଚଣ୍ଡିଗଡ଼-ମଦୁରାଇ
ଋଷିକେଶ-ସାବରମତୀ

ଏହି ଆଠଟି ଟ୍ରେନକୁ ବିକଳ୍ପ ରୁଟ୍ ଦେଇ ଗତି କରିବ । ତଥାପି, ମନେରଖନ୍ତୁ ଯେ ରୁଟ୍ ପରିବର୍ତ୍ତନ ଯୋଗୁଁ ଟ୍ରେନ ସମୟସୂଚୀ ପରିବର୍ତ୍ତନ ହୋଇପାରେ । ତେଣୁ ଷ୍ଟେସନକୁ ଯିବା ପୂର୍ବରୁ ଟ୍ରେନର ସ୍ଥିତି ଯାଞ୍ଚ କରିବାକୁ ନିଶ୍ଚିତ କରନ୍ତୁ ।

• କେଉଁ ଟ୍ରେନ୍ ବାତିଲ ରହିବ ?

ଏହା ଉଲ୍ଲେଖନୀୟ ଯେ ଏହି ମେଗା ବ୍ଲକ ଯୋଗୁଁ କିଛି ଟ୍ରେନକୁ ସମ୍ପୂର୍ଣ୍ଣ ବାତିଲ କରାଯାଇଛି । ଏଥିରେ ଜଳନ୍ଧର-ଦିଲ୍ଲୀ ଏକ୍ସପ୍ରେସ (୧୪୬୮୧/୧୨୦୧୮), ନୂଆଦିଲ୍ଲୀ-ଅମୃତସର ଶତାବ୍ଦୀ ଏକ୍ସପ୍ରେସ (୧୨୦୧୭/୧୨୦୧୮), ଗାଜିଆବାଦ -ମିରଟ ମେମୁ (୬୪୫୫୫/୬୪୫୫୬) ଏବଂ ସହାରନପୁର-ଦିଲ୍ଲୀ ବନ୍ଦେ ଭାରତ ଏକ୍ସପ୍ରେସ (୨୦୪୧୧/୨୦୪୧୨) ସାମିଲ ।

ପଢନ୍ତୁ ଏହି ଖବର: ଗଡ଼ିବ ହାଇଡ୍ରୋଜେନ ଟ୍ରେନ,ଏହା କେବେ ଏବଂ କେଉଁଠି ଚାଲିବ?

ଏଣୁ ସବୁବେଳେ ଘରୁ ବାହାରିବା ପୂର୍ବରୁ ଯାତ୍ରୀମାନଙ୍କୁ ସେମାନଙ୍କ ଟ୍ରେନର ସର୍ବଶେଷ ବା ଲାଟେଷ୍ଟ ସ୍ଥିତି ଯାଞ୍ଚ କରିବାକୁ ରେଳବାଇ ପରାମର୍ଶ ଦେଉଛି । କୌଣସି ସମସ୍ୟା ଏଡ଼ାଇବା ପାଇଁ ଆପଣ ରେଳବାଇ ହେଲ୍ପଲାଇନ୍ ନମ୍ବରରେ କଲ୍ କରି ଏହା କରିପାରିବେ । ବେଳେବେଳେ ଟ୍ରେନ ସ୍ଵାଭାବିକ ସମୟଠାରୁ ବିଳମ୍ବ ରହିଥାଏ, ଏଣୁ ଘରୁ ବାହାରିବା ପୂର୍ବରୁ ଟ୍ରେନର କରେଣ୍ଟ ଷ୍ଟାଟସ୍ ଯାଞ୍ଚ କଲେ ଆପଣଙ୍କ ବହୁ ମୂଲ୍ୟ ସମୟ ବଞ୍ଚିପାରିବ ।