Kedarnath Dham Helicopter Yatra / କେଦାରନାଥ ଧାମରେ ପୁନର୍ବାର ଆରମ୍ଭ ହେବ ହେଲିକ୍ୟାପ୍ଟର ସେବା; ସୋମବାର ଆରମ୍ଭ ହେବ ଅନଲାଇନ୍ ବୁକିଂ

Kedarnath Dham Helicopter Seva: କେଦାରନାଥ ଧାମକୁ ଯାତ୍ରା କରୁଥିବା ତୀର୍ଥଯାତ୍ରୀଙ୍କ ପାଇଁ ଖୁବଶୀଘ୍ର ଆରମ୍ଭ ହେବ ହେଲିକପ୍ଟର ସେବା ୧୫ ସେପ୍ଟେମ୍ବରରୁ ପୁନର୍ବାର ଆରମ୍ଭ ହେବ। ଉତ୍ତରାଖଣ୍ଡ ବେସାମରିକ ବିମାନ ଚଳାଚଳ ବିକାଶ ପ୍ରାଧିକରଣ (UCADA) ଏହି ସେବା ପୁନର୍ବାର ଆରମ୍ଭ କରିବା ନେଇ ପ୍ରସ୍ତୁତିକୁ ଜୋରଦାର କରିଛି। ହେଲିକ୍ୟାପ୍ଟର ଟିକେଟ ପାଇଁ ପ୍ରଥମ ବୁକିଂ ସ୍ଲଟ୍ ସେପ୍ଟେମ୍ବର ୭ ତାରିଖ ସୋମବାର ଠାରୁ ଆରମ୍ଭ ହେବ। ଯାହା ଦ୍ଵାରା ତୀର୍ଥଯାତ୍ରୀ ପୂର୍ବରୁ ସେମାନଙ୍କର ଯାତ୍ରା ଯୋଜନା କରିପାରିବେ। UCADA (Uttarakhand Civil Aviation Development Authority) ସିଇଓ ପ୍ରତୀକ ଜୈନ କହିଛନ୍ତି ଯେ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମିଙ୍କ ନିର୍ଦ୍ଦେଶ ପରେ ଏହି ନିଷ୍ପତ୍ତି ନିଆଯାଇଛି।

ସୁରକ୍ଷା ଉପରେ ଗୁରୁତ୍ୱାରୋପ
UCADA ସିଇଓ ଆହୁରି କହିଥିଲେ ଯେ ପାଣିପାଗ ବିଭାଗ ପୂର୍ବାନୁମାନ ଆଧାରରେ, ୧୫ ସେପ୍ଟେମ୍ବର ୨୦୨୬ ସୁଦ୍ଧା ମୌସୁମୀ ଦୁର୍ବଳ ହୋଇ ପ୍ରତ୍ୟାହାର ହେବ। ଯାହା ଫଳରେ ହେଲିକ୍ୟାପ୍ଟର ପରିଚାଳନା ପାଇଁ ପାଗ ପରିସ୍ଥିତି ନିରାପଦ ହେବା ନେଇ ଆଶା କରାଯାଉଛି। ହେଲିକ୍ୟାପ୍ଟର ସେବାର ସୁରକ୍ଷିତ ପରିଚାଳନା ସୁନିଶ୍ଚିତ କରିବା ପାଇଁ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ (Civil Aviation Ministry India), ଭାରତୀୟ ବିମାନବନ୍ଦର ପ୍ରାଧିକରଣ (Airports Authority of India) ଏବଂ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (Directorate General of Civil Aviation) ସହିତ ନିରନ୍ତର ସମନ୍ୱୟ ବଜାୟ ରଖାଯାଉଛି। ସମସ୍ତ ହେଲିକ୍ୟାପ୍ଟର ସେବା ପ୍ରଦାନକାରୀ ସଂସ୍ଥାକୁ ପ୍ରତିଷ୍ଠିତ ରକ୍ଷଣାବେକ୍ଷଣ ମାନଦଣ୍ଡ ପାଳନ କରିବାକୁ ହେବ। ପ୍ରତ୍ୟେକ ହେଲିକ୍ୟାପ୍ଟର ଆବଶ୍ୟକୀୟ ସୁରକ୍ଷା ଉପକରଣ ସହିତ ସଜ୍ଜିତ ହେବା ନିଶ୍ଚିତ କରିବାକୁ ପଡି଼ବ।

ଏହା ସହ ପଢନ୍ତୁ: ଏଣିକି ଆହୁରି ସୁରକ୍ଷିତ ହେବ ହେଲକ୍ୟାପ୍ଟର ଉଡ଼ାଣ; DGCA ନେଲା ବଡ଼ ପଦକ୍ଷେପ

ସରକାରୀ ପୋର୍ଟାଲ୍ ମାଧ୍ୟମରେ କରନ୍ତୁ ବୁକ୍
ସମସ୍ତ ତୀର୍ଥଯାତ୍ରୀଙ୍କୁ ହେଲିକ୍ୟାପ୍ଟର ସେବା ବୁକ୍ କରିବା ପାଇଁ ସରକାରୀ ପୋର୍ଟାଲ୍ "heliyatra.irctc.co.in" ବ୍ୟବହାର କରିବାକୁ ପରାମର୍ଶ ଦିଆଯାଇଛି। ଏହା ବ୍ୟତୀତ, ଯେକୌଣସି ଅନଧିକୃତ ପୋର୍ଟାଲ୍ ମାଧ୍ୟମରେ ଟିକେଟ୍ ବୁକ୍ କରିବାରୁ ଦୂରେଇ ରୁହନ୍ତୁ। କାରଣ ଏହା ଠକେଇ ବିପଦ ସୃଷ୍ଟି କରିପାରେ।

ଯାତ୍ରା ପାଇଁ ବ୍ୟବସ୍ଥା
ରୁଦ୍ରପ୍ରୟାଗ ଜିଲ୍ଲାପାଳ ବିଶାଳ ମିଶ୍ର କହିଛନ୍ତି, "ଶ୍ରୀ କେଦାରନାଥ ଧାମ ଯାତ୍ରା ପାଇଁ ତୀର୍ଥଯାତ୍ରୀଙ୍କ ସଂଖ୍ୟା ବୃଦ୍ଧି ପାଇବାର ଆଶା କରାଯାଉଛି। ଯେପରି ପୂର୍ବ ବର୍ଷ ଭଳି, ବର୍ଷା ଋତୁ ଶେଷ ହେବା ପରେ ତୀର୍ଥଯାତ୍ରୀଙ୍କ ସଂଖ୍ୟା ବୃଦ୍ଧି ପାଏ। ଏହାକୁ ଧ୍ୟାନରେ ରଖି, ସେ ସମସ୍ତ ସମ୍ପୃକ୍ତ ଅଧିକାରୀଙ୍କ ସହିତ ଏକ ବୈଠକ କରିଥିଲେ। ସେ ଅଧିକାରୀଙ୍କୁ ରହିବା, ସାର୍ବଜନୀନ ଶୌଚାଳୟ, ପାନୀୟ ଜଳ ସୁବିଧା ଏବଂ ଘୋଡ଼ା ଖଚର ପରିଚାଳନା ସମେତ ସମସ୍ତ ବ୍ୟବସ୍ଥା ପୁନଃପରୀକ୍ଷଣ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ବ୍ୟତୀତ, ଆବଶ୍ୟକ ହେଉଥିବା ଯେକୌଣସି ଛୋଟ କିମ୍ବା ବଡ଼ ମରାମତି ସମୟ ମଧ୍ୟରେ ସମାପ୍ତ କରାଯିବା ଆବଶ୍ୟକ।