Videos
|
Viral-stories

Viral Child Video / ଗ୍ରାଜୁଏସନ ଯାଏଁ ପାଠ ପଢାଇବ Honda ଡିଲର୍; କୁନିପୁଅର ସ୍ଵାଗ୍ ବଦଳାଇଲା ଭାଗ୍ୟ

Debashree Debasmita Sahoo
Browse all articles by Debashree Debasmita Sahoo
·1 hour ago·2 min read
ଗ୍ରାଜୁଏସନ ଯାଏଁ ପାଠ ପଢାଇବ Honda ଡିଲର୍; କୁନିପୁଅର ସ୍ଵାଗ୍ ବଦଳାଇଲା ଭାଗ୍ୟ
Maharashtra viral child video

Key Points

ମହାରାଷ୍ଟ୍ରର କୁନିପୁଅର ସ୍ଵାଗ୍‌କୁ ନେଇ ଚର୍ଚ୍ଚା
ସୋସିଆଲ ମିଡିଆରେ ବଢିଚାଲିଛି ଲୋକପ୍ରିୟତା
ଭିଡିଓରେ ୧୩୭ ମିଲିୟନ ଭ୍ୟୁଜ୍
ଏବେ ପଢାଖର୍ଚ୍ଚ ବହନ କରିବ ହୋଣ୍ଡା ଡିଲର୍
ମୁମ୍ବାଇ: ନୂଆ ସ୍କୁଟି କିଣୁଥିବା ଭିଡିଓରେ ୧୩୭ ମିଲିୟନ ଭ୍ୟୁଜ୍ ଆସିବା ପରେ ଚମକି ଉଠିଛି କୁନିପୁଅର ଭାଗ୍ୟ । ୨ବର୍ଷର ରୁଦ୍ରାଂଶ ସିଂହ ଠାକୁର ଏବେ ସାରା ଦେଶରେ ଲୋକପ୍ରିୟତା ସାଉଣ୍ଟିଛି । ରୁଦ୍ରାଂଶ ସ୍ଵାଗ୍ ଅନେକ ଲୋକଙ୍କୁ ପସନ୍ଦ ଆସିଛି ଓ ସମସ୍ତେ ତାର ପ୍ରଶଂସା କରୁଥିବା ସୋସିଆଲ ମିଡିଆରେ ଦେଖିବାକୁ ମିଳିଛି । ଏବେ ହୋଣ୍ଡା ଡିଲର୍ କୁନିପୁଅର ଗ୍ରାଜୁଏସନ ପର୍ଯ୍ୟନ୍ତ ପାଠପଢା ଖର୍ଚ୍ଚ ବହନ କରିବ ବୋଲି ଘୋଷଣା କରିଛି ।

  • KG-1ରୁ ଗ୍ରାଜୁଏସନ ପର୍ଯ୍ୟନ୍ତ ପଢାଖର୍ଚ୍ଚ
ରୁଦ୍ରାଂଶର ଭିଡିଓ ସୁଟ୍ କରିଥିବା ୟଶ୍ ଚିଞ୍ଚୋଲକର ସୋସିଆଲ ମିଡିଆରେ ଲେଖିଛନ୍ତି, "ରୁଦ୍ରାଂଶର ଲୋକପ୍ରିୟତା ବଢିବା ପରେ ଲୋକେ ତାକୁ ଗିଫ୍ଟ ଦେଉଛନ୍ତି, ହେଲେ କେହି ତାର ପଢାଖର୍ଚ୍ଚ ବହନ କରିନାହାନ୍ତି ।" ହେଲେ ସାଇ ପଏଣ୍ଟ ହୋଣ୍ଡା ମାଲିକ ଦିଲ୍ଲୀପ ବୋବାଡେ ପାଟିଲ ଭାରତର ଭାଇରାଲ ବୟ ରୁଦ୍ରାଂଶର ଲୋକପ୍ରିୟତାକୁ ସେଲିବ୍ରେଟ୍ କରି ତାର ପଢା ଖର୍ଚ୍ଚ ବହନ କରିବାକୁ ଘୋଷଣା କରିଛନ୍ତି । କେଜି-୧ରୁ ଗ୍ରାଜୁଏସନ ପର୍ଯ୍ୟନ୍ତ ସେ ତାର ପାଠପଢା ପାଇଁ ସମସ୍ତ ଖର୍ଚ୍ଚ କରିବେ ।

ୟଶ ଆଗକୁ କହିଛନ୍ତି, "ଏହା କେବଳ ଏକ ଉପହାର ନୁହେଁ, ବରଂ ଜଣେ ପିଲାର ସ୍ଵପ୍ନ, ତାର ଭବିଷ୍ୟତ ଓ ସଫଳତାରେ କରାଯାଇଥିବା ପୁଞ୍ଜି ନିବେଶ । ଦିଲ୍ଲୀପ ବୋବାଡେ ପାଟିଲ ଓ ସାଇ ପଏଣ୍ଟ ହୋଣ୍ଡାର ସଲାମ, ଯିଏକି ପ୍ରମାଣ କରିଛନ୍ତି ଯେ ସବୁଠୁ ବଡ଼ ଗିଫ୍ଟ ଏହା ନୁହେଁ ଯେ ଯାହା ଆପଣଙ୍କ ନିକଟରେ ଅଛି, ବରଂ ଏହା ଯାହା କାହାର ଭାଗ୍ୟ ବଦଳାଇ ଦେଇପାରେ ।"

ପଢନ୍ତୁ ଏହି ଖବର: ସହର ଛାଡ଼ି ହିମାଚଳ ପ୍ରଦେଶର ଗାଁକୁ ଯାଇଥିଲେ; ମନେ ପଡ଼ିଲା ସିଟିର କୋଳାହଳ, ବ୍ୟାଗ୍ ପ୍ୟାକ୍ କରି ପୁଣି ଫେରିଲେ


  • ପ୍ରତିକ୍ରିୟା ରଖିଲେ ରୁଦ୍ରାଂଶର ମାଆ
ହୋଣ୍ଡା ଡିଲର ରୁଦ୍ରାଂଶର ପଢାଖର୍ଚ୍ଚ ବହନ କରିବା ପରେ କୁନିପୁଅର ମାଆ ପ୍ରତିକ୍ରିୟାରେ କହିଛନ୍ତି, "ଆଜି ଯାଏଁ ମୁଁ ଅନ୍ୟ ପିଲାଙ୍କର ରିଲ୍ସ ମୋବାଇଲରେ ଦେଖୁଥିଲି, କିନ୍ତୁ ଆଜି ମୋ ପୁଅର ରିଲ୍ସ ମୋବାଇଲରେ ଦେଖୁଛି । ଲୋକେ ତାକୁ ଭଲପାଉଛନ୍ତି ଓ ତାର ଭବିଷ୍ୟତ ଗଢିବା ଲାଗି ଉପହାର ଦେଇଛନ୍ତି । ମୋ ପାଇଁ ଏହା ଅତ୍ୟନ୍ତ ଖୁସିର କଥା ।" ରୁଦ୍ରାଂଶ ନିକଟରେ ସ୍କୁଟି କିଣିବା ଲାଗି ନିଜ ପିତାମାତା ଓ ବଡ଼ ଭଉଣୀ ସହ ହୋଣ୍ଡା ଶୋ'ରୁମକୁ ଯାଇଥିଲା । ଏହି ସମୟରେ ତାର ସ୍ଵାଗ୍‌ର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହୋଇଛି ।

  • ରୁଦ୍ରାଂଶ ସ୍ଵାଗ୍‌କୁ ଭୁରି ଭୁରି ପ୍ରଶଂସା
bhonduuu_baccha ନାମରେ ଥିବା ଏକ ଇନଷ୍ଟାଗ୍ରାମ ଆକାଉଣ୍ଟରେ ଏହି ଭିଡିଓ ସେୟାର କରାଯାଇଛି, ଯେଉଁଥିରେ କେବଳ ୬୮ ହଜାର ଲୋକ କମେଣ୍ଟ କରିଛନ୍ତି । ଜଣେ ୟୁଜର ଲେଖିଛନ୍ତି, "ଏହି କୁନିପୁଅର ସ୍ଵାଗ୍‌ର କୌଣସି ମୁକାବିଲା ନାହିଁ ।" ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, "ଏହାର ଆଟିଚ୍ୟୁଡ୍ ଛୋଟା ଡନ୍ ପରି ।" ଆଉ ଜଣେ ୟୁଜର ଲେଖିଛନ୍ତି, "ଆଟିଚ୍ୟୁଡ୍ ଏହି ପିଲା ନିଜ ପକେଟ୍‌ରେ ରଖିଛି ।"
Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: