ଆପଣ ନିଶ୍ଚୟ ବିମାନରେ ଯାତ୍ରା କରିଥିବେ । ବିମାନରେ ଯାତ୍ରୀଙ୍କ ଭଲମନ୍ଦ ବୁଝିବା ଲାଗି ଏୟାର ହୋଷ୍ଟେସ୍ ରହିଥାନ୍ତି । କେବେ ଆପଣ ଫ୍ଲାଇଟରେ କୁନି ଏୟାର ହୋଷ୍ଟେସକୁ ଦେଖିଛନ୍ତି କି ? ନିକଟରେ ଆରବ ଏମିରେଟ୍ସରେ ଏପରି କିଛି ଦୃଶ୍ୟ ଦିଶିଥିଲା, ଯାହା ସମସ୍ତ ଯାତ୍ରୀଙ୍କ ହୃଦୟ ଜିତିଥିଲା । ଏବେ ଏହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ଏବଂ ଲକ୍ଷ ଲକ୍ଷ ୟୁଜରଙ୍କ ହୃଦୟ ଜିତିଛି । କୁନି ଏୟାର ହୋଷ୍ଟେସ୍ ଆତ୍ମବିଶ୍ଵାସର ସହିତ ଏମିରେଟ୍ସ ଫ୍ଲାଇଟରେ କ୍ୟାବିନ କ୍ରୁଙ୍କ ସାହାଯ୍ୟ କରୁଥିବା ନଜର ଆସିଛି ।

ଏହି କୁନି ଏୟାର ହୋଷ୍ଟେସର ନାଁ ହେଉଛି ଆୟଲା । ସେ ଏମିରେଟ୍ସର ୟୁନିଫର୍ମ ପିନ୍ଧି ପୂରା ପ୍ରଫେସନାଲ କ୍ୟାବିନ କ୍ରୁଙ୍କ ପରି ଯାତ୍ରୀଙ୍କ ସ୍ଵାଗତ କରିଥିଲା, ଖାଦ୍ୟ ପରଷିଥିଲା ଓ ଫ୍ଲାଇଟ ଚାଲିବା ସମୟରେ ଅନ୍ୟ ଏୟାର ହୋଷ୍ଟେସଙ୍କୁ ସାହାଯ୍ୟ କରିଥିଲା । ଏହି ଭିଡିଓଟି ଇନଷ୍ଟାଗ୍ରାମରେ ସେୟାର କରାଯାଇଛି । ପୋଷ୍ଟରେ, ଏହା ଆୟଲାଙ୍କ ଏମିରେଟ୍ସ କ୍ୟାବିନ କ୍ରୁ ଭାବେ ଦ୍ଵିତୀୟ ସିଫ୍ଟ ଥିଲା । ସେ ସିଙ୍ଗାପୁରରୁ ଦୁବାଇ ଯାଉଥିବା EK-315 ଫ୍ଲାଇଟରେ ପୂରା ଯାତ୍ରାରେ କ୍ରୁଙ୍କ ସାହାଯ୍ୟ କରିଥିଲା ।

ଭିଡିଓରେ ଆୟଲା ଟ୍ରଲି ଧରି ଯାତ୍ରୀଙ୍କ ସହିତ ଆସିଥିଲା । ଫ୍ଲାଇଟରେ ପ୍ରବେଶ କରିବା ପରେ ଅନ୍ୟ କ୍ୟାବିନ କ୍ରୁ ତାକୁ କ୍ୟାପ୍ ପିନ୍ଧାଇବା ସହ ବ୍ୟାଜ୍ ମଧ୍ୟ ୟୁନିଫର୍ମରେ ଲଗାଇଥିଲେ । ଏହାପରେ ସେ ହସି ହସି ଯାତ୍ରୀଙ୍କ ସ୍ଵାଗତ କରେ ଏବଂ ଏମିରେଟ୍ସକୁ ସମସ୍ତ ଯାତ୍ରୀଙ୍କୁ ସ୍ଵାଗତ କରିଥାଏ । ଏହାପରେ ସେ ଯାତ୍ରୀଙ୍କୁ ଚା' ଓ ଖାଦ୍ୟ ପରଷେ । ଫ୍ଲାଇଟ୍ ଅବତରଣ କରିବା ପରେ ଯାତ୍ରୀମାନେ ବ୍ୟବହାର କରିଥିବା ଟ୍ରେ ଓ ହେଡଫୋନକୁ ଏକାଠି କରିବା ପରି କାମ ମଧ୍ୟ କରେ । ଆୟଲାର ଆତ୍ମବିଶ୍ଵାସ ଓ କୁନି ବୟସରେ ଏହି କାମ ସମସ୍ତଙ୍କ ହୃଦୟ ଜିତିଛି । ଦେଖନ୍ତୁ ଭାଇରାଲ ଭିଡିଓ:

• ପିଲାଦିନୁ ଏୟାର ହୋଷ୍ଟେସ ହେବା ସ୍ଵପ୍ନ

ଆୟଲାଙ୍କ ମାଆ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ଯେତେବେଳେ ସେ ବିମାନ ଯାତ୍ରା କରନ୍ତି, ସେତେବେଳେ ଆୟଲା ନିଜେ କ୍ୟାବିନ କ୍ରୁଙ୍କ ପରି ସଜ ହୋଇ ଯାତ୍ରୀଙ୍କ ସେବା କରିବାକୁ ମନ ବଳାଇଥାଏ । ଏହା ସମ୍ପୂର୍ଣ୍ଣ ଭାବେ ତା'ର ନିଜସ୍ଵ ବିଚାର ବୋଲି ମାଆ ହିଛନ୍ତି । ଏମିରେଟ୍ସର ଷ୍ଟାଫ ଅନେକ ଥର ଆୟଲାକୁ ଶ୍ରଦ୍ଧା କରନ୍ତି, ତା ସହ ଫଟୋ ଉଠାନ୍ତି ଓ ତାଙ୍କୁ ହ୍ୟାଣ୍ଡ ନୋଟ୍ ମଧ୍ୟ ଦିଅନ୍ତି । ଆୟଲାର ସ୍ଵପ୍ନ ଅଛି ଯେ ଏମିରେଟ୍ସରେ ଜଣେ ଏୟାର ହୋଷ୍ଟେସ ହେବା ଏବଂ ବିଶ୍ଵର ବିଭିନ୍ନ ସ୍ଥାନ ବୁଲିବା ସହ ଲୋକଙ୍କ ସେବା କରିବା ।

ପଢନ୍ତୁ ଏହି ଖବର: ଦରମା ୬୦ଲକ୍ଷ, ମିଳୁନି ବର; ବ୍ରାଇଡ୍ ମାର୍କେଟରେ କାନ୍ଦିଲେ, କହିଲେ 'ମୁଁ କୋଉ ଗୁଣରେ କମ'...

• 'ଦୁନିଆର ସବୁଠୁ କ୍ୟୁଟ୍ କ୍ୟାବିନ କ୍ରୁ'

ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଜଣେ ୟୁଜର ଲେଖିଛନ୍ତି, "ଏହି କୁନିଝିଅର ଆତ୍ମବିଶ୍ଵାସ ସର୍ବଦା ଏହିପରି ରହୁ ।" ଅନ୍ୟ ଜଣେ ୟୁଜର ଲେଖିଛନ୍ତି, "ଦୁନିଆର ସବୁଠୁ କ୍ୟୁଟ୍ କ୍ୟାବିନ କ୍ରୁ" । ଅନେକ ୟୁଜର ଆୟଲାଙ୍କୁ ସବୁଠୁ ସୁନ୍ଦର କ୍ୟାବିନ କ୍ରୁ କହି ତାର ଉଜ୍ଜ୍ଵଳ ଭବିଷ୍ୟ କାମନା କରିଛନ୍ତି । ୫ ବର୍ଷର ଆୟଲା ନିଜର ମିଠା ହସ, ମଧୁର କଥାରେ ଯାତ୍ରୀଙ୍କ ହୃଦୟ ଜିତି ସେହି ଫ୍ଲାଇଟକୁ ସ୍ମରଣୀୟ କରିଛି ।