ଶୁକ୍ରବାର ମଧ୍ୟପ୍ରଦେଶ ବର୍ଗୀ ଡ୍ୟାମ୍ ଲହରୀରେ କ୍ରୁଜ୍ ବୁଡ଼ି ଘଟଣା ସାରା ଦେଶକୁ ସ୍ତବ୍ଧ କରିଦେଇଛି । ଠିକ୍ ଏହି ଦୁର୍ଘଟଣା ଘଟିବା ସମୟରେ ଜଳ ଜୀବନ ମିଶନ ଅଧୀନରେ ଥିବା ଏକ ନିକଟସ୍ଥ ସେତୁରେ କାମ କରୁଥିବା ପ୍ରାୟ ୩୫ ଜଣ ଶ୍ରମିକ ସାଜିଥିଲେ ଦେବଦୂତ । ନିଜ ଜୀବନକୁ ପାଣି ଛଡ଼ାଇ ଜୀବନ ବଞ୍ଚାଇବାକୁ ଡ୍ୟାମକୁ ଡିଆଁ ମାରିଥିଲେ । କ୍ରୁଜ୍ ଜାହାଜଟି ଦୋହଲିବା ଦେଖିବା ମାତ୍ରେ ସେମାନେ ଏକ ବୃତ୍ତିଗତ ଉଦ୍ଧାରକାରୀ ଦଳ ଆସିବାକୁ ଅପେକ୍ଷା ନକରି ସେମାନଙ୍କର ଉପକରଣ ଛାଡ଼ି ଡ୍ୟାମ୍ ଭିତରକୁ ଡେଇଁ ପଡ଼ିଥିଲେ।

• ଚର୍ଚ୍ଚାରେ ରମଜାନଙ୍କ ସାହସିକତା

ଯାତ୍ରୀଙ୍କ ଜୀବନ ବଞ୍ଚାଇଥିବା ଏହି ନାୟକମାନଙ୍କ ମଧ୍ୟରେ ପଶ୍ଚିମବଙ୍ଗର ୨୨ ବର୍ଷୀୟ ରମଜାନଙ୍କ କାହାଣୀ ସବୁଠାରୁ ରୋମାଞ୍ଚକର । ରମଜାନ କହିଥିଲେ, "ମୁଁ ଡଙ୍ଗା ବୁଡ଼ିବାର ଦେଖିଲି ଏବଂ ଦୁଇଥର ଭାବିଲି ନାହିଁ ।" ସେ ତାଙ୍କ ଶରୀରରେ ଏକ ରଶି ବାନ୍ଧି ୨୫ ଫୁଟ ଉଚ୍ଚ ପାହାଡ଼ରୁ ପାଣିରେ ଡେଇଁ ପଡ଼ିଲେ । ରମଜାନ ଏକାକୀ ୬ ଜଣଙ୍କୁ କୂଳକୁ ଟାଣି ଆଣିଥିଲେ, ସେମାନଙ୍କ ମଧ୍ୟରୁ ୪ ଜଣଙ୍କ ଜୀବନ ବଞ୍ଚି ଯାଇଛି ।

• ବିହାର ଏବଂ ୟୁପି ଯୁବକଙ୍କ ସାହସିକତା

ବିହାରର ପଶ୍ଚିମ ଚମ୍ପାରନର ୨୮ ବର୍ଷୀୟ ବିନ୍ଦ୍ର କୁମାର ଯାଦବ କହିଛନ୍ତି ଯେ ଯେତେବେଳେ କ୍ରୁଜ୍ ଦୋହଲିବା ସେମାନେ ଦେଖିଲେ, ତା’ପରେ ଶ୍ରମିକମାନେ ସଙ୍ଗେ ସଙ୍ଗେ ହାତ ଧରି ଏକ ମାନବ ଶୃଙ୍ଖଳ ଗଠନ କରିଥିଲେ । ଉତ୍ତର ପ୍ରଦେଶର ଗୋରଖପୁରର ରାଜ କୁମାର (୧୮) ଏବଂ ଶିବନାଥ ମଧ୍ୟ ବୁଡ଼ି ଯାଉଥିବା ଲୋକଙ୍କୁ ବାହାର କରିବା ପାଇଁ ରଶି ବ୍ୟବହାର କରିଥିଲେ । ସେମାନଙ୍କ ପାଖରେ କୌଣସି ଲାଇଫ୍ ଜ୍ୟାକେଟ୍ ନଥିଲା, କୌଣସି ତାଲିମ ନଥିଲା, ଯଦି ଥିଲା କେବଳ ଗୋଟିଏ ଲକ୍ଷ୍ୟ: "ଆମକୁ ଜୀବନ ବଞ୍ଚାଇବାକୁ ପଡିବ, ଯେକୌଣସି ପରିସ୍ଥିତିରେ ।"

ପଢନ୍ତୁ ଏହି ଖବର: ଡ୍ୟାମ୍‌ରେ ବଡ଼ ଦୁର୍ଘଟଣା; ୩୦ ଜଣ ପର୍ଯ୍ୟଟକଙ୍କୁ ନେଇ ଯାଉଥିବା ବୋଟ୍ ବୁଡ଼ିଗଲା

ସାହସୀ ଶ୍ରମିକ ବିନ୍ଦୁ କୁମାର ଯାଦବ କହିଛନ୍ତି, " ଆମେ ଦେଖିଲୁ ଡଙ୍ଗାଟି ନିୟନ୍ତ୍ରଣ ବାହାରକୁ ଘୂରୁଥିଲା । ମୁଁ ମୋ ସାଥୀମାନଙ୍କୁ ଦଉଡ଼ି ଆଣିବାକୁ ଚିତ୍କାର କଲି । ଡଙ୍ଗାଟି ଆମଠାରୁ ଦୂରେଇ ଯାଇ ବୁଡ଼ି ଯାଉଥିଲା । ଆମେ ନିଷ୍ପତ୍ତି ନେଲୁ ଯେ ଡଙ୍ଗାରେ ଡେଇଁ ପଡ଼ି ଯଥାସମ୍ଭବ ଲୋକଙ୍କୁ ବାହାର କରିବୁ ।"

• ୫୧ ହଜାର ଲେଖାଏଁ ପୁରସ୍କାର

ମଧ୍ୟପ୍ରଦେଶ ସରକାର ମଧ୍ୟ ଏହି ଶ୍ରମିକମାନଙ୍କ ନିସ୍ୱାର୍ଥପର ସାହସକୁ ସଲାମ କରିଛନ୍ତି । ମୁଖ୍ୟମନ୍ତ୍ରୀ ଏବଂ ରାଜ୍ୟ ସରକାର ଘୋଷଣା କରିଛନ୍ତି ଯେ ଅନ୍ୟମାନଙ୍କୁ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇଥିବା ଏହି ସାହସୀ ଶ୍ରମିକମାନଙ୍କୁ ପ୍ରତ୍ୟେକଙ୍କୁ ୫୧,୦୦୦ ଟଙ୍କା ପୁରସ୍କାର ଦିଆଯିବ ।