Viral Love Story / ୨୦ବର୍ଷ ସାନ ପ୍ରେମିକ ପାଇଁ ଫେରାର୍ ୩ ଛୁଆଙ୍କ ମାଆ; ଖବରକୁ ନେଇ ସବୁଠି ଚର୍ଚ୍ଚା

ଫଲୋ, ଲାଇକ୍ ଓ ପରେ DMରୁ ଆରମ୍ଭ ହୋଇଥିବା ବନ୍ଧୁତା ଶେଷରେ ପ୍ରେମ ସମ୍ପର୍କରେ ପରିଣତ ହୋଇଛି । ୨୦ ବର୍ଷ ସାନ ଯୁବକଙ୍କ ପ୍ରେମରେ ପଡ଼ିଛନ୍ତି ୩ ଛୁଆଙ୍କ ମାଆ ହୋଇସାରିଥିବା ମହିଳା । ପରିସ୍ଥିତି ଏମିତି ଆସିଛି ଯେ ମହିଳା ଜଣକ ନିଜ କୁନିକୁନି ପିଲା ଓ ସ୍ଵାମୀଙ୍କୁ ଛାଡ଼ି ପ୍ରେମିକ ପାଖରେ ପହଞ୍ଚିବାକୁ ୮୦୦କିମି ଯାତ୍ରା କରିଛନ୍ତି । ଏହା କୌଣସି ଫିଲ୍ମର କାହାଣୀ ନୁହେଁ, ବାସ୍ତବରେ ଏମିତି ଘଟିଛି ଯାହାକୁ ନେଇ ଏବେ ସୋସିଆଲ ମିଡିଆଠାରୁ ଆରମ୍ଭ କରି ଚାରିଆଡ଼େ ଚର୍ଚ୍ଚା ହେଉଛି ।

ଏପରି ଏକ ଘଟଣା ଉତ୍ତର ପ୍ରଦେଶ ଲଖିମପୁର ଅଞ୍ଚଳରୁ ସାମ୍ନାକୁ ଆସିଛି । ଏହି ଘଟଣା ଜଣେ ସାଧାରଣ ବ୍ଯକ୍ତିକୁ ଆଶ୍ଚର୍ଯ୍ୟ କରିଦେଇଛି । ଇନଷ୍ଟାଗ୍ରାମରୁ ଆରମ୍ଭ ହୋଇଥିଲା ଏହି ବନ୍ଧୁତା । ପରେ ୩୮ ବର୍ଷୀୟ ମହିଳା ନିଜ ସ୍ଵାମୀ ଓ ୩ ପିଲାଙ୍କୁ ଛାଡ଼ି ୮୫୦ କିମି ଯାତ୍ରା କରି ବିହାରର ୧୮ ବର୍ଷୀୟ ପ୍ରେମିକ ନିକଟରେ ପହଞ୍ଚିଛନ୍ତି । ସବୁଠୁ ଆଶ୍ଚର୍ଯ୍ୟକର କଥା ହେଉଛି, ଯେତେବେଳେ ମହିଳାଙ୍କ ସ୍ଵାମୀ ୩ ଛୁଆଙ୍କୁ ନେଇ ତାଙ୍କ ନିକଟରେ ପହଞ୍ଚିଛନ୍ତି ଓ ପିଲାମାନେ ଘରକୁ ଫେରିଯିବା ଲାଗି ମା'କୁ କୁଣ୍ଢାଇ କାନ୍ଦୁଛନ୍ତି ସେତେବେଳେ ବି ମହିଳା ଜଣକ ପ୍ରେମିକକୁ ଛାଡ଼ିବାକୁ ନାରାଜ ।

• ପୂରା ଘଟଣା କିଛି ଏମିତି

ବିହାର ଅଧିବାସୀ ପ୍ରଦ୍ୟୁମ୍ନଙ୍କ ବିବାହ ୧୫ବର୍ଷ ପୂର୍ବରୁ ସୁମନ କୁମାରୀ ଓରଫ ଲଭଲି (୩୮)ଙ୍କ ସହିତ ହୋଇଥିଲା । ପରିବାରରେ ୧୪, ୮ ଓ ୬ ବର୍ଷର ୩ଟି ପିଲା ଅଛନ୍ତି । ସୁମନ ଇନଷ୍ଟାଗ୍ରାମ ପ୍ରାୟତଃ ରିଲ୍ସ କରିଥାନ୍ତି । ଗତ ୬ ମାସ ପୂର୍ବରୁ ସୁମନ ଇନଷ୍ଟାଗ୍ରାମ ମାଧ୍ୟମରେ ଉତ୍ତର ପ୍ରଦେଶ ଲଖିମପୁର ଖେରିର ନିମଗାଓଁ ଅଞ୍ଚଳରେ ରହୁଥିବା ୧୮ ବର୍ଷୀୟ ପବନଙ୍କ ସହିତ ହୋଇଥିଲା । ପବନ ହରିୟାଣାର ସୋନିପତ ଅଞ୍ଚଳରେ ଏକ କମ୍ପାନୀରେ କାମ କରନ୍ତି । ସୋସିଆଲ ମିଡିଆରୁ ଆରମ୍ଭ ହୋଇଥିବା ଏହି ବନ୍ଧୁତା ଶେଷରେ ପ୍ରେମ ସମ୍ପର୍କରେ ପରିଣତ ହୋଇଥିଲା ।

• ହଠାତ୍ ଘର ଛାଡ଼ିଥିଲେ ସୁମନ

ତିନି ମାସ ପୂର୍ବରୁ ସୁମନ କାହାକୁ କିଛି ନ କହି ଘର ଛାଡ଼ି ସିଧା ସୋନିପତରେ ପହଞ୍ଚିଥିଲେ, ଯେଉଁଠି ପବନ ଚାକିରି କରେ । ଉଭୟ କିଛି ମାସ ସାଥୀରେ ରହିଥିଲେ । କୁହାଯାଉଛି ସୁମନଙ୍କ ସମ୍ପର୍କ ପବନଙ୍କ ସହିତ ମଧ୍ୟ ଭଲ ରହିନଥିଲା । ସୁମନ ଫୋନରେ ଆଉ ଜଣେ ଯୁବକଙ୍କ ସହ କଥା ହେବାରୁ ପବନଙ୍କ ସହ ଯୁକ୍ତିତର୍କ ହୋଇଥିଲା । ଶେଷରେ ପବନ ସୁମନଙ୍କୁ ଛାଡ଼ି ନିଜ ଗାଁକୁ ଫେରିଥିଲେ । ପବନଙ୍କ ପଛେ ପଛେ ସୁମନ ମଧ୍ୟ ତାଙ୍କ ଗାଁରେ ପହଞ୍ଚିଥିଲା । ଏହି ଘଟଣା ସମ୍ପର୍କରେ ପବନଙ୍କ ଘରଲୋକେ ଜାଣିବା ପରେ ଥାନାରେ ଖବର ପହଞ୍ଚିଥିଲା ।

ପଢନ୍ତୁ ଏହି ଖବର: କାମରେ ଯାଉଥିଲେ ଏୟାର ହୋଷ୍ଟେସ; ରାସ୍ତାରେ ଗାଡ଼ି ରଖି ଦୁଷ୍କର୍ମ କଲା କ୍ୟାବ୍ ଡ୍ରାଇଭର

• ଘରକୁ ଫେରିବାକୁ ନାରାଜ ସୁମନ

ଯେତେବେଳେ ଥାନା ଦ୍ଵାରା ଏହି ଖବର ସୁମନଙ୍କ ସ୍ଵାମୀ ପ୍ରଦ୍ୟୁମ୍ନଙ୍କ ନିକଟରେ ପହଞ୍ଚିଥିଲା, ସେତେବେଳେ ସେ ୩ ପିଲାଙ୍କୁ ଧରି ଲଖିମପୁରରେ ପହଞ୍ଚିଥିଲେ ଓ ସୁମନଙ୍କୁ ଘରକୁ ଫେରିବାକୁ କହିଥିଲେ । ପିଲାଙ୍କ କାନ୍ଦ ବୋବାଳି ଓ ସ୍ଵାମୀଙ୍କ ବାରମ୍ବାର ବୁଝାସୁଝା ପରେ ମଧ୍ୟ ଘରକୁ ଫେରିବାକୁ ରାଜି ହୋଇନଥିଲେ ସୁମନ । ସେପଟେ ପବନଙ୍କ ଅଭିଯୋଗ ହେଉଛି ସୁମନ ତାଙ୍କୁ କେବେ ହେଲେ ବିବାହିତ ଓ ୩ ପିଲାଙ୍କ ମାଆ ବୋଲି କହିନଥିଲେ । ଏବେ ପୋଲିସ ମାମଲାର ସମାଧାନ କରିବା ଲାଗି ଚେଷ୍ଟା କରୁଛି । ଅନ୍ୟପଟେ ଏହି ପୂରା ଘଟଣା ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି ।