ନୂଆଦିଲ୍ଲୀ: ଦୁବାଇରୁ ଫେରିଥିବା ଜଣେ ଭାରତୀୟ ମହିଳା ଏପରି କିଛି କହିଥିଲେ ଯାହା ସୋସିଆଲ ମିଡିଆରେ ବିତର୍କ ସୃଷ୍ଟି କରିଛି । ଭିଡିଓଟି ଦ୍ରୁତ ଗତିରେ ଭାଇରାଲ ମଧ୍ୟ ହୋଇଛି । ଦୁବାଇରୁ ଫେରିବା ପରେ ନିକିତା ଲଖୱାନୀ ଇନଷ୍ଟାଗ୍ରାମରେ ତାଙ୍କର ଅନୁଭୂତି ସେୟାର କରିଛନ୍ତି । ଯୁବତୀ ଜଣକ ଦୁବାଇର ପରିଷ୍କାର ପରିଚ୍ଛନ୍ନତା, ଟ୍ରାଫିକ୍ ପରିଚାଳନା ଏବଂ ସାଧାରଣ ଲୋକଙ୍କ ଦ୍ୱାରା ନିୟମ ପାଳନକୁ ପ୍ରଶଂସା କରି ନିଜର ଅଭିଜ୍ଞତା ବାଣ୍ଟିଛନ୍ତି । ଏହି ଭିଡିଓ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି ।

• ଦୁବାଇର ରାସ୍ତା ଦ୍ୱାରା ପ୍ରଭାବିତ

ନିକିତା ଲଖୱାନୀ (nikkiyapped) ନିଜ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରି କହିଛନ୍ତି ଯେ ଦୁବାଇରୁ ଫେରିବା ପରେ ମଧ୍ୟ ସେ ସେଠାକାର ସଫା, ପରିଷ୍କାର ରାସ୍ତା ତାଙ୍କ ମନରୁ ଯାଉନାହିଁ । ସେ କହିଛନ୍ତି ଯେ ଦୁବାଇରେ ବିଳାସପୂର୍ଣ୍ଣ ଯାନଗୁଡ଼ିକ ମଧ୍ୟ ବହୁତ ସୁବ୍ୟବସ୍ଥିତ ଭାବରେ ଚାଲିଥାଏ ଏବଂ ଟ୍ରାଫିକ୍ ନିୟମ କଡ଼ାକଡ଼ି ଭାବରେ ପାଳନ କରାଯାଏ ।

• ଜେବ୍ରା କ୍ରସିଂରେ ଅଟକେ ଗାଡ଼ି

ନିକିତା ନିଜ ଭିଡିଓରେ ଆହୁରି କହିଥିଲେ ଯେ ଯଦି କେହି ଜେବ୍ରା କ୍ରସିଂରେ ଠିଆ ହୋଇ ରାସ୍ତା ପାର ହୁଅନ୍ତି, ତେବେ ସମସ୍ତ ଯାନବାହନ ଅଟକିଯାଏ । ତାଙ୍କ ମତରେ ଏହା ପଦଯାତ୍ରୀମାନଙ୍କୁ ସମ୍ମାନ ଏବଂ ସୁରକ୍ଷାର ଭାବନା ପ୍ରଦାନ କରେ । ସେ ଆହୁରି ମଧ୍ୟ କହିଲେ ଯେ ଦୁବାଇରେ ଧୂଳି ଏବଂ ପ୍ରଦୂଷଣ ଭଳି ସମସ୍ୟା ପ୍ରାୟତଃ ନାହିଁ ।

• ପରିଷ୍କାର ପରିଚ୍ଛନ୍ନତାକୁ ପ୍ରଶଂସା

ଯୁବତୀ ଜଣକ ଦୁବାଇକୁ ସ୍ୱଚ୍ଛତା ପ୍ରେମୀଙ୍କ ପାଇଁ ଏକ ସ୍ୱପ୍ନର ଗନ୍ତବ୍ୟସ୍ଥଳ ବୋଲି ବର୍ଣ୍ଣନା କରିଥିଲେ । ସେ ମଜାଳିଆ ଢଙ୍ଗରେ କହିଥିଲେ ଯେ ଦୁବାଇ ସ୍ୱଚ୍ଛତାକୁ ଭଲ ପାଉଥିବା ଲୋକଙ୍କ ପାଇଁ ଏହା ଡିଜନି ୱାର୍ଲ୍ଡ ପରି ହେବ । ସେ ଏହା ମଧ୍ୟ କହିଛନ୍ତି ଯେ ସେଠାରେ ଅତ୍ୟଧିକ ଧୀରେ ଗାଡି ଚଲାଇବା ଦ୍ଵାରା ଜରିମାନା ହୋଇପାରେ ।

ପଢନ୍ତୁ ଏହି ଖବର: ଆଉ ନାହିଁ ନିସ୍ତାର; ବଢିଲା ଜୋରିମାନା, ଏବେ କେତେ ଦେବାକୁ ପଡ଼ିବ ଫାଇନ୍

• ସୋସିଆଲ ମିଡିଆରେ ମିଶ୍ରିତ ପ୍ରତିକ୍ରିୟା

ନିକିତାଙ୍କ ଭିଡିଓଟି ଭାଇରାଲ ହେବା ପରେ, ଅନେକ ଲୋକ ଦୁବାଇର ପ୍ରଶଂସା କରିଛନ୍ତି । ଜଣେ ୟୁଜର ଲେଖିଛନ୍ତି, "ଏହା ଶତ ପ୍ରତିଶତ ସତ, ଏଥିରେ ୧% ମଧ୍ୟ କିଛି ଭୁଲ ନାହିଁ । ମୁଁ ଦୁବାଇକୁ ପ୍ରକୃତରେ ସଲାମ କରେ ।" ଅନ୍ୟ ଜଣେ ୟୁଜର ଲେଖିଛନ୍ତି ଯେ ଦୁବାଇରୁ ତୁଳନା ନାହିଁ ।" ଅନ୍ୟ ଜଣେ କହିଛନ୍ତି, "ଭଗବାନଙ୍କୁ ଧନ୍ୟବାଦ ଯେ ମୁଁ ମୋ ଜୀବନର ୧୯ ବର୍ଷ ଏହି ସୁନ୍ଦର ଦେଶରେ ବିତାଇ ପାରିଲି...।" ତଥାପି କିଛି ଲୋକ ଭାରତ ଏବଂ ଦୁବାଇ ମଧ୍ୟରେ ତୁଳନା ସମ୍ପର୍କରେ ମଧ୍ୟ ନିଜର ମତାମତ ପ୍ରକାଶ କରିଛନ୍ତି । ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଆଲୋଚନାର ବିଷୟ ପାଲଟିଛି।