Sleeping Driver Viral News / ରାସ୍ତାରେ ମଝିରେ ଗାଡ଼ି ରଖି ଶୋଇଲା ଡ୍ରାଇଭର; ଗାଡ଼ି ହଲେଇ ନୟାନ୍ତ ଲୋକେ

ଇଣ୍ଟରନେଟ୍ ଦୁନିଆରେ ଆପଣ କେତେବେଳେ କଣ ଦେଖିବେ ତାହା କହିହେବ ନାହିଁ । ଏବେ ସୋସିଆଲ ମିଡିଆରେ ଏକ ଅଜବ ଭିଡିଓ ଲୋକଙ୍କୁ ଆଶ୍ଚର୍ଯ୍ୟ କରିଛି । ବିଚ୍ ରାସ୍ତାରେ ଠିଆ ହୋଇଛି ଗାଡ଼ି । ଆଉ ଭିତରେ ଏସି ଲଗାଇ ଶୋଇଛି ଡ୍ରାଇଭର । ନା ଅଛି ନା ଅଛି ଭୟ । ସତେ ଯେପରି ଘର ବେଡରୁମ୍‌ରେ ଶୋଇବା ପରି ଅଚିନ୍ତା ନିଦରେ ଶୋଇଛି ଡ୍ରାଇଭର । ଏହି ଭାଇରାଲ ଭିଡିଓଟି କେରଳର ଆଥିରାମ୍ପୁଝା ଏଟ୍ଟୁମାନୁର ରୋଡର କୁହାଯାଉଛି ।

• କଣ ପୂରା ଘଟଣା ?

କେରଳର ଆଥିରାମ୍ପୁଝା ଏଟ୍ଟୁମାନୁର ରୋଡରେ ଦିନେ ସନ୍ଧ୍ୟାରେ ହଠାତ୍ ଏକ ଲମ୍ବା ଟ୍ରାଫିକ୍ ଜାମ୍ ହୋଇଥିଲା, ଯାହାର କାରଣ ଥିଲା ଏକ ଲାଲ ରଙ୍ଗର କାର୍ । ଏହି କାରଟି ରାସ୍ତା ମଝିରେ ପାର୍କିଂ କରାଯାଇଥିଲା ଏବଂ ଏହାର ଡ୍ରାଇଭର ଷ୍ଟିଅରିଂରେ ଶୋଇଥିଲେ । କାର ପଛକୁ ପଛ ପ୍ରବଳ ଭିଡ଼ ଜମିବା ପରେ ସ୍ଥାନୀୟ ଲୋକମାନେ ତାଙ୍କୁ ଉଠାଇବା ପାଇଁ ଯଥାସମ୍ଭବ ଚେଷ୍ଟା କରିଥିଲେ, କିନ୍ତୁ ସେହି ବ୍ୟକ୍ତି ଜଣକ ଗୋଟିଏ ଇଞ୍ଚ ମଧ୍ୟ ହଲିନଥିଲେ ।

• ସନ୍ଧ୍ୟାରେ ରାସ୍ତା ମଝିରେ କାର

କୋଟ୍ଟାୟମର ଆଥିରାମ୍ପୁଝା ପାଲି ଜଙ୍କସନରେ ଅଟକିଥିଲା ଏହି ଲାଲ ରଙ୍ଗର କାର । ସମସ୍ତେ ଜାଣନ୍ତି ଯେ ସନ୍ଧ୍ୟା ସମୟରେ ଅଧିକ ଟ୍ରାଫିକ ଥାଏ । ସନ୍ଧ୍ୟାର ଭିଡ଼ରେ କାରଟି ଅଟକିବା ମାତ୍ରେ, ତା' ପଛରେ ଗାଡ଼ିର ଏକ ଲମ୍ବା ଲାଇନ ଲାଗେ । ଏଠି ମଧ୍ୟ ସମାନ ସ୍ଥିତି ଦେଖିବାକୁ ମିଳିଥିଲା । ଏହି ଘଟଣାରେ ଲାଲ ରଙ୍ଗର କାର ପାଖରେ ଥିବା ଡ୍ରାଇଭରମାନେ ବୁଝିପାରିଲେ ନାହିଁ ଯେ କାରଟି କାହିଁକି ଚାଲୁନାହିଁ । ପ୍ରଥମରୁ ଲୋକେ ଭାବିଲେ ଯେ ଡ୍ରାଇଭରଙ୍କୁ ହୃଦଘାତ ହେଉଛି କିମ୍ବା ତାଙ୍କୁ ଜରୁରୀକାଳୀନ ଚିକିତ୍ସା ଆବଶ୍ୟକ । ଦେଖୁ ଦେଖୁ ଶୀଘ୍ର ଭିଡ଼ ଜମା ହୋଇଗଲା ଏବଂ ଲୋକମାନେ କାରକୁ ହଲାଇବାକୁ ଲାଗିଲେ । ଏହା ସତ୍ତ୍ୱେ କାନରେ ଇୟରଫୋନ୍ ଲଗାଇ ରଖିଥିବା ଡ୍ରାଇଭର ଟିକେ ବି ହଲଚଲ ହୋଇନଥିଲା ଏବଂ ଅଚିନ୍ତା ନିଦରେ ଶୋଇ ରହିଥିଲା ।

ପଢନ୍ତୁ ଏହି ଖବର: ପାକିସ୍ତାନରୁ ଆଫ୍ରିକା ଯାଇଥିଲେ ବୁଲିବାକୁ...କେମିତି ପାଲଟିଗଲେ କବିଲେଙ୍କ ପତ୍ନୀ ?

• କାର ନିକଟରେ ପହଞ୍ଚିଲା ପୋଲିସ

ସ୍ଥାନୀୟ ଲୋକଙ୍କଠାରୁ ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ପରେ, ସେମାନେ କାର ଭିତରେ ମଦ ଏବଂ ସୋଡ଼ା ବୋତଲ ପାଇଥିଲେ । ପୋଲିସର କହିବା ଅନୁଯାୟୀ, ଡ୍ରାଇଭରଙ୍କ ନାମ ଜୋବିନ୍ ଜନି ବୋଲି ଜଣାପଡ଼ିଛି, ଯିଏକି କାଙ୍ଗଝାରର ବାସିନ୍ଦା । ପୋଲିସ କାରଟିକୁ ଜବତ କରିଛି ଏବଂ ଉକ୍ତ ବ୍ୟକ୍ତିଙ୍କୁ ମଦ୍ୟପାନ କରି ଗାଡି ଚାଳନା ଏବଂ ଟ୍ରାଫିକ ଜାମ୍ କରିବା ଅଭିଯୋଗରେ ଅଟକ ରଖିଛି । ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମ Xରେ ସେୟାର କରାଯାଇଥିବା ଏହି ଭିଡିଓକୁ ପୂର୍ବରୁ ୧୦,୦୦୦ରୁ ଅଧିକ ଲୋକ ଦେଖିସାରିଛନ୍ତି ।