Viral Death Rituals / ଏଠି ମଲାପରେ ଜୁଇରେ ଜଳେନି ଶବ...ଆକାଶରେ ହୁଏ ଅନ୍ତିମ ସଂସ୍କାର !

ଅଜବ ପରମ୍ପରା, ଆଶ୍ଚର୍ଯ୍ୟ ପ୍ରଥା, ଆତଙ୍କିତ ଅନ୍ତିମ ସଂସ୍କାରର ପ୍ରକ୍ରିୟା । ଏଠି ମାଟିରେ ନୁହେଁ ଆକାଶରେ ହୁଏ ଅନ୍ତିମ ସଂସ୍କାର । ଜୁଇରେ ଜଳେନି ଶବ କି ମାଟିତଳେ ପୋତା ହୁଏନି ମୃତଦେହ । ଶବ ପାହାଡ ଚଢେ, ଧାରୁଆ ଅସ୍ତ୍ରରେ ଖଣ୍ଡ ଖଣ୍ଡ ହୁଏ ଆଉ ଶେଷରେ ଶାଗୁଣାକୁ ଡାକି ଖାଇବାକୁ ଦିଆଯାଏ । ଭୟ, ଆତଙ୍କିତ, ହରର ସିନେମାର ଦୃଶ୍ୟ ପରି ଏ ଘଟଣା ଲାଗୁଥିଲେ ବି ଦୁନିଆରେ ଅଛି ଏମିତି ଏକ ଜାଗା ଯେଉଁଠି ଏମିତି ଲୋମଟାଙ୍କୁରା ଶବ ସତ୍କାର କରାଯାଏ ।

• କେଉଁଠି ଅଛି ଏହି ଅଜବ ପରମ୍ପରା ?

ତିବ୍ବତରେ ଏହି ଅଜବ ପରମ୍ପରା ପାଳନ କରାଯାଉଥିବା ବେଳେ ତିବ୍ବତିଆନ ବୌଦ୍ଧଧର୍ମୀ ଲୋକମାନେ ଏହି ଆକାଶୀୟ ଅନ୍ତିମ ସଂସ୍କାରର ପ୍ରଥା ଓ ପ୍ରକ୍ରିୟାକୁ ପବିତ୍ର ବୋଲି ମାନିଥାନ୍ତି । ସେମାନଙ୍କର ବିଶ୍ଵାର ରହିଛି- ଶବ ସତ୍କାର ଏମିତି ହେଲେ ମୃତବ୍ୟକ୍ତିଙ୍କୁ ମୁକ୍ତି ମିଳେ ଆଉ ତାର ଆଗାମୀ ଜନ୍ମ ପାଇଁ ବାଟ ପରିଷ୍କାରଲ ହୋଇଯାଏ ।

• ପରମ୍ପରା ପଛରେ ଧାର୍ମିକ ବିଶ୍ଵାସ

ତିବ୍ବତର ଲୋକଙ୍କ ମାନିବା କଥା କି ମୃତ୍ୟୁ ପରେ ଶରୀର କେବଳ ଗୋଟେ ଖୋଳପା ପରି । ଆତ୍ମା ଉଡ଼ିଯିବା ପରେ ଦେହର କି ମୂଲ । ଉକ୍ତ ମୃତଦେହକୁ ପ୍ରକୃତିକୁ ଫେରାଇ ଦେବା ହିଁ ଏକ ଧାର୍ମିକ ବିଧି । ଯଦି କାହାର ମୃତ୍ୟୁ ହେଉଛି ତେବେ ମଲା ପରେ ତାଙ୍କ ମୃତଦେହକୁ ଏକ ଧଳା କପଡାରେ ଘୋଡାଇ ଘରର ଏକ କୋଣରେ ୩ରୁ ୫ ଦିନ ଯାଏଁ ରଖାଯାଏ । ଏହି ସମୟରେ ବୌଦ୍ଧ ଭିକ୍ଷୁକଙ୍କ ଦ୍ଵାରା ମନ୍ତ୍ର ଜପାଯାଏ । ପରେ ଏକ ଶୁଭଦିନ ଦେଖି ସକାଳେ ସକାଳେ ଶବକୁ ପାହାଡରେ ଥିବା ଏକ ନିର୍ଦ୍ଦିଷ୍ଟ ସ୍ଥାନକୁ ନିଆଯାଏ ଯେଉଁ ଶବ ସତ୍କାର କରାଯାଏ ।

ପଢନ୍ତୁ ଏହି ଖବର: ଏଠି ମରିବା ବି ମହଙ୍ଗା; ଶବ ପାଇଁ କିଣାଯାଉଛି ଫ୍ଲାଟ୍, ଭୟରେ ପଡ଼ୋଶୀ

• କାହିଁକି ଶବ ଖଣ୍ଡଖଣ୍ଡ ହୁଏ ?

ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି କର୍ମକାଣ୍ଡ କରୁଥିବା ବ୍ୟକ୍ତି ଉକ୍ତ ଶବକୁ କାଟି ଖଣ୍ଡଖଣ୍ଡ କରେ ଏବଂ ପରେ ଶାଗୁଣାଙ୍କୁ ଡାକି ଖାଇବାକୁ ଦିଏ । କାଳେ ପକ୍ଷୀମାନଙ୍କ ଖାଇବାରେ ଅସୁବିଧା ହେବ ତେଣୁ ଶବକୁ ଖଣ୍ଡଖଣ୍ଡ କରାଯାଏ । ତିବ୍ବତିୟ ବୌଦ୍ଧ ଧର୍ମରେ ଶାଗୁଣାକୁ ପବିତ୍ର ପକ୍ଷୀ ରୂପେ ଗଣାଯାଏ । ବିଶ୍ଵାସ ରହିଛି ଯଦି ଶବକୁ ଶାଗୁଣା ସମ୍ପୂର୍ଣ୍ଣ ଖାଇଦେଲା ତେବେ ମୃତବ୍ୟକ୍ତି ଜଣଙ୍କ ଭଲକର୍ମ କରିଥିଲେ ଏବଂ ତାଙ୍କୁ ମୁକ୍ତି ମିଳିଲା । ସାଧାରଣ ଲୋକଙ୍କୁ ଏଭଳି ଅନ୍ତିମ ସଂସ୍କାର ଦେଖିବାକୁ ବାରଣ ଥିବା ବେଳେ ଏଭଳି ଶବ ସତ୍କାର ସମସ୍ତଙ୍କୁ ଚକିତ କରିଛି ।