ରାଜଧାନୀ ଭୁବନେଶ୍ୱରରେ ଅସହ୍ୟ ଗୁଳୁଗୁଳି । ସକାଳ ୮ଟା ୩୦ ସୁଦ୍ଧା ରାଜଧାନୀ ତାପମାତ୍ରା ୩୩ ଡିଗ୍ରୀ ରେକର୍ଡ କରାଯାଇଥିବା ବେଳେ ଆର୍ଦ୍ରତା ୭୭ ପ୍ରତିଶତ ରହିଛି । ଅତ୍ୟଧିକ ଆର୍ଦ୍ରତା ଯୋଗୁଁ ୪୭ ଡିଗ୍ରୀ ତାପମାତ୍ରା ଥିବା ପରି ଅନୁଭବ ହେଉଛି ।

ରାଜଧାନୀ ଭୁବନେଶ୍ୱର ରେ ଅସହ୍ୟ ଗୁଳୁଗୁଳି ପ୍ରଭାବ ଜାରି pic.twitter.com/sGvEyIDAqO

— usd (@usd0705) June 6, 2026

ସେପଟେ ଆଜି ସକାଳ ୫ଟା ୩୦ରେ ଭୁବନେଶ୍ବରର ତାପମାତ୍ରା ୩୦.୮ ଡିଗ୍ରୀ ରେକର୍ଡ କରାଯାଇଥିଲା । ଆର୍ଦ୍ରତା ୮୭ ପ୍ରତିଶତ ରେକର୍ଡ ହୋଇଥିଲା । ସେ ସମୟରେ ରାଜଧାନୀରେ ତାତି ୪୩ ଡିଗ୍ରୀ ଥିବା ପରି ଅନୁଭୂତ ହୋଇଥିଲା ।

ପାଣିପାଗ ବୈଜ୍ଞାନିକ ଡକ୍ଟର ଶରତ ଚନ୍ଦ୍ର ସାହୁଙ୍କ ଆକଳନ ଅନୁଯାୟୀ, କେନ୍ଦ୍ରୀୟ ଭାରତ ଉପରେ ଥିବା ଟ୍ରଫଲାଇନ ଯୋଗୁ ବଙ୍ଗୋପସାଗର ପବନ ରାଜ୍ୟକୁ ଆସିପାରୁନି । ତେଣୁ ଜଳୀୟବାଷ୍ପ କମ୍ ରହୁଛି। ଏଥିଯୋଗୁ ତାତି ଅଚାନକ ବଢ଼ିଯାଇଛି । ଆସନ୍ତା ୨/୩ ଦିନ ଭିତରେ ଟ୍ରପଲାଇନର ପ୍ରଭାବ କମିଯିବ । ତଥାପି ରାଜ୍ୟରେ ଗରମ ପ୍ରକୋପ ୧୧ ତାରିଖ ପର୍ଯ୍ୟନ୍ତ ରହିପାରେ ।

ଅଧିକ ପଢ଼ନ୍ତୁ: ତାତିରୁ ମିଳୁନି ତ୍ରାହି, ଆସନ୍ତା ୫ ଦିନ ଯାଏଁ ଲାଗି ରହିବ ଗରମ ଓ ଗୁଳିଗୁଳି

କାଳବୈଶାଖୀ ବର୍ଷା ୧୧ରୁ ବଢ଼ିପାରେ । ୧୩-୧୪ ତାରିଖ ବେଳକୁ ରାଜ୍ୟରେ ଅଳ୍ପ ବର୍ଷା ସମ୍ଭାବନା ଅଛି । ଏଥର ସମ୍ଭବତଃ ଅଳ୍ପ ବର୍ଷାକୁ ନେଇ ମୌସୁମୀ ଓଡ଼ିଶାରେ ପ୍ରବେଶ କରିପାରେ । ଏ ନେଇ ଆଉ କିଛିଦିନ ପରେ ଚିତ୍ର ସ୍ପଷ୍ଟ ହେବ ।

ମୌସୁମୀ ସ୍ଥିତି ?

ସେପଟେ ପାଣିପାଗ ବିଭାଗ ଅନୁସାରେ, ଦକ୍ଷିଣ-ପଶ୍ଚିମ ମୌସୁମୀ ବାୟୁ ଆଗକୁ ଅଗ୍ରସର ହେଉଛି । ଦକ୍ଷିଣ-ପଶ୍ଚିମ ମୌସୁମୀ ବାୟୁ କର୍ଣ୍ଣାଟକ, ତାମିଲନାଡୁ ସମେତ ଆରବ ସାଗର କିଛି ଅଞ୍ଚଳକୁ ଅଗ୍ରସର ହୋଇଛି ।

ପୁଣି ଆଗକୁ ବଢିଲା ମୌସୁମୀ

ଆଜି ଦକ୍ଷିଣପଶ୍ଚିମ ମୌସୁମୀ ବାୟୁ କର୍ଣ୍ଣାଟକ, ତାମିଲନାଡୁ ସମେତ ଆରବ ସାଗର କିଛି ଅଞ୍ଚଳକୁ ଅଗ୍ରସର ହୋଇଛି pic.twitter.com/RvYIIM8ztq

— usd (@usd0705) June 5, 2026

ଆଗକୁ କେନ୍ଦ୍ରୀୟ ଆରବ ସାଗର, ଗୋଆ, ମହାରାଷ୍ଟ୍ରର କିଛି ଅଞ୍ଚଳ, ଆନ୍ଧ୍ରପ୍ରଦେଶ, କର୍ଣ୍ଣାଟକ, ତାମିଲନାଡ଼ୁର ଅନ୍ୟ ଅଞ୍ଚଳ ସହ ବଙ୍ଗୋପସାଗରର ଅନ୍ୟ ପାର୍ଶ୍ଵକୁ ମୌସୁମୀ ଅଗ୍ରସର ହେବା ଲାଗି ପାଗ ଅନୁକୂଳ ରହିଛି । ଆଗାମୀ ୨ରୁ ୩ ଦିନ ମଧ୍ୟରେ ଉତ୍ତରପୂର୍ବ ରାଜ୍ୟକୁ ଦକ୍ଷିଣ-ପଶ୍ଚିମ ବାୟୁ ଅଗ୍ରସର ହେବା ପାଇଁ ପାଗ ଅନୁକୂଳ ଅଛି ।