Cyclone Akvan / ବାତ୍ୟା 'ଅକଭାନ' ପାଇଁ SRCଙ୍କ ସହ ପ୍ରଭାବିତ ଜିଲ୍ଲାରେ ୨୪ ଘଣ୍ଟିଆ କଣ୍ଟ୍ରୋଲ୍ ରୁମ୍

Key Points
ଜନସାଧାରଣଙ୍କ ଜୀବନ ରକ୍ଷାକୁ ସର୍ବୋଚ୍ଚ ପ୍ରାଥମିକତା ଦେଇଛନ୍ତି ମନ୍ତ୍ରୀ । ଏଥିପାଇଁ ସମସ୍ତ ବିଭାଗକୁ ସମନ୍ୱିତ ଓ ସତର୍କତାମୂଳକ ପଦକ୍ଷେପ ଗ୍ରହଣ ପାଇଁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ବୈଠକ ପରେ ଗଣମାଧ୍ୟମକୁ ସୂଚନା ଦେଇ ରାଜସ୍ଵ ଓ ବିପର୍ଯ୍ୟୟ ମନ୍ତ୍ରୀ ସୁରେଶ ପୂଜାରୀ କହିଛନ୍ତି, "ଅର୍ଣ୍ଣବ ବାତ୍ୟା ଯେଉଁଠାରେ ଲ୍ୟାଣ୍ଡଫଲ୍ କରିଥିଲା, ଏହି ବାତ୍ୟା ତା ଠାରୁ ଦୂରରେ ସ୍ଥଳଭାଗ ଛୁଇଁବ । ବାତ୍ୟାର ପ୍ରଭାବ ଓଡ଼ିଶାରେ ପଡ଼ିବ । ସେଥିପାଇଁ ସରକାର ପ୍ରସ୍ତୁତ ରହିଛନ୍ତି ।"
ବାତ୍ୟା ଲଣ୍ଡଫଲ କରିବା ପୂର୍ବଦିନ ଗଞ୍ଜାମ, ପୁରୀ ଏବଂ ଗଜପତିରେ ପ୍ରବଳରୁ ଅତି ପ୍ରବଳ ବର୍ଷା ହେବାର ପୂର୍ବାନୁମାନ କରାଯାଇଛି । ସମସ୍ତ ଜିଲ୍ଲାର ଜିଲ୍ଲାପାଳ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି । ଜିଲ୍ଲା ଗୁଡ଼ିକରେ ଶୁଖିଲା ଖାଦ୍ୟ, ପିଇବା ପାଣି ସହ ଔଷଧ ଆସନ୍ତାକାଲି ସୁଦ୍ଧା ପ୍ରଦାନ କରାଯିବ ।
ଏଥିସହ ପଢ଼ନ୍ତୁ: ବଙ୍ଗୋପସାଗରରେ ବାତ୍ୟା 'ଅକଭାନ'; ଓଡ଼ିଶାକୁ ଅରେଞ୍ଜ ଆଲର୍ଟ, ୨୦ ମଧ୍ୟାହ୍ନରେ ଛୁଇଁବ ସ୍ଥଳଭାଗ
ଭାରତୀୟ ନୌସେନା ଷ୍ଟାଣ୍ଡ ବାଏରେ ରହିଛି । ମୁଖ୍ୟ ଶାସନ ସଚିବ କେନ୍ଦ୍ର ସରକାରଙ୍କ ସହ ଯୋଗାଯୋଗରେ ଅଛନ୍ତି । ସ୍ଥାନାନ୍ତରିତ ପ୍ରକ୍ରିୟା ମଧ୍ୟ ଆରମ୍ଭ ହୋଇସାରିଛି । ତେଣୁ ସମସ୍ତେ ପ୍ରଶାସନକୁ ସହଯୋଗ କରିବାକୁ ମନ୍ତ୍ରୀ ଅନୁରୋଧ କରିଛନ୍ତି । SRCଙ୍କ ସହ ପ୍ରଭାବିତ ହେବାକୁ ଥିବା ଜିଲ୍ଲା ଗୁ଼ଡ଼ିକରେ ୨୪ ଘଣ୍ଟିଆ କଣ୍ଟ୍ରୋଲ ରୁମ ଖୋଲାଯିବ ସହ ବାତ୍ୟା ନ ଶେଷ ହେବା ପ୍ରଯନ୍ତ ସରକାରୀ ଅଧିକାରୀଙ୍କ ଛୁଟିକୁ ବାତିଲ କରାଯାଇଛି ।
ମାନ୍ୟବର ମନ୍ତ୍ରୀ ଶ୍ରୀ @sureshkpujari ସମ୍ଭାବ୍ୟ ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ନିମନ୍ତେ ରାଜ୍ୟର ପ୍ରସ୍ତୁତି ସମୀକ୍ଷା କରିଛନ୍ତି। ରାଜ୍ୟ ଜରୁରୀକାଳୀନ ପରିଚାଳନା କେନ୍ଦ୍ର (SEOC)ଠାରେ ଅନୁଷ୍ଠିତ ଉଚ୍ଚସ୍ତରୀୟ ବୈଠକରେ ସମ୍ଭାବ୍ୟ ପାଣିପାଗ ପରିସ୍ଥିତି, ଜିଲ୍ଲାସ୍ତରୀୟ ପ୍ରସ୍ତୁତି, ଉଦ୍ଧାର ଓ ରିଲିଫ୍ ବ୍ୟବସ୍ଥାର ସମୀକ୍ଷା କରାଯାଇଛି। ଜନସାଧାରଣଙ୍କ ଜୀବନ ରକ୍ଷାକୁ ସର୍ବୋଚ୍ଚ ପ୍ରାଥମିକତା ଦେଇ ସମସ୍ତ ବିଭାଗକୁ ସମନ୍ୱିତ ଓ ସତର୍କତାମୂଳକ ପଦକ୍ଷେପ ଗ୍ରହଣ ପାଇଁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ବୈଠକର ମୁଖ୍ୟ ନିଷ୍ପତ୍ତି ଓ ପ୍ରସ୍ତୁତି: ✅ଜିଲ୍ଲାସ୍ତରୀୟ ସଜାଗତା: ଗଞ୍ଜାମ, ଗଜପତି, ପୁରୀ, ରାୟଗଡ଼ା, କୋରାପୁଟ ଓ ମାଲକାନଗିରି ଭଳି ସମ୍ଭାବ୍ୟ ପ୍ରଭାବିତ ଜିଲ୍ଲାଗୁଡ଼ିକରେ ୨୪ ଘଣ୍ଟିଆ ଜରୁରୀକାଳୀନ ପରିଚାଳନା କେନ୍ଦ୍ର ସକ୍ରିୟ ରଖିବା, ନୋଡାଲ ଅଧିକାରୀ ନିଯୁକ୍ତି ଓ ନିୟମିତ ସ୍ଥିତି ସମୀକ୍ଷା। ✅ଆଶ୍ରୟସ୍ଥଳୀ ଓ ରିଲିଫ୍: ନଭେମ୍ବର ୧୭ ସୁଦ୍ଧା ଆଶ୍ରୟସ୍ଥଳୀଗୁଡ଼ିକରେ ଖାଦ୍ୟ, ପାନୀୟ ଜଳ, ପରିମଳ, ବିଦ୍ୟୁତ୍ ଓ ଜେନେରେଟର ସମେତ ସମସ୍ତ ଆନୁସଙ୍ଗିକ ସୁବିଧା ସୁନିଶ୍ଚିତ କରିବା। ✅ ସୁରକ୍ଷିତ ସ୍ଥାନାନ୍ତରଣ: ବିପଦପ୍ରବଣ ଓ ଭୂସ୍ଖଳନ ସମ୍ଭାବ୍ୟ ଅଞ୍ଚଳରୁ ଲୋକଙ୍କୁ ଆଗୁଆ ସୁରକ୍ଷିତ ସ୍ଥାନକୁ ନେବା। ଶିଶୁ, ବରିଷ୍ଠ ନାଗରିକ, ଦିବ୍ୟାଙ୍ଗ ଓ ଗର୍ଭବତୀ ମହିଳାଙ୍କ ସ୍ଥାନାନ୍ତରଣକୁ ବିଶେଷ ପ୍ରାଥମିକତା। ✅ ଉଦ୍ଧାରକାରୀ ଦଳ: ମୋଟ ୭୪ଟି ଉଦ୍ଧାରକାରୀ ଦଳ (୬୦ଟି ODRAF ଓ ୧୪ଟି NDRF) ମୁତୟନ ପାଇଁ ଯୋଜନା। ଆବଶ୍ୟକତା ଅନୁଯାୟୀ ଗଞ୍ଜାମ, ଗଜପତି, କନ୍ଧମାଳ, ରାୟଗଡ଼ା, କୋରାପୁଟ, ମାଲକାନଗିରି ଓ ପୁରୀ ସମେତ ସମ୍ଭାବ୍ୟ ପ୍ରଭାବିତ ଜିଲ୍ଲାରେ ଉଦ୍ଧାରକାରୀ ଦଳର ପୂର୍ବ ମୁତୟନ। ✅ ଜଳସମ୍ପଦ ଓ ଯୋଗାଯୋଗ ବ୍ୟବସ୍ଥା: ନଦୀ, ଜଳଭଣ୍ଡାର ଓ ନଦୀବନ୍ଧର ଜଳସ୍ତର ଉପରେ ନିରନ୍ତର ନଜର। ବିପଦପୂର୍ଣ୍ଣ ରାସ୍ତା, ପୋଲ ଓ ପାହାଡ଼ିଆ ରାସ୍ତା ଚିହ୍ନଟ ସହ ଜରୁରୀ ମରାମତି ଦଳ ଓ ଯନ୍ତ୍ରପାତି ପ୍ରସ୍ତୁତ ରଖିବା। ✅ ସ୍ୱାସ୍ଥ୍ୟ ଓ ଅତ୍ୟାବଶ୍ୟକ ସେବା: ହସ୍ପିଟାଲଗୁଡ଼ିକରେ ଡାକ୍ତରୀ ଦଳ, ଆମ୍ବୁଲାନ୍ସ, ଔଷଧ, ଅକ୍ସିଜେନ୍ ଓ ବିକଳ୍ପ ବିଦ୍ୟୁତ୍ ବ୍ୟବସ୍ଥା ପ୍ରସ୍ତୁତ ରଖିବା। ଖାଦ୍ୟଶସ୍ୟ, ଶୁଖିଲା ଖାଦ୍ୟ, ପାନୀୟ ଜଳ ଓ ଇନ୍ଧନର ପର୍ଯ୍ୟାପ୍ତ ମହଜୁଦ ସୁନିଶ୍ଚିତ କରିବା। ✅ ମତ୍ସ୍ୟଜୀବୀଙ୍କ ସୁରକ୍ଷା: ସମୁଦ୍ର ଅଶାନ୍ତ ରହିବାର ପୂର୍ବାନୁମାନ ଥିବାରୁ ମତ୍ସ୍ୟଜୀବୀଙ୍କୁ ସମୁଦ୍ରକୁ ନଯିବା ପାଇଁ ସତର୍କ କରିବା ସହ ସମୁଦ୍ରରେ ଥିବା ମତ୍ସ୍ୟଜୀବୀ ଓ ଡଙ୍ଗାଗୁଡ଼ିକର ସୁରକ୍ଷିତ ପ୍ରତ୍ୟାବର୍ତ୍ତନ ସୁନିଶ୍ଚିତ କରିବା। ✅ ଆଗୁଆ ସତର୍କ ସୂଚନା: SATARK, EWDS, ସାଇରନ୍, SMS ଓ ଗଣମାଧ୍ୟମ ଜରିଆରେ ଜନସାଧାରଣଙ୍କୁ ସମୟୋଚିତ ଓ ସଠିକ୍ ସତର୍କ ସୂଚନା ପହଞ୍ଚାଇବା। ବାତ୍ୟାର ସମ୍ଭାବ୍ୟ ପ୍ରଭାବକୁ ଦୃଷ୍ଟିରେ ରଖି ସମସ୍ତ ବିଭାଗ ଓ ଜିଲ୍ଲା ପ୍ରଶାସନକୁ ନିର୍ଦ୍ଧାରିତ ସମୟସୀମା ମଧ୍ୟରେ ପ୍ରସ୍ତୁତି ସମ୍ପୂର୍ଣ୍ଣ କରିବା ସହ ପରସ୍ପର ମଧ୍ୟରେ ସମନ୍ୱୟ ରଖିବାକୁ ନିର୍ଦ୍ଦେଶ ଦିଆଯାଇଛି।
— Revenue & DM Department, Government of Odisha (@rdmodisha) November 16, 2026
ବାତ୍ୟା ଶେଷ ହେବା ପର୍ଯନ୍ତ ୮ଟି ଜିଲ୍ଲା- କୋରାପୁଟ, ରାୟଗଡ଼ା, ଗଜପତି, ସୁନ୍ଦରଗଡ଼, ମାଲକାନଗିରି, କନ୍ଧମାଳ, ଗଞ୍ଜାମ, ପୁରୀ ଜିଲ୍ଲାରେ ଛୁଟି ବାତିଲ୍ କରାଯାଇଛି । ଅନ୍ୟ ଜିଲ୍ଲା ଗୁଡ଼ିକରେ ଛୁଟି ବାତିଲ୍ ନେଇ ଜିଲ୍ଲାପାଳ ନିଷ୍ପତ୍ତି ନେଇପାରିବେ । ଜଳ ଭଣ୍ଡାରରେ ପାଣି ଛାଡ଼ିବା କାର୍ଯ୍ୟ ଆଜି ଠାରୁ ଆରମ୍ଭ ହୋଇସାରିଛି । ଆସନ୍ତାକାଲି ଜଳ ସମ୍ପଦ ବିଭାଗ ସଚିବ ଗଞ୍ଜାମ ଗସ୍ତରେ ଯାଉଛନ୍ତି, ସେଠାରେ ସ୍ଥିତି ସମୀକ୍ଷା କରିବେ ।
ଏଥିସହ ପଢ଼ନ୍ତୁ: ଅଳିଆ ଗଦାରୁ ସୁନାର ଶ୍ରୀକ୍ଷେତ୍ର; ଦେଶର ୧ ନମ୍ବର ସ୍ୱଚ୍ଛ ଉପକୂଳ ସହର ହେଲା ପୁରୀ
ପୂର୍ବ ବାତ୍ୟା ଅର୍ଣ୍ଣବ ସମୟରେ ଜଳ ସମ୍ପଦ ବିଭାଗର ବ୍ୟାପକ କ୍ଷତି ହୋଇଥିଲା । କିଛି ଜଳଭଣ୍ଡାରର ମରାମତି କାଯ୍ୟ ଚାଲିଛି ଏବଂ କିଛିର ମରାମତି ହୋଇସାରିଛି । ଗଞ୍ଜାମ ଜିଲ୍ଲାରେ ଅନେକ ଜଳଭଣ୍ଡାରର ମରାମତି କାଯ୍ୟ ସରିଛି । ବାତ୍ୟା ଅର୍ଣ୍ଣବ ସମୟରେ ଅନେକ ସ୍ଥାନରେ ଭୁସ୍ଖଳନ କାରଣରୁ ଅନେକ କ୍ଷତି ହୋଇଥିଲା ।
ଭୂସ୍ଖଳନ ଅଞ୍ଚଳ ଚିହ୍ନଟ
ତେଣୁ ଏହି ବାତ୍ୟା ପୂର୍ବରୁ ସରକାର ଭୂସ୍ଖଳନକୁ ଗୁରୁତ୍ୱର ସହ ନେଇଛନ୍ତି । ଭୂସ୍ଖଳନ ପ୍ରବଣ ସମସ୍ତ ପାହାଡ଼କୁ ଚିହ୍ନଟ କରିବାକୁ ଜିଲ୍ଲାପାଳନକୁ ନିର୍ଦ୍ଦେଶ ଦିଆଯାଇଛି । ଗଜପତି ଜିଲ୍ଲାରେ ୧୪୭ଟି ଭୂସ୍ଖଳନ ସ୍ଥାନ ଚିହ୍ନଟ ହୋଇଛି । ସେହିଭଳି ରାୟଗଡ଼ାରେ ୫୫ଟି ଏବଂ କନ୍ଧମାଳରେ ୬୨ ସ୍ଥାନ ଚିହ୍ନଟ କରାଯାଇଛି ।
📱 Get Argus News App
✨