Super Duper ElNino / ପୂରା ଲାଲ ହୋଇଗଲାଣି ପୃଥିବୀ; ଆସୁନି ଶୀତ, ବଢିଲା 'ସୁପର-ଡୁପର ଏଲ୍ ନିନୋ' ବିପଦ

ନୂଆଦିଲ୍ଲୀ: ପୃଥିବୀ ଲାଲ ହେବାରେ ଲାଗିଛି । ଗରମରୁ ମିଳୁନି ମୁକ୍ତି । ଅକ୍ଟୋବରରେ ବି ଶୀତ ଗାଏବ । ଏହାର କାରଣ ହେଉଛି ଏକ ସୁପର ଡୁପର ଏଲ୍ ନିନୋ । ପୂର୍ବରୁ ବିଶ୍ଵର ଅନେକ ବୈଜ୍ଞାନିକ ଏଲ୍ ନିନୋ ବିଷୟରେ ଚେତାବନୀ ଦେଇ ଆସୁଥିଲେ, କିନ୍ତୁ ଏବେ "ସୁପର-ଡୁପର ଏଲ୍ ନିନୋ" ବିଷୟରେ ଭୟ ପ୍ରକାଶ କରିଛନ୍ତି । ପ୍ରଶାନ୍ତ ମହାସାଗରରୁ ଅଧିକ ପରିମାଣରେ ଗରମ ବାୟୁ ବାହାରୁଥିବାରୁ ପୃଥିବୀର ଏକ ବଡ଼ ଅଂଶ "ଅସାଧାରଣ" ଭାବରେ ଉଷ୍ମ ହେବାରେ ଲାଗିଛି ।

'ସୁପର ଏଲ୍ ନିନୋ'ର ଏହି ଚେତାବନୀ ଏପରି ଏକ ସମୟରେ ଆସିଛି, ଯେତେବେଳେ ଜାତିସଂଘ ଏଜେନ୍ସି ବିଶ୍ୱ ପାଣିପାଗ ସଂଗଠନ (WMO) କହିଥିଲା ​​ଯେ ଏହି ବର୍ଷ ୧୯୫୦ ପରଠାରୁ ସବୁଠାରୁ ଶକ୍ତିଶାଳୀ 'ଏଲ୍ ନିନୋ' ମଧ୍ୟରୁ ଗୋଟିଏ ହୋଇପାରେ । ଏବେ ଏଲନିନୋ ଭିତରେ ଏହି ସୁପର ଡୁପର୍ ଏଲନିନୋ ସମସ୍ତଙ୍କର ଚିନ୍ତା ବଢାଇଛି ।

• ପୂରା ଲାଲ ଦିଶୁଛି ପୃଥିବୀ

ପାଣିପାଗ ବିଜ୍ଞାନୀ ରୟାନ ମାଉ ସମଗ୍ର ପୃଥିବୀର ଏକ ଜଳବାୟୁ ମାନଚିତ୍ର ପୋଷ୍ଟ କରିଛନ୍ତି, ଯେଉଁଥିରେ ପୃଥିବୀ ପ୍ରାୟ ସମ୍ପୂର୍ଣ୍ଣ ଲାଲ ରଙ୍ଗର ଦେଖାଯାଉଛି । Xରେ ଏହି ମାନଚିତ୍ର ପୋଷ୍ଟ କରି ସେ କହିଛନ୍ତି, "ଶୀତଦିନେ ମଧ୍ୟ ଏଲ୍ ନିନୋ ନିଜର ଶକ୍ତି ସହିତ ଜାରି ରହିଛି ଏବଂ ଆମେରିକା ବ୍ୟତୀତ ପୃଥିବୀର ତାପମାତ୍ରା ସବୁଠି ବୃଦ୍ଧି ପାଉଛି ।" ଏଲ୍ ନିନୋ ଫେବୃଆରୀ ୨୦୨୭ ପର୍ଯ୍ୟନ୍ତ ରହିବ ବୋଲି ସେ ବିଶ୍ଵ ପାଣିପାଗ ସଂଗଠନର ପୂର୍ବାନୁମାନକୁ ସମର୍ଥନ କରିଛନ୍ତି ।

BREAKING: New maps show Earth almost entirely in the red 🔴 El Niño continues at "maximum power" into the winter with planetary heating dialed up everywhere EXCEPT the United States. Colder than normal in February --> massive "snow dumps" and sloppy ice storms. Wow! https://t.co/48xIK1N8FP

— Ryan Maue (@RyanWeather) October 5, 2026

ସେପଟେ ଆଉ ଜଣେ ଜଳବାୟୁ ବୈଜ୍ଞାନିକ ଜେକ୍ ହାଉସଫାଦର ପୋଷ୍ଟ କରିଛନ୍ତି, "ଏହି ବର୍ଷର ଏଲ୍ ନିନୋ ଏପରି ସ୍ତରରେ ପହଞ୍ଚିଛି ଯାହା ପୂର୍ବରୁ କେବେ ଦେଖାଯାଇନଥିଲା । ସମୁଦ୍ରର ତାପମାତ୍ରା ସ୍ୱାଭାବିକ ଠାରୁ ୩.୪ ଡିଗ୍ରୀ ଅଧିକ ଥିଲା, ଯାହା ଏପର୍ଯ୍ୟନ୍ତ ଇତିହାସରେ ସର୍ବାଧିକ । ପାଣିପାଗ ବିଜ୍ଞାନୀ ଲିଓନ ସାଇମନ୍ସ ଏହି ପାଣିପାଗ ଘଟଣାଟିକୁ 'ସୁପର-ଡୁପର ଏଲ ନିନୋ' ବୋଲି ବର୍ଣ୍ଣନା କରିଛନ୍ତି ।

ପଢନ୍ତୁ ଏହି ଖବର: ଓଡ଼ିଶାରେ ଆଉ ଏକ ଲଘୁଚାପ! ପାର୍ବଣକୁ ପାଣିଚିଆ କରିପାରେ ବର୍ଷା

• ବିଶ୍ଵ ପାଣିପାଗ ସଂଗଠନର ଆକଳନ କଣ?

ଚଳିତ ବର୍ଷ ଅର୍ଥାତ୍ ୨୦୨୬ ଶେଷ ସୁଦ୍ଧା ବିଶ୍ୱର ଏକ ବଡ଼ ଅଂଶରେ ସମୁଦ୍ରର ତାପମାତ୍ରା ସ୍ୱାଭାବିକ ଅପେକ୍ଷା ଅଧିକ ରହିବାର ସମ୍ଭାବନା ରହିଛି ବୋଲି WMO ଏହାର ପୂର୍ବାନୁମାନରେ କହିଛି । ଏଜେନ୍ସି ଏହା ମଧ୍ୟ କହିଛି ଯେ କେନ୍ଦ୍ରୀୟ ଏବଂ ପୂର୍ବ ପ୍ରଶାନ୍ତ ମହାସାଗର (ଯାହା ଏଲ୍ ନିନୋର କେନ୍ଦ୍ର)ରେ ଅକ୍ଟୋବର ଏବଂ ଡିସେମ୍ବର ମଧ୍ୟରେ ସମୁଦ୍ରର ତାପମାତ୍ରା ସ୍ୱାଭାବିକ ଠାରୁ ରେକର୍ଡ ୩.୭ ଡିଗ୍ରୀ ଅଧିକ ହୋଇପାରେ ।

• ସୁପର-ଡୁପର ଏଲନିନୋର ଅର୍ଥ କଣ ?

ପୂର୍ବରେ ବର୍ଣ୍ଣନା କରାଯାଇଥିବା ଏସବୁର ଅର୍ଥ ହେଉଛି ଯେ ପୃଥିବୀ ଗରମ ହେଉଛି । ଏଲ୍ ନିନୋ ସାରା ବିଶ୍ୱରେ ପାଗକୁ ପ୍ରଭାବିତ କରେ । ଏହା ଆଗାମୀ ଦିନରେ ସାରା ବିଶ୍ୱର ତାପମାତ୍ରା ବୃଦ୍ଧି କରିପାରେ ଏବଂ ସାରା ବିଶ୍ଵରେ ବର୍ଷାର ଧାରାକୁ ବାଧା ଦେଇପାରେ । ଏହା ଫଳରେ କିଛି ଅଞ୍ଚଳରେ ମରୁଡ଼ି ଏବଂ ଅନ୍ୟ କିଛି ଅଞ୍ଚଳରେ ପ୍ରବଳ ବର୍ଷା ହୋଇପାରେ । ଏହି ଘଟଣା ସାଧାରଣତଃ ପ୍ରତି ୨ରୁ ୭ ବର୍ଷରେ ଘଟିଥାଏ । ଚିକାଗୋ ବିଶ୍ୱବିଦ୍ୟାଳୟର କ୍ଲାଇମେଟ୍ ଇମ୍ପାକ୍ଟ ଲ୍ୟାବର ଗବେଷକମାନେ ଗତ ମାସରେ ଆକଳନ କରିଥିଲେ ଯେ ଏହି ବର୍ଷର 'ସୁପର-ଏଲ୍ ନିନୋ' ଜୁନ ଏବଂ ଫେବୃଆରୀ ୨୦୨୭ ମଧ୍ୟରେ ବିଶ୍ୱରେ ୪,୫୧,୦୦୦ରୁ ଅଧିକ ମୃତ୍ୟୁ ଘଟାଇପାରେ ।