Rain Alert / ରାଜ୍ୟରେ ପାଣିପାଗର ଦୁଇଟି ରୂପ; ପୂର୍ବରେ କାଳବୈଶାଖୀ ବର୍ଷା, ପଶ୍ଚିମରେ ତାତି

ରାଜ୍ୟରେ ଗତ କିଛି ଦିନ ପୂର୍ବ ଜିଲ୍ଲାଗୁଡ଼ିକରେ ରଜ ପାଗ ଦେଇଥିବାବେଳେ ଗୁଳୁଗୁଳି ଅନୁଭୂତ ହେଉଛି । ପାଣିପାଗ ଖରା ଛାଇର ଲୁଚକାଳି ଖେଳୁଛି । ସକାଳୁ ପୂରା ପାଗ ଛାଇ ଛାଇ ରହୁଥିବାବେଳେ ପୂର୍ବାହ୍ନ ୧୧ଟାରୁ ଟାଣ ଖରା ହେଉଛି । ସେପଟେ ପଶ୍ଚିମରେ ପ୍ରବଳ ତାତି ଅନୁଭୂତ ହେଉଛି । ପ୍ରଖର ଖରାରେ ଏବେଠୁ ସନ୍ତୁଳି ହେଲାଣି ପଶ୍ଚିମ ଜିଲ୍ଲା । ସେପଟେ ଖରାକୁ ଦେଖି ବଲାଙ୍ଗିରରେ ସ୍କୁଲ ଛୁଟି ଘୋଷଣା ହୋଇଛି ।

• ବର୍ଷା ପାଇଁ ଏହି ଜିଲ୍ଲାକୁ ୟେଲୋ ୱାର୍ଣ୍ଣିଂ

ଆସନ୍ତା ୨୪ ଘଣ୍ଟାରେ ବର୍ଷା । ବିଜୁଳି ଘଡଘଡି ସହ ବର୍ଷା ସମ୍ଭାବନା । ଘଣ୍ଟା ପ୍ରତି ପବନରେ ବେଗ ୪୦-୫୦ କି.ମି ଯାଏଁ ବହିବ । ଏନେଇ ୟେଲୋ ୱାଣ୍ଣିଂ ଜାରି କଲା ଭୁବନେଶ୍ଵର ଆଞ୍ଚଳିକ ପାଣିପାଗ କେନ୍ଦ୍ର । ସେହି ଜିଲ୍ଲା ଗୁଡିକ ହେଲା ମୟୂରଭଞ୍ଜ, କେନ୍ଦୁଝର, ଭଦ୍ରକ, ବାଲେଶ୍ୱର । ସେହିପରି ଯାଜପୁର, କେନ୍ଦ୍ରାପଡା, କଟକ, ଜଗସତିଂହପୁର, ପୁରୀ, ଖୋର୍ଦ୍ଧା, ନୟାଗଡ, ଗଞ୍ଜାମ, ଗଜପତି, ସୁନ୍ଦରଗଡ, ସମ୍ବଲପୁର, ବଲାଙ୍ଗୀକ, କଳାହାଣ୍ଡି, ରାୟଗଡା ଓ କୋରାପୁଟ ଜିଲ୍ଲାରେ ମଧ୍ୟ କାଳବୈଶାଖୀ ପ୍ରଭାବ ଦେଖାଦେଇପାରେ ।

• ପଶ୍ଚିମରେ ହିଟୱେଭ୍

ଅନ୍ୟପଟେ ରାଜ୍ୟରେ ପଶ୍ଚିମାଞ୍ଚଳ ଯେପରି ବଲାଙ୍ଗୀର, କଳାହାଣ୍ଡି ଓ ସମ୍ବଲପୁର ଜିଲ୍ଲାରେ ହିଟ୍ ୱେଭ ସ୍ଥିତି ସୃଷ୍ଟି ହେବ । ଏଥିଲାଗି ବଲାଙ୍ଗିର ଜିଲ୍ଲାରେ ଆସନ୍ତା ୧୮ରୁ ୨୧ ସ୍କୁଲ ଛୁଟି ଘୋଷଣା କରାଯାଇଛି । ପ୍ରବଳ ଖରା ଓ ଅସହ୍ୟ ଗରମକୁ ଦୃଷ୍ଟିରେ ରଖି ଜିଲ୍ଲାପାଳ ଏହି ନିଷ୍ପତ୍ତି ନେଇଛନ୍ତି । ଗତ ୨୪ ଘଣ୍ଟାରେ ଟିଟିଲାଗଡ ସହରରେ ସର୍ବାଧିକ ତାପମାତ୍ରା ୪୩.୭ ଡିଗ୍ରୀ ରେକର୍ଡ ହୋଇଥିବା ବେଳେ ୧୪ ଜିଲ୍ଲାରେ ୪୦ ତଥା ତା ଠାରୁ ଅଧିକ ତାପମାତ୍ରା ରେକର୍ଡ ହୋଇଛି ।

ପଢନ୍ତୁ ଏହି ଖବର: ପ୍ରବଳ ଗ୍ରୀଷ୍ମ ପ୍ରବାହ, ୨୨ ଯାଏଁ ସମସ୍ତ ସ୍କୁଲ-କଲେଜ ଛୁଟି

ସେହିପରି ଉଷ୍ମ ଓ ଆଦ୍ରତା ସ୍ଥିତି ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡା, କଟକ, ଜଗତସିଂହପୁର, ପୁରୀ , ଖୋର୍ଦ୍ଧା, ନୟାଗଡ, ଗଞ୍ଜାମ ଓ ଗଜପତି ଜିଲ୍ଲା ପାଇଁ ସତର୍କ ସୂଚନା ଜାରୀ କରିଛି ପାଣିପାଗ କେନ୍ଦ୍ର । ଆସନ୍ତା ୨୪ ତାରିଖ ଯାଏଁ ରାଜ୍ୟରେ ଏଭଳି ପାଗ ଲାଗି ରହିବ ବୋଲି ପାଣିପାଗ ବିଭାଗ କହିଛି ।