ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ୍‌ରେ ଦମଦାର ଫର୍ମରେ ଥିଲେ ବିରାଟ୍ କୋହଲି । ତିନୋଟି ମ୍ୟାଚ୍‌ରୁ ଦୁଇଟି ମ୍ୟାଚ୍‌ ଶତକ ଓ ଗୋଟିଏ ମ୍ୟାଚ୍‌ରେ ଅର୍ଦ୍ଧଶତକ ସେ ହାସଲ କରିଥିଲେ । ବିଶାଖାପାଟଣା ଦିନିକିଆରେ ଯଦି ଦକ୍ଷିଣ ଆଫ୍ରିକା ଯଦି ଆଉ ଅଧିକ ରନ୍‌ ଟାର୍ଗେଟ ଦେଇଥାନ୍ତା ତେବେ ବିରାଟ ଶତକ ମଧ୍ୟ ହାସଲ କରିପାରିଥାନ୍ତେ । ସେ ତୃତୀୟ ଦିନିକିଆରେ ୬୫ ରନର ଅପରାଜିତ ଇନିଂସ ଖେଳି ଭାରତକୁ ୯ ୱିକେଟରେ ବିଜୟୀ କରାଇଥିଲେ । ଆଉ ସିରିଜ୍‌ ଜିତାଇବା ପରେ ବିରାଟ ଶନିବାର ସୀମାଞ୍ଚଳମ ମନ୍ଦିରକୁ ଯାଇଥିଲେ ଏବଂ ଭଗବାନ ବିଷ୍ଣୁଙ୍କ ଆଶୀର୍ବାଦ ମଧ୍ୟ ନେଇଥିଲେ ।

Virat kohli visited Varaha Lakshmi Narasimha temple, Simhachalam, before the match pic.twitter.com/sJmdkeEErL

— 𝙒𝙧𝙤𝙜𝙣🥂 (@wrognxvirat) December 7, 2025

ସୀମାଞ୍ଚଳମ ମମନ୍ଦିରରେ ବିରାଟ କୋହଲିଙ୍କ ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ସେ ଧଳା ଟି-ସାର୍ଟ ପିନ୍ଧି ମାଳା ଧରିଥିବା ଦେଖିବାକୁ ମିଳୁଛି । ଆଉ ଏକ ଭିଡିଓରେ ସେ ମନ୍ଦିରର ପରମ୍ପରା ଅନୁଯାୟୀ ପ୍ରାର୍ଥନା କରୁଥିବାର ଦେଖିବାକୁ ମିଳୁଛି ।

ଅଧିକ ପଢ଼ନ୍ତୁ: ଅଶ୍ବିନଙ୍କ ବଡ଼ ବୟାନ, ଦିନିକିଆ ବିଶ୍ବକପ୍‌ରେ ଓପନିଂ କରନ୍ତୁ ରୋହିତ-କୋହଲି

ବିରାଟ କୋହଲି ଶନିବାର ସୀମାଞ୍ଚଳମ ପାହାଡ଼ର ୩୦୦ ମିଟର ଉଚ୍ଚତାରେ ଅବସ୍ଥିତ ସୀମାଞ୍ଚଳମ ମନ୍ଦିରକୁ ଦର୍ଶନ ପାଇଁ ଯାଇଥିଲେ । ଏହି ମନ୍ଦିରରେ ଭଗବାନ ବିଷ୍ଣୁ ବରାହ ନରସିଂହ ରୂପରେ ଦର୍ଶନ ଦେଉଛନ୍ତି । "ସୀମାଞ୍ଚଳମ" ଶବ୍ଦର ଅର୍ଥ "ସିଂହ ପର୍ବତ"। ଏହି ପର୍ବତକୁ ଭଗବାନ ବିଷ୍ଣୁଙ୍କ ଚତୁର୍ଥ ଅବତାର ଭଗବାନ ନରସିଂହଙ୍କ ବାସସ୍ଥାନ ବୋଲି ବିବେଚନା କରାଯାଏ।

ଅଧିକ ପଢ଼ନ୍ତୁ: ବାରବାଟୀ ଲଢ଼େଇ: ଭୁବନେଶ୍ବରରେ ପହଞ୍ଚିଲେ ଯଶପ୍ରୀତ ବୁମରାହ୍‌

ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ସିରିଜର ତିନୋଟି ମ୍ୟାଚ୍‌ରେ ବିରାଟ କୋହଲିଙ୍କ ଦମଦାର ପ୍ରଦର୍ଶନ ସାରା ବିଶ୍ବ ଦେଖିଲା । ପ୍ରଥମ ଦିନିକିଆରେ ସେ ୧୩୫ ରନ୍ କରି ଐତିହାସିକ ଶତକ ହାସଲ କରିଥିଲେ । ରାଞ୍ଚି ପରେ ସେ ରାୟପୁରରେ ମଧ୍ୟ ଶତକ ହାସଲ କରିଥିଲେ । କିନ୍ତୁ ରାୟପୁର ଦିନିକିଆରେ ଭାରତ ପରାଜୟ ବରଣ କରିଥିଲା । କିନ୍ତୁ ତୃତୀୟ ତଥା ସିରିଜ୍‌ ନିର୍ଣ୍ଣାୟକ ମ୍ୟାଚ୍‌ରେ ବିରାଟ କୋହଲି ଅପରାଜିତ ୬୫ ରନ୍‌ କରି ଭାରତକୁ ବିଜୟ ଭେଟି ଦେଇଥିଲେ । ଯଦି ତୃତୀୟ ଦିନିକିଆରେ ଆଉ ରନ୍ ବାକି ଥାଆନ୍ତା, ତେବେ ବିରାଟ ତାଙ୍କର ଶତକ ହାସଲ କରିପାରିଥାନ୍ତେ। ବିରାଟ ତିନୋଟି ମ୍ୟାଚ୍‌ରେ ମୋଟ ୩୦୨ ରନ୍ କରିଥିଲେ । ଯାହାଫଳରେ ତାଙ୍କୁ ସିରିଜ୍‌ର ଶ୍ରେଷ୍ଠ ଖେଳାଳି ପୁରସ୍କାର ମିଳିଥିଲା ।