ଅର୍ଗସ ବ୍ୟୁରୋ : ଆମକୁ ସୁରକ୍ଷିତ ରଖିବା ପାଇଁ ଅନେକ କଷ୍ଟ ଅନେକ ସଂଘର୍ଷ କରନ୍ତି ଆମ ଦେଶରେ ଯବାନ । ଯେଉଁଥିପାଇଁ ଆମେ ଶାନ୍ତି ଏବଂ ସୁରକ୍ଷିତରେ ଘରେ ଶୋଇପାରୁ । ସେହିପରି ଜଣେ ଯବାନଙ୍କ ଭିଡିଓ ଏବେ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ବାଲିରେ ପାମ୍ପଡ ସେକୁଥିବା ନଜର ଆସିଛନ୍ତି । ରାଜସ୍ଥାନର ବର୍ଡରରେ ଥିବା ଯବାନମାନଙ୍କ ମଧ୍ୟରେ ଜଣେ ଯବାନ ଗରମ ତତଲା ବାଲିରେ ପାମ୍ପଡକୁ ରଖିଥିଲେ । ପରେ ଏହା ଉପରେ କିଛି ବାଲି ଦେଇ ଅପେକ୍ଷା କରିଥଇଲେ । କିଛି ସମୟ ପରେ ପାମ୍ପଡ ଭାଜି ହୋଇଥିବା ନଜର ଆସିଥିଲା । ୪୭ ଡିଗ୍ରୀ ତାପମାତ୍ରାରେ ଏହି ପାମ୍ପଡ ଭାଜି ହୋଇ ଯାଇଥିଲା ।

ଏହି ଭିଡିଓକୁ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ଶେୟାର କରିଛନ୍ତି, ଏବଂ ଲେଖିଛନ୍ତି, "ଏହି ଯବାନଙ୍କ ଏପରି ଭିଡିଓ ଦେଖିବା ପରେ ତାଙ୍କପ୍ରତି ମୋର ସମ୍ମାନ ଅଧିକ ବଢିଗଲା । ଏପରି ଅବସ୍ଥାରେ ରହି ମଧ୍ୟ ସେମାନେ ଆମକୁ ସୁରକ୍ଷିତ ରଖି ପାରିଛନ୍ତି ।"  ଏହି ଭିଡିଓରେ ଅନେକ ଜଣ କମେଣ୍ଟ କରି ଯବାନଙ୍କ ପ୍ରଶଂସା କରିଛନ୍ତି ।