ଅର୍ଗସ ବ୍ୟୁରୋ : ସୋସାଇଟିରେ ଥିବା ଅନେକ ଜଣଙ୍କୁ ବିଭିନ୍ନ ପ୍ରକାର ଜିନିଷର ଫୋବିଆ ଥାଏ । ସେହିପରି ଲଣ୍ଡନର ଜଣେ ଛାତ୍ର ଯିଏ ହେୟାରକଟ ଫୋବିଆରେ ଆକ୍ରାନ୍ତ ଅଟନ୍ତି । ନିଜ ଚୁଟି କାଟିବାକୁ ଡରିଥାନ୍ତି ଏହି ୧୨ ବର୍ଷର ଛାତ୍ର ଫାରୁକ ଜେମସ୍ । ସେ କେବେବି ନିଜର ଚୁଟି କାଟିନାହାନ୍ତି । ଏବେ ତାଙ୍କ ଚୁଟି ଝିଅପିଲାଙ୍କ ଭଳି ଲମ୍ବା ଏବଂ ଘନ ହୋଇଗଲାଣି । ତାଙ୍କ ବାପା ମା' ମଧ୍ୟ ତାଙ୍କୁ ଚୁଟି କାଟିବା ପାଇଁ ବାଧ୍ୟ କରି ନାହାନ୍ତି । ହେଲେ ତାଙ୍କ ସ୍କୁଲରେ ତାଙ୍କୁ ଚୁଟି କାଟିକା ପାଇଁ ସତର୍କ କରାଇଛନ୍ତି । ନଚେତ ସ୍କୁଲରୁ ବାହାର କରିଦେବା ପାଇଁ ଚେତାବନୀ ଦେଇଛନ୍ତି । ଏହା ସ୍କୁଲ ନିୟମର ବାହାରେ ବୋଲି ସେ ବାରମ୍ବାର ଫାରକଙ୍କୁ ଏଥିପାଇଁ ସତର୍କ କରାଇଛନ୍ତି ।
ଅଧିକ ପଢନ୍ତୁ : ଗୋଟିଏ କି ଦୁଇଟି ନୁହେଁ, ୨୩୧ଟି ବିଶ୍ବବିଦ୍ୟାଳୟରୁ ଅଫର୍
ତେବେ ଫାରୁକଙ୍କ ମାଆ ଏହା ନେଇ କହିଛନ୍ତି ଯେ, ଫାରୁକ ଛୋଟବେଳୁ ଚୁଟି କାଟିବା ପାଇଁ ଡରିଥାନ୍ତି । ଯେଉଁଥିପାଇଁ ସେ ତାଙ୍କୁ ଚୁଟି ବାନ୍ଧିକି ସ୍କୁଲକୁ ପଠାଇବାକୁ ରାଜି ଅଛନ୍ତି । ହେଲେ ସେଥିପାଇଁ ମଧ୍ୟ ସ୍କୁଲ କର୍ତ୍ତୁପକ୍ଷ ତାଙ୍କୁ ଅନୁମତି ଦେଉନାହାନ୍ତି । ଏବେ ତାଙ୍କୁ ସିଧା ସ୍କୁଲରୁ ବାହାର କରିବାକୁ ମଧ୍ୟ ଚେତାବନୀ ଦେଇଛନ୍ତି । ଯାହାକୁ ନେଇ ସେ ଏବଂ ତାଙ୍କ ପରିବାର ପୁରା ଚିନ୍ତାରେ ଅଛନ୍ତି ।
ଫାରୁକଙ୍କର ଇନଷ୍ଟାଗ୍ରାମରେ ୨ ଲକ୍ଷ ୫୦ ହଜାର ଫଲୋର୍ସ ଥିବାବେଳେ ତାଙ୍କ ଚୁଟିର ବେଶ ପ୍ରଶଂସକ ଅଛନ୍ତି ।