ଅର୍ଗସ ବ୍ୟୁରୋ : ପୁଣି ରାଜରାସ୍ତାକୁ ଓହ୍ଲାଇଲେ ଅଲ ଓଡିଶା ପେଣ୍ଟିଂ ଆର୍ଟିଷ୍ଟ ଆସୋସିଏସନ । ରାଜ୍ୟ ସରକାର ଓଡ଼ିଶାରେ ନିଯୁକ୍ତି ନାଁରେ ଠକେଇ ଅଭିଯାନ ଚଳେଇଥିବା କହିଛନ୍ତି ପେଣ୍ଟିଂ ଆର୍ଟିଷ୍ଟ । ସଂଘର ସଭାପତିଙ୍କ ଅଭିଯୋଗ ରାଜ୍ୟ ସରକାରଙ୍କ କଳା ସଂସ୍କୃତି ବିଭାଗ ପକ୍ଷରୁ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି କିନ୍ତୁ ଏହାର ସୁଫଳ ଆସୋସିଏସନର କୌଣସି ପେଣ୍ଟର ପାଇ ପାରୁନାହାନ୍ତି । 

ଅଧିକ ପଢନ୍ତୁ ଓଡ଼ିଶା ଖବର

ଆଜିକୁ ୮ ବର୍ଷ ଧରି ବିଭିନ୍ନ ଦାବି କରି ଆସୁଥିଲେ ବି କର୍ଣ୍ଣପାତ କରୁନାହାନ୍ତି ସରକାର । ସ୍ବତନ୍ତ୍ର ରଙ୍ଗତୁଳୀ କଳାକାର କଲ୍ୟାଣ ବୋର୍ଡ଼ ଗଠନ, ଠିକାଦାର ପ୍ରଥା ସମ୍ପୂର୍ଣ୍ଣ ବାତିଲ ସହ କଳାକାରଙ୍କୁ ବିଶ୍ୱକର୍ମା ଯୋଜନାରେ ସାମିଲ କରିବା ପାଇଁ କେନ୍ଦ୍ରକୁ ଚିଠି, ଏମିତି ୧୨ ଦଫା ଦାବି ସରକାର ପୂରଣ କରନ୍ତୁ । ଯଦି ଏଭଳି ନୁହେଁ ତୁଳି କଳାକାରଙ୍କ ୪୦୦୦୦ ପରିବାର ଭୋଟ ବର୍ଜନ କରିବାର ଧମକ ଦେଇଛନ୍ତି ।