ଅର୍ଗସ ବ୍ୟୁରୋ: ବିକାଶ ଶ୍ରୋତରୁ ବାହାରେ ଉତୁର୍ଲା। ଘଞ୍ଚ ଜଙ୍ଗଲ ମଧ୍ୟରେ ଥିବା ଏହି ଗାଁରେ ସରକାରଙ୍କ ସ ବୁ ଯୋଜନା ଅପହଞ୍ଚ। ନାହିଁନାହିଁ ମଧ୍ୟରେ ଜୀବନ କାଟୁଛନ୍ତି ଅଞ୍ଚଳବାସୀ। ତେବେ ସ ବୁଠୁ ଅଧିକ କଷ୍ଟ ଦେଉଛି ଜଳ ଯନ୍ତ୍ରଣା। ପାଣି ଏଠି ସମସ୍ୟା ନୁହେଁ ଚିନ୍ତାର କାରଣ। ବସୁଧା ଯୋଜନା ଏଠାରେ ପାଦ ପକାଇନି ।
ଗାଁଠୁ କିଛି ଦୂରରେ ଥିବା ଚୁଆ ଏମାନଙ୍କ ପାଇଁ ପାନୀୟ ଜଳର ମାଧ୍ୟମ। ଏହି ପାଣି ଦୂଷିତ ବୋଲି ଜାଣି ମଧ୍ୟ ବିକଳ୍ପ ନଥିବାରୁ ଏହି ପାଣି ପିଉଛନ୍ତି ଉତୁର୍ଲାବାସୀ।
ଏ ହେଉଛି ବୌଦ୍ଧ ଜିଲ୍ଲା କଣ୍ଟାମାଲ ବ୍ଲକ ବରଗାଁ ପଂଚାୟତର ଉତୁର୍ଲା ନୂଆଁପଡା I ଦୀର୍ଘ ବର୍ଷ ହେବ ଏଠାରେ 15 ପରିବାର ବସବାସ କରିଆସୁଛନ୍ତି I ଘଞ୍ଚଜଙ୍ଗଲ ମଧ୍ୟରେ ରହିଛି ଗାଁ I କିନ୍ତୁ ଗାଁରେ ଗମନା ଗମନା ପାଇଁ ଏଯାଏଁ କୌଣସି ବ୍ୟବସ୍ଥା ହୋଇନି। ଖାଲଖମା ଭରା ଜଙ୍ଗଲ ରାସ୍ତା ଦେଇ ଏଠି ଲୋକେ ଆତଯାତ କରୁଛନ୍ତି। ଖାଲି ସେତିକି ନୁହେଁ ଗ୍ରାମବାସୀଙ୍କ ପାଇଁ ଶିକ୍ଷା ଓ ସ୍ବାସ୍ଥ୍ୟର କିଛି ବ୍ୟବସ୍ଥା ହୋଇନି। ଫଳରେ ଜୀବନ ବଞ୍ଚିବା ପାଇଁ ନାନା ସମସ୍ୟାର ସମ୍ମୁଖିନ ହେଉଛନ୍ତି ଅଞ୍ଚଳବାସୀ।
ଅଧିକ ପଢ଼ନ୍ତୁ ଓଡିଶା ଖବର: