ଅର୍ଗସ ବ୍ୟୁରୋ : ପୂର୍ବ ଶତ୍ରୁତାରୁ କେବିନ ଜାଳିଦେଲେ ଦୁର୍ବୁତ୍ତ । ଏଭଳି ଏକ ଅଭିଯୋଗ ଆଣିଛନ୍ତି ଆଳି ଥାନା ଗଉଡ଼ପାଟଣା ଗ୍ରାମର କୁସୁମ ପରିଡା । କୁସୁମ ଆଳି ନୂଆ ବସଷ୍ଟାଣ୍ଡ ନିକଟରେ ଗତ ୪ ମାସ ପୂର୍ବେ ଏକ କେବିନ ପକାଇ ଭେରାଇଟି ଷ୍ଟୋର କରି ପରିବାର ଚଳାଉଥିଲେ । ଗତ ରାତି ପ୍ରାୟ ୮ ଟା ସମୟରେ ଦୋକାନ ବନ୍ଦ କରି ଘରକୁ ଯାଇଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ରାତି ପ୍ରାୟ ୨ ଟା ସମୟରେ ଦୋକାନ ଜଳୁଥିବା ନେଇ ଖବର ପାଇ ଆସି ଦୋକାନ ଜଳୁଥିବା ଦେଖିବାକୁ ପାଇଥିଲେ । ନିଆଁରେ କେବିନ ସହିତ ପ୍ରାୟ ଦେଢ଼ ଲକ୍ଷ ଟଙ୍କାର ସାମଗ୍ରୀ ଜଳିପୋଡି ପାଉଁଶ ହୋଇଯାଇଛି । ଦୋକାନ ନିକଟରେ ଏକ ସାବଳ ପଡିଥିବାରୁ କେହି ଦୁର୍ବୁତ୍ତ ଏଭଳି କରିଥିବା ନେଇ ଆଳି ଥାନାରେ ଅଭିଯୋଗ କରିଛନ୍ତି କୁସୁମ ।