ଅର୍ଗସ ବ୍ୟୁରୋ : ବାସୁଦେବପୁର ବଜାରରେ ଥିବା ପିକେ ଜୁଏଲର୍ସରୁ ଲୁଟ ଘଟଣାର ଜଣକୁ ଗିରଫ କରି କୋର୍ଟ ଚାଲାଣ କଲା ବାସୁଦେବପୁର ପୋଲିସ । ଏଥି ସହ ତାର ନିକଟରୁ ୫ଟି ସୁନା ଚେନ ଜବଦ କରିଥିବା ନେଇ ଆଜି ସୂଚନା ଦେଇଛି ପୋଲିସ । ଯାହାର ଆନୁମାନିକ ମୂଲ୍ୟ ୪ଲକ୍ଷ ଟଙ୍କାରୁ ଉର୍ଦ୍ଧ ହେବ ବୋଲି ଜଣାପଡିଛି । ଗତ କିଛି ଦିନ ତଳେ ବାସୁଦେବପୁର ବଜାରରେ ଥିବା ପିକେ ଜୁଏଲାର୍ସରୁ ଦିନ ଦିପ୍ରହରରେ ଲୁଟେରା ୧୨ଟି ସୁନା ଚେନ ଲୁଟି ନେଇଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ଏ ଖବର ପାଇବା ପରେ ପୋଲିସ ସିସି ଟିଭି ଆଧାରରେ ବିଭିନ ସ୍ଥାନରେ ଚଢ଼ାଉ କରିଥିଲା । ଶେଷରେ ନୂଆପଡା ଅଞ୍ଚଳକୁ ଲୁଟେରାକୁ କାବୁ କରିଥିଲା । ତେବେ ଜଣେ ଗିରଫ ହେଇଥିବା ବେଳେ ଅନ୍ୟ ଜଣେ ଫେରାର ଥିବା ପୋଲିସ ସୂଚନା ଦେଇଛି । ଗିରଫ ହେଇଥିବା ଲୁଟେରା ନୂଆପଡା ଅଂଚଳର ମୁସଲିମ ବାଘର ଜାଫ୍ରି ବୋଲି ଜଣାପଦିଛି । ତେବେ ଗିରଫ ପରେ ତାର ନିକଟରୁ ୫ଟି ସୁନା ଚେନକୁ ପୋଲିସ ସିଜ କରିଛି ।