ଅର୍ଗସ ବ୍ୟୁରୋ : ଚାଲିଗଲେ ସୁନ୍ଦରୀ ବାଇକବାଲୀ ତାତ୍ୟାନା ଓଜୋଲିନା । ୩୮ ବର୍ଷ ବୟସରେ ବାଇକ ଦୁର୍ଘଟଣାରେ ତାଙ୍କର ଜୀବନ ଚାଲିଯାଇଛି । ଓଜୋଲିନା ହେଉଛନ୍ତି ଋଷିଆର ଫେମସ ବାଇକ ରାଇଡର ଏବଂ ସୋସିଆଲ ମିଡିଆ ଇନଫ୍ଲୁଏନସର । ସେ 'ମୋଟୋ ତାନ୍ୟା' ଭାବେ ସୋସିଆଲ ମିଡିଆରେ ପରିଚିତ । ବାଇକ ରାଇଡ କରିବାକୁ ପସନ୍ଦ କରନ୍ତି ଓଜୋଲିନା । ସେଦିନ ମୁଗଲାରୁ ବୋରୋଡମ ମଧ୍ୟରେ ଯାତ୍ରା କରୁଥିଲେ ଓଜୋଲିନା । ସେ ନିଜର ନାଲି ବିଏମଡବଲ୍ୟୁ S1000RR 2015 ଧରି ଯାଉଥିଲେ । ଏହି ସମୟରେ ଆଉ ଏକ ବାଇକ ଚଲାଳୀ ଗୋଷ୍ଠୀଙ୍କ ସହ ତାଙ୍କ ଗାଡିର ଧକ୍କା ହୋଇଥିଲା । ସେମାନେ ହଠାତ୍ ବ୍ରେକ ମାରିଥିଲେ, କିନ୍ତୁ ମିସେସ ଓଜୋଲିନା ନିଜକୁ କଣ୍ଟ୍ରୋଲ କରିପାରିନଥିଲେ । ଏବଂ ସେହିଠାରେ ସେ ଏକ ଟ୍ରକ ସହ ନିଜ ଗାଡିକୁ ପିଟି ଦେଇଥିଲେ । ଆମ୍ବୁଲାନ୍ସ ସେଠାରେ ପହଞ୍ଚିବା ପୂର୍ବରୁ ହିଁ ତାଙ୍କର ସମୃତ୍ୟୁ ହୋଇ ଯାଇଥିଲା ।
ଅଧିକ ପଢନ୍ତୁ ବିଦେଶ ଖବର
ମିସେସ ଓଜୋଲିନା ଜଣେ ବ୍ଲଗର ଅଟନ୍ତି । ତାଙ୍କର ଇନଷ୍ଟାଗ୍ରାମରେ ୧ ମିଲିଅନ ଫଲୋର୍ସ ଥିବାବେଳେ ୟୁଟ୍ୟୁବରେ ୨ ମିଲିଅନ ଫଲୋର୍ସ ଅଟନ୍ତି । ସେ ବିବାହିତା, ଏବଂ ତାଙ୍କର ୧୩ ବର୍ଷର ପୁଅଟିଏ ମଧ୍ୟ ଅଛି। ତାଙ୍କର ମୃତ୍ୟୁ ଖବର ପରେ ସ୍ବଧ ହୋଇଯାଇଛନ୍ତି ପରିବାର । ତାଙ୍କର ମୃତ୍ୟୁକୁ ନେଇ ମୋଟୋମସ୍କୋର ହେଡ୍ ଆଣ୍ଡ୍ରେଇ ଲାଭାନୋଭ କହିଛନ୍ତି , ସେ ଏବେ ମୋ ସହ ନାହାନ୍ତି, କିନ୍ତୁ ତାଙ୍କର ଏକ ସୁନ୍ଦର ଜୀବନଶୈଳୀ ଥିଲା । ତାଙ୍କୁ ମିଲିଅନ ଲୋକେ ଫଲୋ କରୁଛନ୍ତି । ଦୂନିଆରେ ଏପରି କୌଣସି ମଟର ବାଇକ ନାହିଁ, ଯାହାକୁ ଚଲାଇବାରେ ଅକ୍ଷମ ଓଜୋଲିନା ।