ଅର୍ଗସ ବ୍ୟୁରୋ : ବିଜେଡି ବାଇକ୍ ରାଲିରୁ ଫେରିବାବେଳେ ବ୍ରହ୍ମପୁର ଗୋଳନ୍ଥରାରେ ଦୁର୍ଘଟଣା ଘଟି ଦୁଇ ଜଣଙ୍କ ମୃତ୍ୟୁ ଘଟଣା । ୨୦ ଲକ୍ଷ ଟଙ୍କା କ୍ଷତିପୂରଣ ଦାବିରେ ମୃତକଙ୍କ ପରିବାର ପକ୍ଷରୁ ଗୋଳନ୍ଥରାଠାରେ ୧୬ ନଂ ଏନଏଚ୍ ଅବରୋଧ କରାଯାଇଛି ।
ଗତକାଲି କନିସି-ତୁଳୁ ରାସ୍ତା ଦାସପୁର ଛକ ନିକଟରେ ଦୁଇ ବାଇକ ମୁହାଁମୁହିଁ ଧକ୍କା ହୋଇ ଦୁଇ ଜଣଙ୍କ ମୃତ୍ୟୁ ଘଟିଥିଲାବେଳେ ୨ ଜଣ ଗୁରୁତର ହୋଇଥିଲେ । ମୃତକ ଗୋଳନ୍ଥରା ହରିଜନ ସାହିର ରୋହିତ ଦାସ ଓ କାଳିଆ ଦାସ । ଗୁରୁତର ଗୁଣୁପୁର ଗାଁର କୈଳାଶ ଚନ୍ଦ୍ର ସାହୁ ଓ ଗୋଳନ୍ଥରା ଗାଁର ସନ୍ତୋଷ ଦାସ ।
ଅଧିକ ପଢନ୍ତୁ ଓଡ଼ିଶା ଖବର
ବ୍ରହ୍ମପୁର ବଡ଼ ମେଡିକାଲରେ ଗୁରୁତର ସନ୍ତୋଷଙ୍କ ଚିକିତ୍ସା ଚାଲିଥିବାବେଳେ ଅନ୍ୟ ଜଣେ ଗୁରୁତର କୈଳାଶଙ୍କୁ ବିଶାଖାପାଟଣା ସ୍ଥାନାନ୍ତର କରାଯାଇଛି । ଗୋଳନ୍ଥରା ଗାଁର ରୋହିତ ଦାସ, ସନ୍ତୋଷ ଦାସ ଓ କାଳିଆ ଦାସ ବିଜେଡ଼ି ରାଲିରେ ସାମିଲ ରହି ମାର୍କଣ୍ଡିରୁ ମୋଟର ସାଇକେଲ ଯୋଗେ ଫେରୁଥିବାବେଳେ ଦୁର୍ଘଟଣାର ଶିକାର ହୋଇଥିଲେ ।