ଅର୍ଗସ ବ୍ୟୁରୋ: ମହିଳାଙ୍କ ପ୍ରଶ୍ନ ବାଣରେ ଘାଇଲା ବିଜେଡି ବିଧାୟକ। ଉତ୍ତର ଦେବା ବଦଳରେ କ୍ୟାମେରା ଆଗରେ କିଛି କହିବିନି କହି ଚାଲିଗଲେ । ରାଜନଗର ବିଜେଡି ବିଧାୟକ ଧ୍ରୁବ ସାହୁ ପଞ୍ଚାୟତ କାର୍ଯ୍ୟାଳୟରେ ନିର୍ମାଣ ହେବାକୁ ଥିବା ମେଗା ପାନୀୟ ଜଳର ବୋରୱେଲ ଶୁଭଦେବାକୁ ଆସିଥିବା ବେଳେ ଏଭଳି ହଟହଟା ହୋଇଛନ୍ତି । ନିର୍ବାଚନ ସମୟରେ ବିଭିନ୍ନ ମହିଳା ଗୋଷ୍ଠୀଙ୍କୁ ପୂର୍ବତନ ନବୀନ ସରକାରଙ୍କ ଦ୍ୱାରା ତିନି ହଜାର ଟଙ୍କା ଦିଆଯାଇଥିଲା, ହେଲେ ବାଲିସାହିପାଟଣା ପଞ୍ଚାୟତର ମହିଳା ଗୋଷ୍ଠୀକୁ କାହିଁକି ଟଙ୍କା ମିଳିନଥିଲା ବୋଲି ପ୍ରଶ୍ନ କରିଥିଲେ ।
ଜବାବରେ ବିଧାୟକ ଧ୍ରୁବ ସାହୁ ଯେଉଁ ଟଙ୍କା ସରକାର ଦେଇଛନ୍ତି ସେହି ଟଙ୍କା ବିଷୟରେ କହିପାରିବି ଅନ୍ୟ କୌଣସି ଟଙ୍କା ବିଷୟରେ କହିପାରିବିନାହିଁ ଆମେ ଏ ବିଷୟରେ ପରେ କଥା ହେବା କହି ଚାଲିଗଲେ । ଏଠି ପ୍ରଶ୍ନ, ନିର୍ବାଚନ ସମୟରେ ମହିଳା ଗୋଷ୍ଠୀ ମାଧ୍ୟମରେ ମହିଳାଙ୍କୁ ମିଳୁଥିବା ଟଙ୍କା କିଏ ଦେଉଥିଲା ? ତାହା କ'ଣ ସରକାରୀ ଟଙ୍କା ନଥିଲା କି ? ଯଦି ସରକାରୀ ଟଙ୍କା ନଥିଲା ତାହା କେଉଁ ଟଙ୍କା ଥିଲା ?
ଅଧିକ ପଢ଼ନ୍ତୁ ଓଡିଶା ଖବର: