ଅର୍ଗସ ବ୍ୟୁରୋ : ଏନଏସିରୁ ମନମୁଣ୍ଡା ବାଦ ପଡିବା ପ୍ରତିବାଦରେ ମୁଖ୍ୟମନ୍ତ୍ରୀ ଓ ବିଧାୟକଙ୍କ କୁଶ ପୁତ୍ତଳିକା ଦାହ । ଗତ ସଂଧ୍ୟାରେ ମନମୁଣ୍ଡା ସହର ଉପକଣ୍ଠ ସୁବର୍ଣ୍ଣପାଲି ଶୈବପୀଠ ପ୍ରାଙ୍ଗଣରେ ମନମୁଣ୍ଡାବାସୀଙ୍କ ବୈଠକରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା । ରାଜ୍ୟ ସରକାର ଗତକାଲି ବୌଦ୍ଧ ଜିଲ୍ଲାର କଣ୍ଟାମାଳକୁ ଏନଏସି ଘୋଷଣା କରିଥିବା ବେଳେ ଏଥିରୁ ମନମୁଣ୍ଡା ବାଦ ପଡିଛି ।
ଅଧିକ ପଢନ୍ତୁ ଓଡ଼ିଶା ଖବର
ଗତ ମାସ ମନମୁଣ୍ଡାରେ ଆୟୋଜିତ ଅସୁରଗଡ ମହୋତ୍ସବରେ କଣ୍ଟାମାଳ ବିଧାୟକ ମହୀଧର ରଣା ମନମୁଣ୍ଡା ଏନଏସି ନିଶ୍ଚୟ ହେବ ବୋଲି ଉପସ୍ଥିତ ହଜାର ହଜାର ଲୋକଙ୍କୁ ପ୍ରତିଶ୍ରୁତି ଦେଇଥିଲେ ମଧ୍ୟ ପ୍ରତିଶ୍ରୁତି ରକ୍ଷା କରିନାହାନ୍ତି । ଯାହା ବିରୋଧରେ ତେଜୁଛି ଅସନ୍ତୋଷ । ପ୍ରତିବାଦରେ ଆସନ୍ତାକାଲି ମନମୁଣ୍ଡା ବନ୍ଦ ଡାକରା ଦିଆଯାଇଛି ।