ଅର୍ଗସ ବ୍ୟୁରୋ: ମୋଦିଙ୍କ ତୃତୀୟ ପାଳିର ପ୍ରଥମ ପୂର୍ଣ୍ଣାଙ୍ଗ ବଜେଟ । 2024-25ର ଏହି ପୂର୍ଣ୍ଣାଙ୍ଗ ବଜେଟ ଲୋକଙ୍କ ରୋଜଗାର ବଢାଇବ । ରେକର୍ଡ ସପ୍ତମ ଥର ପାଇଁ ବଜେଟ ଉପସ୍ଥାପନ କଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଗରିବ,ମହିଳା, ଯୁବବର୍ଗ ଓ କୃଷକଙ୍କ ଉପରେ ସରକାରଙ୍କ ଫୋକସ୍ । ୫ ବର୍ଷରେ ୪ କୋଟି ଯୁବବର୍ଗଙ୍କୁ ରୋଜଗାର ଦେବା ପାଇଁ ଲକ୍ଷ୍ୟ ରହିଛି । ୧ କୋଟି ଘରକୁ ମାଗଣା ବିଜୁଳି ଯୋଗାଣ ହେବ। ପ୍ରଧାନମନ୍ତ୍ରୀ ସୂର୍ଯ୍ୟଘର ମୁକ୍ତ ବିଜୁଳି ଯୋଜନାରେ ମିଳିବ। ସରକାରୀ ସହାୟତାରେ ଛାତ ଉପରେ ଲାଗିବ ସୋଲାର ପ୍ୟାନେଲ। ପ୍ରତି ଘରୁ ମାସିକ ୩ଶହ ୟୁନିଟ ବିଜୁଳି ଉତ୍ପାଦନ ଲକ୍ଷ୍ୟ ରହିଛି । ୨୫ ହଜାର ଗାଁକୁ ପକ୍କା ରାସ୍ତା ନିର୍ମାଣ କରାଯିବ। ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ତିଆରି ହେବ ରାସ୍ତା। ପିଏମ ଆଓ୍ବାସ ଯୋଜନାରେ 3କୋଟି ଅଧିକ ଘର ଯୋଗାଇ ଦିଆଯିବ ।
ନିଯୁକ୍ତି, ଶିକ୍ଷା ଓ ଦକ୍ଷତା ବିକାଶ ପାଇଁ ୧ ଲକ୍ଷ ୪୮ ହଜାର କୋଟି ବ୍ୟବସ୍ଥା ହୋଇଛି । ଭାରତ ଯୁବ ବର୍ଗ ଙ୍କୁ ଆତ୍ମନିର୍ଭର ପାଇଁ ଯୋଜନା କରାଯାଇଛି। ଚାଷୀଙ୍କ ଉତ୍ପାଦର ଷ୍ଟୋରେଜ ଓ ମାର୍କେଟିଂ ପାଇଁ ବିଶେଷ ବ୍ୟବସ୍ଥା ହେବ।ଚାଷୀଙ୍କ ପାଇଁ ୧୦ ହଜାର ବାୟୋ ରିସର୍ଚ୍ଚ କେନ୍ଦ୍ର ପ୍ରତିଷ୍ଠା ହେବ। କୃଷି କ୍ଷେତ୍ର ପାଇଁ ୧ ଲକ୍ଷ ୫୨ ହଜାର କୋଟିର ପ୍ରାବଧାନ ରହିଛି । ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନଯୋଜନା ୫ ବର୍ଷ ବଢ଼ାଯାଇଛି। ୫ ବର୍ଷରେ ୪ କୋଟି ଯୁବବର୍ଗଙ୍କୁ ନିଯୁକ୍ତି ମିଳିବ। ମୁଦ୍ରା ଲୋନର ଲିମିଟ 10ଲକ୍ଷ ଟଙ୍କାରୁ ବଢାଯାଇ 20 ଲକ୍ଷ ଟଙ୍କା କରାଯାଇଛି । 20ଲକ୍ଷ ଯୁବପିଢୀଙ୍କୁ 5ବର୍ଷ ମଧ୍ୟରେ ସ୍କିଲ୍ଡ କରାଯିବ । ଏକ ହଜାର ଆଇଟିଆଇ ପ୍ରତିଷ୍ଠା ହେବ ।
କେନ୍ଦ୍ର ବଜେଟରେ କୃଷି ଓ କୃଷକଙ୍କ ଉପରେ ଅଧିକ ଫୋକସ୍ ରହିଛି। କୃଷି ଓ ତା ସହିତ ସମ୍ପର୍କିତ କ୍ଷେତ୍ର ପାଇଁ 1.52 ଲକ୍ଷ କୋଟି । 32ଟି ଫସଲର 109 କିସମ ଅଣାଯିବ । 400ଟି ଜିଲ୍ଲାରେ ଫସଲ ଡିଜିଟାଲ ସର୍ଭେ ହେବ । କୃଷି କ୍ଷେତ୍ରରେ ଉତ୍ପାଦନ ବଢ଼ାଇବା ଉପରେ ଗୁରୁତ୍ବ ଦିଆଯାଇଛି । ଖାଇବା ତେଲ କ୍ଷେତ୍ରରେ ଆତ୍ମନିର୍ଭର ହେବା ଉପରେ ଗୁରୁତ୍ବ ଦିଆଯାଇଛି । ଡାଲି ଓ ତୈଳବୀଜ ଉପରେ ମିଶନ ମୋଡରେ କାମ ହେବ ।କେନ୍ଦ୍ର ବଜେଟରେ ଶିକ୍ଷାକୁ ଗୁରୁତ୍ବ ମିଳିଛି । ଉଚ୍ଚଶିକ୍ଷା ପାଇଁ 10 ଲକ୍ଷ ଟଙ୍କା ଯାଏଁ ଋଣ ଦେବେ ସରକାର । କୌଣସି ସରକାରୀ ଯୋଜନାର ଲାଭ ପାଉନଥିବା ଛାତ୍ରଙ୍କୁ ମିଳିବ ଋଣ ସହାୟତା । ପ୍ରତିବର୍ଷ ଏକ ଲକ୍ଷ ଛାତ୍ରଙ୍କୁ ଦିଆଯିବ E-ଭାଉଚର । ଶିକ୍ଷା ଉପରେ ଋଣର ସୁଧ ଉପରେ 3% ବାର୍ଷିକ ସୁଧ କରାଯିବ ଛାଡ଼ । 1 ଲକ୍ଷ ଛାତ୍ରଛାତ୍ରୀ ସୁଧ ଛାଡ଼ ଦ୍ବାରା ଲାଭବାନ ହେବେ । ଶିକ୍ଷା, ନିଯୁକ୍ତି ଓ ପ୍ରଶିକ୍ଷଣ ପାଇଁ 1.54 ଲକ୍ଷ କୋଟି ଟଙ୍କା ମଞ୍ଜୁର କରାଯାଇଛି।5ବର୍ଷରେ 500 ଟପ କମ୍ପାନିରେ 1କୋଟି ଯୁବପିଢୀଙ୍କୁ ଇନଟର୍ଣ୍ଣସିପର ସୁଯୋଗ ମିଳିବ ।
ମହିଳାଙ୍କ ପାଇଁ 3 ଲକ୍ଷ କୋଟିର ବ୍ୟବସ୍ଥା ହୋଇଛି । କର୍ମକ୍ଷେତ୍ରରେ ମହିଳାଙ୍କ ଭାଗିଦାରୀ ବଢ଼ାଇବା ଉପରେ ପ୍ରାଥମିକତା ଦିଆଯାଇଛି । କର୍ମଜୀବୀ ମହିଳାଙ୍କ ପାଇଁ ହଷ୍ଟେଲ୍ ନିର୍ମାଣ କରିବେ ସରକାର । ବିଶେଷ କୌଶଳ କାର୍ଯ୍ୟକ୍ରମର ଆୟୋଜନ କରିବେ ସରକାର । ପ୍ରଧାନମନ୍ତ୍ରୀ ଜନ ଜାତୀୟ ଉନ୍ନତ ଗ୍ରାମ ଅଭିଯାନ ଅନ୍ତର୍ଗତ 63ହଜାର ଆଦିବାସୀ ଗାଁର 5କୋଟି ଆଦିବାସୀ ଉପକୃତ ହେବେ ।
ଅଧିକ ପଢ଼ନ୍ତୁ:ବଜେଟ୍ରେ ମହିଳାମାନଙ୍କୁ ସ୍ୱତନ୍ତ୍ର ପ୍ରାଧ୍ୟାନ୍ୟ