ଅର୍ଗସ ବ୍ୟୁରୋ : ମଦକୁ ନେଇ ଅନେକ ରାଜ୍ୟ ମାନଙ୍କରେ ଭିନ୍ନ ଭିନ୍ନ ନିୟମ ମାନ ରହିଛି । ସେଇଭଳି ଆମ ଦେଶରେ କିଛି ରାଜ୍ୟରେ ମଦକୁ ପୁରା ବ୍ୟାନ କରାଯାଇଛି । ଗୁଜୁରାଟ ଏବଂ ବିହାର ।  ତେଣୁ ଯଦି ଆପଣ ଏଠାରେ କୌଣସି ସ୍ଥାନରୁ ମଦ ଆଣନ୍ତି, ତେବେ ଆପଣଙ୍କୁ ଏଠାରେ ଆଇନ ଅନୁଯାୟୀ ଦଣ୍ଡିତ କରାଯାଇପାରିବ । ତଥାପି, ଯେଉଁମାନେ ମଦ ପିଅନ୍ତି ସେମାନଙ୍କ ପାଇଁ ଏହା ଜରୁରୀ ଅଟେ ଯଦି ସେମାନେ ଟ୍ରେନ୍, କାର୍ କିମ୍ବା ବିମାନ ଯୋଗେ ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ଯାଉଛନ୍ତି ତେବେ ସେମାନେ କେତେ ମଦ୍ୟପାନ କରିପାରିବେ । ଏଥିପାଇଁ ଏହା ପଛରେ କିଛି ଜରୁରୀ କଥା ବା ନିୟମ ଜାଣିବା ଦରକାର ।

ଟ୍ରେନରେ ଗଲାବେଳେ ଆପଣ କେତେ ମଦ ନେଇ ପାରିବେ ବା ପିଇ ପାରିବେ ? -
ରେଳବାଇ ନିୟମ ଅନୁଯାୟୀ ଟ୍ରେନରେ ମଦ ବୋତଲ ବୋହି ନେବା ଅପରାଧ ଅଟେ ।  ଏହା ବ୍ୟତୀତ ଟ୍ରେନରେ ଯାତ୍ରା କରୁଥିବା ବେଳେ ମଦ ପିଇ ଯାତ୍ରା କରିବା ବି ଦଣ୍ଡନୀୟ ଅପରାଧ ଅଟେ । ରେଲୱେ ଆକ୍ଟ 1989 କହିଛି ଯେ ଯଦି ଆପଣ ଟ୍ରେନରେ, ରେଳ ପରିସରରେ, ରେଳ ପ୍ଲାଟଫର୍ମରେ କିମ୍ବା ମଦ ବୋତଲ ନେଇ ମଦ୍ୟପାନ କରନ୍ତି, ତେବେ ଏହା ସମ୍ପୂର୍ଣ୍ଣ ବେଆଇନ ବୋଲି ଧରାଯିବ । ରେଳ ଅଧିନିୟମ 1989ର ଧାରା 145ରେ ଉଲେଖ ଅଛି, ଯଦି ଆପଣ ରେଳ ସମ୍ପତ୍ତି ଭିତରେ ମଦ ଓ ମଦ ପିଇ କି ଧରାପଡ଼ ତେବେ ଆପଣଙ୍କୁ ଜେଲ ସହ ଜୋରିମାନା ବି ଦେବାକୁ ପଡ଼ିବ ।

ଆପଣ କାରରେ ମଦ୍ୟପାନ କରିପାରିବେ କି ? -
ଯଦି ଆପଣ କାରରେ ଯାତ୍ରା କରୁଛନ୍ତି ଏବଂ ଆପଣଙ୍କ ସହିତ ମଦ ନେବାକୁ ଚାହୁଁଛନ୍ତି, ତେବେ ଆସନ୍ତୁ ଆପଣଙ୍କୁ କହି ରଖୁଛୁ, ପ୍ରତ୍ୟେକ ରାଜ୍ୟର ନିଜସ୍ୱ ନିୟମ ଅଛି । ଯେଉଁ ରାଜ୍ୟରେ ମଦ ନିଷେଧ, ଆପଣ ଏକ ମଦ ବୋତଲ ମଧ୍ୟ ନେଇପାରିବେ ନାହିଁ । ଯେଉଁ ରାଜ୍ୟରେ ମଦ ନିଷେଧ ନୁହେଁ, ଆପଣ କାରରେ ଏକ ଲିଟର ମଦ ନେଇପାରିବେ । ଯଦି ଆପଣ ନିର୍ଦ୍ଦିଷ୍ଟ ପରିମାଣର ମଦ ସହିତ କାରରେ ଯାତ୍ରା କରୁଛନ୍ତି, ତେବେ ଧରାପଡିଲେ ଆପଣ ପାଞ୍ଚ ବର୍ଷ ଜେଲ ଦଣ୍ଡ କିମ୍ବା ୫୦୦୦ ଟଙ୍କା ଜୋରିମାନାର ସମ୍ମୁଖୀନ ହୋଇପାରନ୍ତି ।

ବିମାନରେ ମଦ୍ୟପାନ କରିବାର ନିୟମ କ’ଣ ? -
ଜଣେ ବ୍ୟକ୍ତି ବିମାନରେ ଯାତ୍ରା କଲା ବେଳେ ଲଗେଜ୍ ସହିତ ପାଞ୍ଚ ଲିଟର ମଦ ନେଇପାରିବେ । ଅବଶ୍ୟ, ମଦରେ ଥିବା ଆଲକୋହଲ ୭୦ ପ୍ରତିଶତରୁ ଅଧିକ ହେବା ଉଚିତ୍ ନୁହେଁ । ଯଦି ଆପଣ ଯାତ୍ରା ସମୟରେ ମଦ ନିଅନ୍ତି ।  ଯାହାର ୨୫ ପ୍ରତିଶତରୁ କମ୍ ଆଲକୋହଲ ରହିବା ଜରୁରି ଅଟେ । ଯଦି ଆମେ ବିମାନ ଭିତରେ ମଦ୍ୟପାନ କରିବା ବିଷୟରେ କଥା ହେଉ, ତେବେ ଘରୋଇ ବିମାନରେ ଯାତ୍ରା କଲା ବେଳେ ଆପଣ ମଦ ପିଇ ପାରିବେ ନାହିଁ । ଏହି ସୁବିଧା କେବଳ ଆନ୍ତର୍ଜାତୀୟ ବିମାନରେ ଉପଲବ୍ଧ ରହିଛି ।

ଏଣିକି ଦିଲ୍ଲୀ ମେଟ୍ରୋରେ ନେଇହେବ ମଦ ବୋତଲ -
ଏଣିକି ଦିଲ୍ଲୀ ମେଟ୍ରୋରେ ନେଇହେବ ମଦ ବୋତଲ । ଦିଲ୍ଲୀ ମେଟ୍ରୋ କର୍ତ୍ତୃପକ୍ଷ ଘୋଷଣା କରିଛନ୍ତି ଯେ ମେଟ୍ରୋରେ ବର୍ତ୍ତମାନ ଜଣେ ବ୍ୟକ୍ତି ଦୁଇଟି ମଦ ବୋତଲ ନେବାକୁ ଅନୁମତି ଦିଆଯିବ । ଦିଲ୍ଲୀ ମେଟ୍ରୋର ବିମାନବନ୍ଦର ଏକ୍ସପ୍ରେସ ଲାଇନ ପରି ବର୍ତ୍ତମାନ ଅନ୍ୟ ମାର୍ଗରେ ମଧ୍ୟ ମଦ ନେବାକୁ ଅନୁମତି ଦିଆଯିବ । ତେବେ ଏଥିପାଇଁ ଏକ ଛୋଟ ସର୍ତ୍ତ ମଧ୍ୟ ରଖାଯାଇଛି ଯେ ମଦ ବୋତଲଗୁଡିକ ସିଲ୍ ହୋଇଥିବାର ଆବଶ୍ୟକ । ତେବେ ଏହି ଅନୁମତି ସତ୍ତ୍ୱେ ମେଟ୍ରୋ ପରିସରରେ ମଦ୍ୟପାନ କରିବା ଅପରାଧ ଶ୍ରେଣୀରେ ଆସିବ । ଯଦି କେହି ମେଟ୍ରୋ ଟ୍ରେନ ବା ଷ୍ଟେସନ ପରିସରରେ ମଦ୍ୟପାନ କରନ୍ତି ତେବେ ଆଇନ ଅନୁଯାୟୀ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।