ଅର୍ଗସ ବ୍ୟୁରୋ : ପୁଣି ବିବାଦ ଘେରକୁ ଆସିଛନ୍ତି ସିଏମସି ମେୟର ସୁବାସ ସିଂ । ସରକାରୀ ମିଟିଂ ନାଁରେ ପାର୍ଟି ମିଟିଂ କରୁଛନ୍ତି ମେୟର । ପିଆର ଟିମ୍ ଲଗାଇ କରୁଛନ୍ତି ମିଛ ପ୍ରଚାର । ବିରୋଧୀ ଦଳ କର୍ପୋରେଟରଙ୍କୁ ନିମନ୍ତ୍ରଣ ନକରି ନିଜ ସରକାରୀ ଅଭିଯୋଗ ପ୍ରକୋଷ୍ଠରେ ଏପରି କାର୍ଯ୍ୟ କରୁଛନ୍ତି ସିଏମସି ମେୟର ସୁବାସ ସିଂ । କିଛି ଦିନ ତଳେ ନିଜ ସରକାରୀ ବାସ ଭବନରେ ଥିବା ଅଭିଯୋଗ ପ୍ରକୋଷ୍ଠରେ ୧୫ ନମ୍ୱର ୱାର୍ଡର କିଛି ମହିଳା, ଏସଏଚଜି ମହିଳା, ଯୁବବର୍ଗଙ୍କୁ ନେଇ ଏକ ବୈଠକ କରିଥିଲେ ମେୟର ।
ୱାର୍ଡର ସମସ୍ୟା ସମ୍ପର୍କରେ ଆଲୋଚନା ପାଇଁ ଏହି ବୈଠକ ଡାକିଥିଲେ ବୋଲି ବିଭିନ୍ନ ଖବର କାଗଜରେ ଖବର ପ୍ରକାଶ ପାଇଥିଲା । ହେଲେ ଏଥିରେ ସେହି ୱାର୍ଡ କର୍ପୋରେଟରଙ୍କୁ ଡାକି ନଥିଲେ ମେୟର । ସରକାରୀ କାର୍ଯ୍ୟକ୍ରମ ନାଁରେ ମେୟର ଦଳୀୟ ବୈଠକ ଡାକିଥିଲେ ବୋଲି କଡା ସମାଲୋଚନା କରିଛନ୍ତି ୧୫ ନମ୍ବର ୱାର୍ଡ କର୍ପୋରେଟର ଲିଜାରାଣୀ ରାଉତ। । ହେଲେ କେବଳ ବିଜେଡି ୱାର୍ଡ କର୍ପୋରେଟରଙ୍କୁ ଏହି ବୈଠକରେ ଡାକରା ହେଉଥିବା ବେଳେ ବିରୋଧୀ ଦଳ କର୍ପୋରେଟରଙ୍କୁ ଡାକୁ ନାହାଁନ୍ତି ମେୟର ।
ଅଧିକ ପଢନ୍ତୁ ଓଡ଼ିଶା ଖବର
ସେପଟେ ବିରୋଧୀଙ୍କ ଏଥିରେ ସାର୍ଟିଫିକେଟର କୌଣସି ଆବଶ୍ୟକତା ନାହିଁ ବୋଲି କହିଛନ୍ତି ମେୟର ସୁବାସ ସିଂ । ବିରୋଧୀ ଦଳ କର୍ପୋରେଟରଙ୍କ ସହ ବିନା ଆଲୋଚନାରେ ଅନେକ ପ୍ରସ୍ତାବ ସିଏମସି କାଉନସିଲରେ ପାରିତ କରି ବିବାଦ ଘେରକୁ ଆସିବା ପରେ ଏବେ ନିଜ ଅଭିଯୋଗ ପ୍ରକୋଷ୍ଠରେ ଏଭଳି ବୈଠକ କରି ପୁଣି ବିବାଦ ଘେରକୁ ଆସିଛନ୍ତି ମେୟର ସୁବାସ ସିଂ ।