ଅର୍ଗସ ବ୍ୟୁରୋ: ବାତ୍ୟାର ପବନର ବେଗ ବଢିଲା । 125 କିମି ଯାଏ ବହିପାରେ ଝଟକା ପବନ । ଘଣ୍ଟାପ୍ରତି 13 କିମି ବେଗରେ ଆସୁଛି ବାତ୍ୟା । ପାରାଦୀପ ପାଖରୁ 60 କିମି ଓ ଧାମରା ଠାରୁ 80 କିମି ଦୂରରେ ରହିଛି ବାତ୍ୟା । ସାଗର ଦ୍ୱୀପ ଠାରୁ 180 କିମି ଦୂରରେ ଅଛି ବାତ୍ୟା । ଧାମରା ଓ ଭିତରକନିକା ପାଖାପାଖି ଅତିକ୍ରମ କରିବ ବାତ୍ୟା ଦାନା । ଲ୍ୟାଣ୍ଡଫଲ୍ ପୂର୍ବ 6 ଘଣ୍ଟା ଓ ପର 6 ଘଣ୍ଟା ବେଶୀ ପ୍ରଭାବ ପକାଇବ ।
ଲ୍ୟାଣ୍ଡଫଲ୍ ପରେ ଟିକେ ବଙ୍କେଇବ ବାତ୍ୟାର ଗତିପଥ । ଏହା ପଶ୍ଚିମ-ଉତ୍ତର ଏବଂ ପଶ୍ଚିମକୁ ଗତି କରିବ। ଲ୍ୟାଣ୍ଡଫଲ୍ ପରେ ବର୍ଷା ପରିମାଣ ଅଧିକ ରହିବ ବୋଲି ଆଗରୁ ସୂଚନା ଦେଇ ସାରିଛନ୍ତି IMD ଡିଜି ମୃତ୍ୟୁଞ୍ଜୟ ମହାପାତ୍ର।