କେନ୍ଦ୍ରାପଡା : ପୁଣି ଆସିଲା ଏକ ସଂଗୀନ ଅଭିଯୋଗ । ଅଧିକ ଯୌତୁକ ଦାବି ଶାଶୁ, ଶଶୁର ଓ ସ୍ୱାମୀ ହତ୍ୟା କରିଥିବା ନେଇ ଥାନରେ ଏତଲା ଦେଲେ ଝିଅର ପରିବାର ଲୋକେ l ୧୧.୦୬.୨୩ ରେ ବିଂଝାରପୁର ପଞ୍ଚାନନ ପରିଡାଙ୍କ ଝିଅ ସୋନାଲି ପରିଡା ଆଳି ଅର୍ଗଳ ନିବାସୀ ବେଣୁଧର ସାହୁଙ୍କ ପୁଅ ମନୋଜ ସାହୁଙ୍କ ସହିତ ବିବାହ ହୋଇଥିଲା l ଝିଅର ମାମୁଁଙ୍କ ଥାନାରେ କରିଥିବା ଅଭଯୋଗ ଅନୁସାରେ ଝିଅର ବିବାହ ପରେ ପୁଅର ପରିବାର ଲୋକେ ଅଧିକ ଯୌତୁକ ଦାବି କରି ଝିଅକୁ ଅତ୍ୟାଚାର କରି ଆସୁଥିଲେ l କିନ୍ତୁ ୨୪.୦୨.୨୪ ତାରିଖ ଦିନ ମଧ୍ୟାହ୍ନ 4ଟା ସମୟରେ ଝିଅର ଶାଶୁ ଘର ଲୋକେ ଝିଅ ଘରକୁ ଫୋନ କରି ଝିଅ ଦେହ ଖରାପ ଥିବାକଥା କହିଥିଲେ ।
ଅଧିକ ପଢନ୍ତୁ : ଅଧିକ ଯୌତୁକ ଦାବି କରି ମାରି ଦେଇଥିବା ଅଭିଯୋଗ ଆଣିଲେ ପରିବାର ଲୋକେ
କିନ୍ତୁ ଝିଅ ଘର ଲୋକେ ପହଞ୍ଚିବା ପରେ ଝିଅକୁ ମୃତ ଅବସ୍ଥାରେ ଦେଖିବାକୁ ପାଇଥିଲେ । ଯାହାକୁ ନେଇ ଝିଅର ଶାଶୂ ଝିଅ ରସି ଦେଇଥିବା କହିଥିଲେ ।ତେବେ ଝିଅ ପରିବାର ଲୋକେ ଅଭିଯୋଗ କରିଥିଲେ ଯେ ତାଙ୍କ ଝିଅ 7 ମାସର ଗର୍ଭବତୀ ଥିଲା , ତେଣୁ ତାକୁ ତାର ଶାଶୁ,ଶଶୁର ଓ ସ୍ୱାମୀ ହତ୍ୟା କରିଛନ୍ତି l ଏ ବିଷୟରେ ଆମେ ପୋଲିସକୁ ପଚାରିବାରୁ ତଦନ୍ତ ଚାଲିଥିବା ନେଇ ସୂଚନା ଦେଇଛନ୍ତି ଥାନା ଅଧିକାରୀ l