ଅର୍ଗସ ବ୍ୟୁରୋ: ମଦ ସାମ୍ରାଜ୍ୟ ଉପରେ ଆଇଟିର ମାରାଥନ ରେଡରେ ମିଳିଥିବା ଟଙ୍କା କାହାର। ଓଡିଶାର ମଦ ନୀତି ସହ ଏହି କଳାଟଙ୍କାର କଣ ରହିଛି ସଂପର୍କ। ଏ ପ୍ରଶ୍ନ ପଚାରି ସରକାରଙ୍କୁ ଘେରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ରମନ୍ତ୍ରୀ ଟୁଇଟ କରି ପଚାରିଛନ୍ତି ଏ ବେନାମୀ ଧନର ମୂଳ ଉତ୍ସ କେଉଁଠି ? ଜବତ ହେଉଥିବା କଳାଧନ ସହ ଓଡ଼ିଶାର କିଛି ମୁଷ୍ଟିମେୟ ଲୋକମାନଙ୍କର ସମ୍ପର୍କ ଅଛି କି ?
ସଚ୍ଚୋଟତାର ଡିଣ୍ଡିମ ପିଟୁଥିବା କିଛି ଲୋକମାନେ ଏହି ଘଟଣାରେ ଚୁପ୍ କାହିଁକି ? ଓଡିଶାରେ ଦେଶୀ ମଦ ବିରୋଧରେ ମହିଳାଙ୍କ ଜନଆକ୍ରୋଶ ରହିଛି ତା ପରେ ବି ଏତେ ଟଙ୍କା ଜବତ ହେବା ଆଶ୍ଚର୍ଯ୍ୟଜନକ ଓ ଚିନ୍ତାଜନକ ବୋଲି କହିଛନ୍ତି ଧର୍ମେନ୍ଦ୍ର। ପରିବାର ଭାଙ୍ଗି, ଲୋକଙ୍କୁ ରୋଗ କରାଇ ମଦନୀତିକୁ ପ୍ରୋତ୍ସାହନ ଦେଉଛନ୍ତି ସରକାର। କେମିତି ବାରମ୍ବାର ଗୋଟିଏ ପରିବାରର ମାଲିକାନାରେ ଥିବା ସଂସ୍ଥା ପାଉଛି ଲାଇସେନସ, ତାକୁ ନେଇ ଉଠିଛି ପ୍ରଶ୍ନ।
ଅଧିକ ପଢ଼ନ୍ତୁ ରାଜନୀତି ଖବର