ଅର୍ଗସ ବ୍ୟୁରୋ: ଏବର୍ଷ ନିର୍ବାଚନ ବେଳେ ଅସହ୍ୟ ହେବ ତାତି । ପ୍ରଚାର ବେଳେ କଲବଲ କରିବ ତାତି । ଅସହ୍ୟ ତାତିରେ ସିଝିବ ଅନେକ ରାଜ୍ୟ । ବିଶେଷ କରି ଓଡିଶାରେର ଅପ୍ରେଲ ମାସରେର ସ୍ବାଭାବିକ ଠାରୁ ଅଧିକ ରହିବ ଦିନ ତାପମାତ୍ରା । ଏବର୍ଷ ଏପ୍ରିଲରେ ୩ରୁ ୮ଦିନ ଗ୍ରୀଷ୍ମ ପ୍ରବାହ ଅନୁଭୂତ ହେବ । ପୂର୍ବରୁ ଏପ୍ରିଲ ମାସରେ ହାରାହାରି ୧ରୁ ୩ଦିନ ଗ୍ରୀଷ୍ମ ପ୍ରବାହ ଅନୁଭୂତ ହେଉଥିଲା ।
ଅପ୍ରେଲରୁ ଜୁନ ମଧ୍ୟରେ ସ୍ବାଭାବିକ ତୁଳନାରେ ୬ ରୁ ୧୪ ଦିନ ଅଧିକ ଗ୍ରୀଷ୍ମ ପ୍ରବାହ ର ଅବଧି ଅନୁଭୂତ ହେବାର ଆଶଙ୍କା ରହିଛି । ତେଲେଙ୍ଗନା, ଆନ୍ଧ୍ରପ୍ରଦେଶ, ମଧ୍ୟପ୍ରଦେଶ, ରାଜସ୍ଥାନରେ ହିଟ୍ ଓ୍ବଭ୍ ଅନୁଭୂତ ହେବ ବୋଲି ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର ସୂଚନା ଦେଇଛନ୍ତି। ଏଥିପାଇଁ ସତର୍କ ରହିବାକୁ ପରାମର୍ଶ ଦେଇଛି ଆଇଏମଡି । ଶକ୍ତି, ସ୍ବାସ୍ଥ୍ୟ, କୃଷି, ଶ୍ରମ ଓ ଜଳଶକ୍ତି ମନ୍ତ୍ରାଳୟ ପକ୍ଷରୁ ଏନେଇ ପ୍ରସ୍ତୁତି କରାଯାଉଛି ।
ଅଧିକ ପଢ଼ନ୍ତୁ ଓଡିଶା ଖବର: