ପୁରୀ:  ସୁନାବେଶ ପାଇଁ ଟ୍ରାଫିକ ତରଫରୁ ବ୍ୟାପକ ବ୍ୟବସ୍ଥା। ସୂଚନା ଦେଲେ ଟ୍ରାଫିକ ଦାୟିତ୍ବରେ ଥିବା ଏଡିଜି ଦୟାଲ ଗ୍ୟାଙ୍ଗ୍ବୱାର । ରଥଯାତ୍ରା, ବାହୁଡ଼ା ଯାତ୍ରା ଭଳି ସୁନାବେଶରେ ମଧ୍ୟ AI DRONE ମାଧ୍ୟମରେ ଭିଡ ନିୟନ୍ତ୍ରଣ କରାଯିବ । ଡାଇନାମିକ ଡାଇଭର୍ସନ ଟାକ୍ଟିସ୍ ଆପଣାଇ ଶୀଗୁଣ୍ଡିଚା ଓ ବାହୁଡା଼ଯାତ୍ରାରେ ମଧ୍ୟ ମିଳିଥିଲା ସଫଳତା । ତେବେ ପିପିଲି ଟୋଲ୍ ଗେଟ୍ ,ସତ୍ୟବାଦୀ ,ମାଳତିପାଟପୁର ରେ AI DRONE ମାଧ୍ୟମରେ ନଜର ରଖାଯିବ । ଯାନବାହାନ ଭିଡ ଓ ପାର୍କିଂ ସ୍ଥିତିକୁ ନଜରରେ ରଖି ଆଗୁଆ ଟ୍ରାଫିକ ଗୁଡ଼ିକୁ ଡାଇଭର୍ଟ କରାଯିବ ।ପବ୍ଲିକ ଆନାଉନସ ଡ୍ରୋନ ମାଧ୍ୟମରେ ଲୋକଙ୍କୁ ସୂଚନା ଦିଆଯିବ କହିଛନ୍ତି ଏଡି ଜି ।

ସେଇଭଳି ସମଙ୍ଗ,ମାଟି ତୋଟା ,ଜେବି ପିସି ,ଗଦାଧର ହାଇସ୍କୁଲ ଆଦି ସ୍ଥାନରେ ପାର୍କିଂ ରହିବ । ଏକା ସାଙ୍ଗରେ ୫ ହଜାର ଗାଡ଼ି ମଧ୍ୟ ରହିପାରିବ । ସେପଟେ ଶ୍ରିସେତୁ ମଧ୍ୟ ସମ୍ପୁର୍ଣ୍ଣ ଭାବରେ ଫିଟ୍ ରହିଛି ।ତେବେ ସମଙ୍ଗ ପାର୍କିଂ ଠାରୁ ଲୋକଙ୍କୁ ଫ୍ରି ବସ୍ ସେବା ମାଧ୍ୟମରେ ବଡ଼ଦାଣ୍ଡ କୁ ଯିବା ରୁଟ ରେ ଛାଡି ଦିଆଯିବ । ସିମଲେସ ଓ ସହଜ ଅବାଧ ଦର୍ଶନ ପାଇଁ ଟ୍ରାଫିକ ତରଫରୁ ଯାହା ଯାହା ସବୁ ବ୍ୟବସ୍ଥା ଆବଶ୍ୟକ ତାହା କରାଯାଇଛି କହିଛନ୍ତି ଶ୍ରୀଯୁକ୍ତ ଗଙ୍ଗୱାର ।