ଅର୍ଗସ ବ୍ୟୁରୋ: ଦୁର୍ଗମ ଇଲାକାରେ ବସବାସ କରୁଥିବା ଆଦିବାସୀ ଅଧ୍ୟୁଷିତ ଅଞ୍ଚଳରେ ବିକାଶ ଅପହଞ୍ଚ । ଦୁର୍ଗମ ପାହାଡ଼ ପର୍ବତ ଘେରରେ ଥିବା ମୂତାଚୁଆଁକୁ ଯିବାକୁ ହେଲେ ଏଇ କଚ୍ଚା ରାସ୍ତା ଭରସା। ରୋଗ ହେଉ ବା ସାଧାରଣ ଲୋକ ସମସ୍ତଙ୍କ ପାଇଁ ସେହି ଭରସା । ଏପରିକି ପିଇବା ପାଣି ପାଇଁ ଆଦିବାସୀଙ୍କୁ ପ୍ରତିଦିନ ସଗ୍ରାମ କରିବାକୁ ପଡୁଛି। ଗାଁରେ ୩ ନଳକୂପ ଅଛି ସେଥିରୁ କମ ପାଣି ବାହାରୁଛି ଫଳରେ ପାଣି ଟିକକ ପାଇଁ ହଇରାଣର ଶିକାର ହେଉଛନ୍ତି ଗ୍ରାମବାସୀ।
କଳାହାଣ୍ଡି ଜିଲ୍ଲାର ଦୁର୍ଗମ ଓ ମାଓପ୍ରବଣ ଥୁଆମୁଲ୍ ରାମପୁର ବ୍ଲକ୍ କାର୍ଯ୍ୟାଳୟରୁ ୬ କିଲୋମିଟର ଦୂରରେ ଅବସ୍ଥିତ ମୂତାଚୁଆଁ ଗାଁ। ଯେଉଁଠାରେ ରାସ୍ତାଘାଟ ଓ ପିଇବା ପାଣି ପାଇଁ ଏହି ଅବ୍ୟବସ୍ଥା ସେଠାରେ ସ୍ବାସ୍ଥ୍ୟ ଓ ଶିକ୍ଷାର ଅବସ୍ଥା ମଧ୍ୟ ନକହିବା ଭଲ । ଗାଁରେ ପ୍ରାଥମିକ ବିଦ୍ୟାଳୟ ରହିଛି। ଯାହାର ଯାହାର ଅବସ୍ଥା ଖରାପ। ଶିକ୍ଷକ କେବେ ଆସିଲେ କେବେ ନାହିଁ। ଏମିତିକି ସପ୍ତାହକୁ ୩ ଦିନ ପାଠ ପଢା ହେଉଥିବା ଅଭିଯୋଗ କରିଛନ୍ତି ଲୋକେ। ବିକାଶର କଥା କହୁଥିବା ରାଜ୍ୟ ସରକାରଙ୍କ ନଜର କେବେ ପଡ଼ିବ ଏହି ଗାଁ ଉପରେ? ଏମିତି ଦୁର୍ଦ୍ଦିନରେ ଆଉ କେତେ ଦିନ ବସବାସ କରିବେ ମୂତାଚୁଆଁବାସି?
ଅଧିକ ପଢ଼ନ୍ତୁ ଓଡିଶା ଖବର: