ଅର୍ଗସ ବ୍ୟୁରୋ : ବବିଙ୍କୁ ସୁରକ୍ଷା ଦେବାରେ ଲାଗିପଡିଥିଲା ଯାଜପୁର ପୌର ପରିଷଦ । ହେଲେ ଜିଲ୍ଲାପାଳଙ୍କ ଏଇ ଚିଠି ଖୋଲିଦେଲ ମିଛ ପୋଲ୍ । ଆଉ ଧରାପଡ଼ିଗଲା ଯାଜପୁର ପୌରପରିଷଦ ଉପାଧ୍ୟକ୍ଷଙ୍କ ମହାମିଛ । କାରଣ ନିର୍ବାଚନ ସମୟରେ ଅର୍ଥାତ୍ ମେ ୨୪ ରେ ଯାଜପୁର ପୌରପରିଷଦର କାର୍ଯ୍ୟନିର୍ବାହୀ ଅଧିକାରୀଙ୍କୁ ଜିଲ୍ଲାପାଳ ଲେଖିଥିବା ଏ ଚିଠିକୁ ଦେଖନ୍ତୁ । କୁସୁମା ପାର୍କରେ ୫ ନିର୍ବାଚନ ପର୍ଯ୍ୟବେକ୍ଷକଙ୍କ ରହିବା ବ୍ୟବସ୍ଥା ପାଇଁ ଜିଲ୍ଲାପାଳ ଚିଠି ଲେଖି ଅନୁରୋଧ କରିଥିଲେ । ଆଉ ଚିଠି ହିଁ ସ୍ପଷ୍ଟ କରୁଛି କି, କୁସୁମା କଟେଜ୍ ଥିଲା ପୌରପରିଷଦ କବଜାରେ । ତେବେ ଏବେ ଶୁଣନ୍ତୁ ବବି ଦାସଙ୍କ ସୁରକ୍ଷା ପାଇଁ କେମିତି ମିଛ କହିଛନ୍ତି ଯାଜପୁର ପୌର ପରିଷଦର ଉପାଧ୍ୟକ୍ଷ ସନ୍ତୋଷ ମଲ୍ଲିକ ।
ଯାଜପୁର କୁସୁମାକୁ ନେଇ ଥମୁନି ଚର୍ଚ୍ଚା । କାରଣ ଏହି କଟେଜ୍ରେ କୋଟି କୋଟି ଟଙ୍କାର ଦୁର୍ନୀତି ହୋଇଥିବା ସ୍ପଷ୍ଟ ହେଲାଣି । କଥା ହେଲା, କୁସୁମା ପୌର ପରିଷଦ ଅଧିନରେ ଥିବା ପରେ ବି ନିଜ ଉପରୁ ଦୋଷ ଖସାଇବାକୁ କ୍ରୀଡା ବିଭାଗ ଉପରେ ଦୋଷ ଲଦି ଦେଇଥିଲା ପୌର ପରିଷଦ । ଅବଶ୍ୟ ଏନେଇ କ୍ରୀଡା ବିଭାଗ ସ୍ପଷ୍ଟ ଉତ୍ତର ରଖିଥିଲା । ହେଲେ କାହିଁକି ପୌର କର୍ତ୍ତୃପକ୍ଷ ମିଛ କହିଥିଲେ ତାହାକୁ ନେଇ ଏବେ ସାଧାରଣରେ ଅନେକ ପ୍ରଶ୍ନ ଉଙ୍କି ମାରୁଛି ।
ଏବେ ବଡ଼ ପ୍ରଶ୍ନ, ପ୍ରେସମିଟରେ କାହିଁକି ମିଛ କହିଲେ ପୌରପରିଷଦ ଉପାଧ୍ୟକ୍ଷ ? କାହିଁକି କହିଲେ କ୍ରୀଡା ବିଭାଗ ପାଖରେ ସବୁ ଖବର, କ୍ରୀଡା ବିଭାଗକୁ ଜମି ହସ୍ତାନ୍ତରର ମିଛ କାହିଁକି ? ପୌରପରିଷଦକୁ ମୋହରା କରୁଛନ୍ତି କି ବବି ? କୁସୁମା କଟେଜ୍ ଥିଲା କି ବବିଙ୍କ କବଜାରେ ? ଜିଲ୍ଲାପାଳଙ୍କ ଚିଠିରୁ ସ୍ପଷ୍ଟ ବ୍ୟବହାର ହେଉଥିଲା କୁସୁମା କଟେଜ୍, କିଏ ଯାଉଥିଲା, କାହା ମାଧ୍ୟମରେ ବୁକିଂ ହେଉଥିଲା, କାହା ପାଖରେ ଚାବି, କାହା ପାଖରେ ତାଲିକା...କୁସୁମା କଟେଜର ରାଜସ୍ବ ଯାଉଥିଲା କାହା ପାଖକୁ ? ତାହାକୁ ନେଇ ଏବେ ବି ସନ୍ଦେହ ହେଲାଣି ।
ଏଠାରେ ସ୍ପଷ୍ଟ, ଭାବରେ କହିରଖୁଛୁ କି...କୁସୁମା କେଳେଙ୍କାରୀର ମହାଖୁଲାସା କରିଥିଲା ଅର୍ଗସ । ୯ ଆଲିସାନ୍ ବଙ୍ଗଲାର ଚିତ୍ର ଆଣିଥିଲା ସାମ୍ନାକୁ । ଅଭିଯୋଗ ହୋଇଥିଲା କୁସୁମା କଟେଜରେ ଚାଲିଥିଲା କେଳେଙ୍କାରୀ । ତେବେ ଏ ନେଇ କିନ୍ତୁ କୌଣସି ସ୍ପଷ୍ଟ କରୁନାହାନ୍ତି ବବି । ତେବେ ସମୟ କହିବ କେବେ ମୁହଁ ଖୋଲିବେ ବିଜେଡିର ଏହି ନେତା ।