ଭୁବନେଶ୍ୱର: ସାଇବର ଲୁଟେରାଙ୍କ ନୂଆ ତରିକା । ସିଷ୍ଟମରେ ଆଣ୍ଟିଭାଇରସ ଅପଲୋଡ଼ କରିବା ଆଳରେ ଲୋକଙ୍କ ସିଷ୍ଟମକୁ ନିଜ ଆୟତ୍ତକୁ ଆଣି କରୁଥିଲେ ଲୁଟ୍ । ରାଜଧାନୀ ଭୁବନେଶ୍ୱରରେ ଏକ ଆପାର୍ଟମେଣ୍ଟରେ କଷ୍ଟମର କେୟାର ସେଣ୍ଟର ଖୋଲି ଲୋକଙ୍କୁ ଲୁଟ୍ କରୁଥିଲେ । ଗତକାଲି ସାଇବର ଏବଂ ଏକୋନୋମି ଅଫେନସେସ ଥାନା ପକ୍ଷରୁ ଏକ ବିଶେଷ ସୂତ୍ରରୁ ଖବର ପାଇଁ ରେଡ କରାଯିବା ସହ ଛଅ ଜଣକୁ ଗିରଫ କରାଯାଇଛି । ଗିରଫ ସମସ୍ତ ଅଭିଯୁକ୍ତ ପଶ୍ଚିମବଙ୍ଗ ଅଂଚଳର ।
ପୋଲିସ ପକ୍ଷରୁ ଉକ୍ତ ସ୍ଥାନରୁ କିଛି ଇଲୋକ୍ଟ୍ରୋନିକ ସାମଗ୍ରୀ ଜବତ କରାଯିବା ସହ ଫରେନସିକ ଲ୍ୟାବକୁ ପଠାଯାଇଛି । ଏହା ସହ କିଛି ଏକ୍ସପର୍ଟଙ୍କ ପରାମର୍ଶ ନିଆଯାଉଛି । କମିଶନରେଟ ପୋଲିସ ପକ୍ଷରୁ ଏକ ଟିମ କୋଲକାତା ପଠାଯିବା ସହ ଅଭିଯୁକ୍ତ 6 ଜଣଙ୍କ ସମ୍ବନ୍ଧରେ ଅଧିକ ତଥ୍ୟ ହାସଲ କରାଯିବ । ଏହି ଅଭିଯୁକ୍ତମାନେ କେବଳ ଖାଲି ଦେଶ ଭିତରେ ନୁହଁ ଦେଶ ବାହାରେ ମଧ୍ୟ ଲୋକଙ୍କୁ ଠକିଥିବା କମିଶନରେଟ ପୋଲିସର ପ୍ରାଥମିକ ତଦନ୍ତରୁ ଜଣାବାକୁ ପାଇଛି । ଅଧିକ ତଦନ୍ତ ପାଇଁ ଅଭିଯୁକ୍ତଙ୍କୁ ପାଞ୍ଚ ଦିନିଆ ରିମାଣ୍ଡରେ ଆଣିବ କମିଶନରେଟ ପୋଲିସ ।
ଅଧିକ ପଢନ୍ତୁ ଓଡ଼ିଶା ଖବର