ଅର୍ଗସ ବ୍ୟୁରୋ: ସଂଘର୍ଷ ଦ୍ବାରା ନିଜ ପାଇଁ ରାସ୍ତା ନିର୍ମାଣ କରନ୍ତୁ ଯୁବଶକ୍ତି, ସଫଳତା ପାଦ ଛୁଇଁବ । ଗୁରୁବାର ଗୋରଖପୁରର ମହାରାଣା ପ୍ରତାପ ଶିକ୍ଷା ପରିଷଦ ପକ୍ଷରୁ ପରିଚାଳିତ ମହାରାଣାପ୍ରତାପ ଇନଷ୍ଟିଚ୍ୟଟ୍ ଅଫ୍ ଟେକ୍ନୋଲୋଜିର ପ୍ରଥମ ବ୍ୟାଚର ପିଲାମାନଙ୍କୁ ଏଭଳି ପରାମର୍ଶ ଦେଇଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ସେ କହିଛନ୍ତି ଆମ ଦେଶରେ ଜ୍ଞାନ, ବିଜ୍ଞାନ ଏବଂ ଶ୍ରମର ତ୍ରିବେଶୀ ଅନବରତ ପ୍ରବାହିତ ହେଉଛି। ପରମ୍ପରା , ପରିଶ୍ରମ ଏବଂ ପ୍ରଗତି ଆମ ପ୍ରବୃତିର ଏକ ବଡ ଅଂଶ ଭାବେ ରହି ଆସିଛି ।
ଏହା ହିଁ ବିଶ୍ବରେ ଭାରତକୁ ସ୍ବତନ୍ତ୍ର କରି ଆସିଛି ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ। ଆଗାମୀ ସମୟ ଭାରତର ହେବ ବୋଲି କହିଛନ୍ତି ସେ । ଯୁବଶକ୍ତି ସଂଘର୍ଷ ଜରିଆରେ ନିଜ ପାଇଁ ରାସ୍ତା ନିର୍ମାଣ କଲେ ସଫଳତା ନିଶ୍ଚିତ ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଆଗାମୀ ଦିନରେ ଉତ୍ତରପ୍ରଦେଶ ରୋଜଗାରର ବଡ ହବ୍ ହେବାକୁ ଯାଉଛି ବୋଲି କହିଛନ୍ତି ଯୋଗୀ ।