ଅର୍ଗସ ବ୍ୟୁରୋ : ବିକାଶର ଡିଣ୍ଡିମ ପିଟୁଛନ୍ତି ରାଜ୍ୟ ସରକାର । ହେଲେ ବିନାଶ ଦିଗରେ ନେଉଛନ୍ତି ଓଡିଶାକୁ । ସରକାର ମହିଳା ମାନଙ୍କ ପାଇଁ ଲକ୍ଷ୍ମୀ ବସ କରି ଯୋଜନାର ଲାଭ ଉଠାଇବାକୁ ଦେଲେ ବାର୍ତ୍ତା । ହେଲେ ନ ଚାଲୁଣୁ ଝୁଣ୍ଟିଲା ବା ଢଳି ଗଲାଣି ଲକ୍ଷ୍ମୀ ବସ । ମହିଳା ମାନଙ୍କ ପାଇଁ ଚାଲିଥିବା ଲକ୍ଷ୍ମୀ ବସ ରାସ୍ତାରେ ଯିବା ସମୟରେ ରାସ୍ତା ପାର୍ଶ୍ଵକୁ ଢଳି ପଡିଛି ଏବଂ ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛି ବସ ।

ଅଧିକ ପଢନ୍ତୁ ଓଡ଼ିଶା ଖବର

ଯାହାକୁ ଦେଖିଲେ ଆପଣ ବି ଜାଣିପାରିବେ ଯେ ସରକାରଙ୍କ ବିକାଶ ପଛର ବାସ୍ତବତା କଣ । କପ୍ତିପଦା ବ୍ଲକରୁ ଶରତ ଏବଂ ନୋଟ ଅଞ୍ଚଳକୁ ଚାଲୁଥିବା ଲକ୍ଷ୍ମୀ ବସ ଆଜି ନୋଟ ନିକଟରେ ରାସ୍ତା ପାର୍ଶ୍ଵକୁ ଢଳି ପଡିଛି । ଗାଡିର ଚାଳକଙ୍କ ଭୁଲ ପାଇଁ ନା ଖରାପ ରାସ୍ତାରେ ଗାଡି ଭାରସାମ୍ୟ ହରାଇଛି ତାହାକୁ ନେଇ ଉଠିଛି ପ୍ରଶ୍ନ । ଗାଁ ଗହଳିକୁ ଖରାପ ରାସ୍ତା ରହିଥିବା ବେଳେ ରାଜ୍ୟ ସରକାର ପକ୍କା ସଡ଼କର ବାଃ ବାଃ ନେଉଛନ୍ତି । ହେଲେ ଖରାପ ରାସ୍ତା ପାଇଁ ଦୁର୍ଘଟଣାଗ୍ରସ୍ତ ହୋଇଛି ଲକ୍ଷ୍ମୀ ବସ ।