ନୂଆଦିଲ୍ଲୀ: ନୂଆ ସୋପାନରେ ଭାରତ- ମରିସସ ସମ୍ପର୍କ । ଆଜି ପ୍ରଧାନମନ୍ତ୍ରୀ ମୋଦି ଓ ମରିସସ ପ୍ରଧାନମନ୍ତ୍ରୀ ପ୍ରବୀନ୍ଦ ଜଗନାଥ ମରିସସର ଆଗାଲେଗା ଦ୍ୱୀପରେ ମିଳିତ ଭାବେ ନୂତନ ଏୟାରଷ୍ଟ୍ରିପ୍ ଉଦଘାଟନ କରିବେ । ଆଜି ଦିନ ଗୋଟାଏରେ ଭର୍ଚୁଆଲ ଜରିଆରେ ଉଦଘାଟନୀ କାର୍ଯ୍ୟକ୍ରମରେ ସାମିଲ ହେବେ ପିଏମ ମୋଦି । ଆଗଲେଗା ଦ୍ୱୀପରେ ୬ଟି ଗୋଷ୍ଠୀ ଉନ୍ନୟନ ପ୍ରକଳ୍ପର ଉଦଘାଟନ ହେବ । ପ୍ରକଳ୍ପଗୁଡ଼ିକ ମରିସସ୍ ର ମୁଖ୍ୟ ଭୂମି ସହିତ ଆଗାଲେଗାର ଯୋଗାଯୋଗକୁ ସୁଦୃଢ଼ କରିବ ଏବଂ ସାମୁଦ୍ରିକ ନିରାପତ୍ତାକୁ ମଜଭୁତ୍ କରିବ ।
ଏହି ପ୍ରକଳ୍ପଗୁଡ଼ିକର ଉଦଘାଟନ ଭାରତ ଏବଂ ମରିସସ୍ ମଧ୍ୟରେ ସୁଦୃଢ଼ ଏବଂ ଦଶନ୍ଧି ପୁରୁଣା ବିକାଶ ଭାଗିଦାରୀର ପ୍ରମାଣ। ଏହି ପ୍ରକଳ୍ପଗୁଡ଼ିକ ମରିସସର ସାମାଜିକ-ଅର୍ଥନୈତିକ ବିକାଶକୁ ପ୍ରୋତ୍ସାହିତ କରିବାର ଚାହିଦା ପୂରଣ କରିବ। ନିକଟରେ ୧୨ ଫେବୃଆରୀ ୨୦୨୪ ରେ ଦୁଇ ନେତାଙ୍କ ଦ୍ୱାରା ମରିସସରେ ୟୁପିଆଇ ଏବଂ ରୂପେ କାର୍ଡ ସେବାର ଶୁଭାରମ୍ଭ ପରେ ଏହି ପ୍ରକଳ୍ପଗୁଡିକର ଉଦଘାଟନ ବେଶ ଗୁରୁତ୍ୱପୂର୍ଣ୍ଣ ।
ଅଧିକ ପଢନ୍ତୁ ଭାରତ ଖବର