ଭୁବନେଶ୍ୱର:   ଇନଷ୍ଟିଚ୍ୟୁଟ୍ ଅଫ୍ ଲାଇଫ୍ ସାଇନ୍ସେସ୍( ILS) ରେ ଆଜି ଆରମ୍ଭ ହୋଇଯାଇଛି ବିଜ୍ଞାନ ମେଳା। ଏହି କାର୍ଯ୍ୟକ୍ରମରେ ସାମିଲ ହୋଇଛନ୍ତି ୨୫୦ରୁ ଅଧିକ ଛାତ୍ର ଛାତ୍ରୀ। ବିଭିନ୍ନ ସ୍କୁଲ, କଲେଜ ଓ ବିଶ୍ୱ ବିଦ୍ୟାଳୟର୍ ପିଲାମାନେ ଆଜି ILSରେ ପହଞ୍ଚିଥିଲେ। ବିଜ୍ଞାନ ଦିବସ ଉପଲକ୍ଷେ ଏହି କାର୍ଯ୍ୟକ୍ରମର ଆୟୋଜନ ୫ଟି ସ୍ଥାନରେ କରାଯାଇଥିଲା।

ତାହା ମଧ୍ୟରୁ ଭୁବନେଶ୍ୱର ILS ଗୋଟିଏ। ILSର ବିଭିନ୍ନ ବରିଷ୍ଠ ବୈଜ୍ଞାନିକମାନଙ୍କ ସହ ଆଲୋଚନା କରିବାର ସୁଯୋଗ ପାଇଥିଲେ ଛାତ୍ର ଛାତ୍ରୀ। ବିଜ୍ଞାନ ପ୍ରତି ରୁଚି ବଢାଇବା ସହ ଦୈନନ୍ଦିନ ଜୀବନରେ ପାଠ ପଢା ସହ ବିଜ୍ଞାନକୁ କିଭଳି ଯୋଡି ହୁଏ ସେ ଉପରେ ଆଲୋଚନା କରାଯାଇଥିଲା। ILSର ଏଭଳି କାର୍ଯ୍ୟକ୍ରମରେ ସାମିଲ ହୋଇ ଛାତ୍ର ଛାତ୍ରୀ ବେଶ ଖୁସି ଥିବା କହିଥିଲେ।  
ଅଧିକ ପଢନ୍ତୁ ଓଡ଼ିଶା ଖବର