ନବରଙ୍ଗପୁର: ଝିଅ ଟିକିଏ ଅଧିକ ପକୁଡ଼ି ମାଗିବାରୁ ମା ରାଗିଯାଇ ଏକ ବାଉଁସ ବାଡି ସାହାଯ୍ୟ ରେ ଝିଅ ର ମୁଣ୍ଡ ରେ ଶକ୍ତ ପ୍ରହାର କରିଥିଲା । ଫଳରେ ଘଟଣା ସ୍ଥଳରେ ଝିଅ ର ମୃତ୍ୟୁ ଘଟିଥିଲା । ଝିଅର ମୃତ୍ୟୁ ହୋଇଥିବା ଜାଣିବା ପରେ ହତ୍ୟା ର ପ୍ରମାଣ ଲୁଚାଇବାକୁ ଯାଇ ଏହାକୁ ଏକ ଆତ୍ମହତ୍ୟା ର ରୂପ ଦେବାକୁ ଚେଷ୍ଟା କରିଥିଲା ମା । ନିଜେ ଯାଇ ରାଇଘର ଥାନା ରେ ଝିଅ ଆତ୍ମହତ୍ୟା କରିଛି ବୋଲି ସୂଚନା ଦେଇଥିଲେ । ଖବର ପାଇବା ପରେ ରାଇଘର ପୋଲିସ ଘଟଣାସ୍ଥଳ ରେ ପହଞ୍ଚି ତଦନ୍ତ ଆରମ୍ଭ କରିଥିଲା । ସ୍ଥାନୀୟ ଲୋକଙ୍କୁ ପଚରା ଉଚରା ଓ ପାରିପାର୍ଶ୍ବିକ ସ୍ଥିତିକୁ ଦେଖି ଜଣେ ୯ ବର୍ଷ ର ଝିଅ ଓ ଚତୁର୍ଥ ଶ୍ରେଣୀ ଛାତ୍ରୀ କିଭଳି ଆତ୍ମହତ୍ୟା କରି ପାରିବ ସେ ନେଇ ପୋଲିସ ର ସନ୍ଦେହ ଜାତ ହୋଇଥିଲା ।
ପରେ ପରିବାର ଲୋକଙ୍କ ସହ ମୃତ ଝିଅ ର ସାନ ଭାଇ କୈଳାଶ କୁ ତଦନ୍ତ ପରିସର କୁ ଆଣି ଘଟଣା ସମ୍ପର୍କ ରେ ପଚାରିଥିଲା ପୋଲିସ । ଭାଇର ବୟାନ କୁ ଆଧାର କରି ପୋଲିସ ସମ୍ପୂର୍ଣ ଘଟଣା ର ପର୍ଦ୍ଦାଫାସ କରିଛି । ସାନ ଭାଇ ସମ୍ପୂର୍ଣ୍ଣ ଘଟଣା ସମ୍ପର୍କ ରେ କହିଛି କିପରି ତା ଭଉଣୀ କୁ ମାରିଛି ତା ମା। ମା ହିଁ ଝିଅ ର ହତ୍ୟାକାରୀ ବୋଲି ଜାଣିବା ପରେ ହତ୍ୟାକାରୀ ମା କୁ ଗିରଫ କରିଛି ପୋଲିସ । ଘଟଣା ଟି ଘଟିଛି ନବରଙ୍ଗପୁର ଜିଲ୍ଲା ରାଇଘର ବ୍ଲକ ହଳଦୀ ଗ୍ରାମ ର ଝୁନ୍ ଝୁନି ପାରାରେ।
ଅଧିକ ପଢନ୍ତୁ ଓଡ଼ିଶା ଖବର