ଅର୍ଗସ ବ୍ୟୁରୋ : ଆଜିର କ୍ୟାବିନେଟ୍ ନିଷ୍ପତି ମୁଖ୍ୟମନ୍ତ୍ରୀ ନବୀନ ବାବୁଙ୍କ ନିର୍ବାଚନ ପରାଜୟର ଭୟକୁ ପ୍ରମାଣିତ କରୁଛି । ବିଜେଡିର ସ୍ଥିତି “ଖସି ଗଲା ଗୋଡ ତଳକୁ ତଳକୁ” । ସଦ୍ୟ ପ୍ରକାଶିତ ସର୍ଭେ ରିପୋର୍ଟ ଦେଖି ବିବ୍ରତ ବିଜୁ ଜନତା ଦଳ । କେନ୍ଦ୍ର ସରକାର ସମ୍ପୂର୍ଣ୍ଣ ଭାବରେ ୩ କୋଟି ୨୬ ଲକ୍ଷ ଲୋକଙ୍କୁ ମାଗଣା ଚାଉଳ ଦେଉଥିବାବେଳେ ନବୀନ ବାବୁ କେବଳ ବ୍ୟାଗ ଦେଇ ଭୋଟ ନେବା ପାଇଁ ଷଡଯନ୍ତ୍ର କରିଥିଲେ ।
ସାରା ଓଡ଼ିଶାରେ ଲୋକମାନେ ନବୀନ ବାବୁଙ୍କ ବ୍ୟାଗକୁ ପୋଡି ଦେବା ପରେ ନବୀନ ସରକାର ଭୟଭୀତ ହୋଇ ଏବେ ବ୍ୟାଗ ସହ ୧ହଜାର ଟଙ୍କା ଦେବା ପାଇଁ ନିଷ୍ପତି ନେଇଛନ୍ତି । ନବୀନ ବାବୁଙ୍କ ଏହି ଚତୁରତା ତାଙ୍କ ଲୋକପ୍ରିୟତା ହ୍ରାସର ଓ ନିର୍ବାଚନ ଆସନ୍ନ ପରାଜୟର ଭୟକୁ ପ୍ରମାଣିତ କରୁଛି । ଏହି ୧ହଜାର ଟଙ୍କା ପ୍ରତିମାସ ଦେବେ କି ? କେବଳ ଥରେ ଦେଇ ଲୋକଙ୍କ ଭୋଟକୁ ନେବା ପାଇଁ ନବୀନ ବାବୁ ଯାହା ଭାବିଛନ୍ତି, ତାହା ସଫଳ ହେବ ନାହିଁ । ୨୦୨୪ ନିର୍ବାଚନରେ ଲୋକମାନେ ଉଚିତ ଜବାବ ଦେବେ ବୋଲି ବିଧାୟକ ତଥା ରାଜ୍ୟ ମୁଖପାତ୍ର ଡ. ମୁକେଶ ମହାଲିଙ୍ଗ କହିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ରାଜ୍ୟରେ ନିଯୁକ୍ତି ଓ ଆତ୍ମନିଯୁକ୍ତି ଯୋଗାଇବାରେ ରାଜ୍ୟ ସରକାର ସମ୍ପୂର୍ଣ୍ଣ ବିଫଳ ହୋଇଥିବାବେଳେ ନିର୍ବାଚନର ଠିକ୍ ପୂର୍ବରୁ ଯୁବକଯୁବତୀମାନଙ୍କୁ ଋଣ ଦେବା କଥା କହି ଆତ୍ମନିଯୁକ୍ତି ସୃଷ୍ଟି କରିବାର ସ୍ୱପ୍ନ ଦେଖାଉଛନ୍ତି । ଓଡ଼ିଶାର ଯୁବକ, ଯୁବତୀମାନଙ୍କୁ ଚାକିରି ଓ ଆତ୍ମନିଯୁକ୍ତି ଦରକାର, ଋଣ ଜାଲର ଫାସ ନୁହେଁ । ଏହାବାଦ୍, ଋଣ ତ କେନ୍ଦ୍ର ସରକାରଙ୍କ ବ୍ୟାଙ୍କ ଦେବ, ନବୀନ ବାବୁଙ୍କ ସରକାରର ଭୂମିକା କିଛି ନାହିଁ । ଆଗରୁ ସରକାରଙ୍କ ବିଭିନ୍ନ ଋଣ ଯୋଜନା ଯଥା-ମୋ ଘର, ମହିଳା ସ୍ୱୟଂ ସହାୟିକା ଗୋଷ୍ଠୀର ସଦସ୍ୟାଙ୍କୁ ସ୍କୁଟି ଯୋଗାଇବା ଆଦି ଯୋଜନା ସବୁ ବିଫଳ ହୋଇସାରିଛି ବୋଲି ଡ.ମହାଲିଙ୍ଗ କହିଛନ୍ତି ।