ଅର୍ଗସ ବ୍ୟୁରୋ: ଆଜିଠୁ ରାଜ୍ୟରେ ଲାଗୁ ହେଲା ନୂଆ ଅବକାରୀ ନୀତି । ଆଇନ ଲାଗୁ ହେବା ପରେ କେବଳ ବାର୍ରେ ଗୀତ ବାଜିବାକୁ ଅନୁମତି ଦିଆଯାଇଛି ହେଲେ ନାଚିବାକୁ ମନା । କାରଣ ରାଜ୍ୟରେ ଯେଉଁପରି ଭାବରେ ମଦ ବର୍ଷା ହେଉଥିଲା ସେଥିରୁ ଗୋଟିଏ କଥା ସ୍ପଷ୍ଟ ମଦ ଲାଗି ବର୍ବାଦ ହେଉଥିଲା ଶହଶହ ପରିବାର । ସେଇଥି ଲାଗି ତ ରାଜ୍ୟରେ ଅଧିକ ମଦ ଦୋକାନ ନଖୋଲିବାକୁ ନିଷ୍ପତ୍ତି ନେଇଛି ନୂଆ ସରକାର । ସେପଟେ, ଦୁର୍ଗାପୂଜା ଭସାଣିରେ ଡିଜେ ସମ୍ପୂର୍ଣ୍ଣ ବାରଣ କହିଲେ ପୋଲିସ କମିଶନର । କାରଣ ମଦ ଦୋକାନ ଅତ୍ୟଧିକ ଖୋଲିଥିବାରୁ ମଦ ପିଇ ଡିଜେରେ ଉତ୍ପାତ ହେଉଥିଲେ ଅସାମାଜିକ ଯୁବକ । ହେଲେ ବେଆଇନ ମଦ ଦୋକାନ ବନ୍ଦ ହେବା ପରେ ଏବେ ଭସାଣ ବି ଶୃଙ୍ଖଳାରେ ହେବ ବୋଲି ଚର୍ଚ୍ଚା ହେଉଛି ।
ନିଶା ସେବନରେ ଓଡ଼ିଶା ବର୍ବାଦ ହେଉଥିଲା । କାରଣ ବିଜେଡି ସରକାର ବେଳେ ପ୍ରବଳ ମଦ ଦୋକାନ ଖୋଲିଥିଲା । ଯାହା ଫଳରେ ଶହଶହ ପରିବାରରେ ଅଶାନ୍ତି ହେଉଥିଲା । ଖାଲି ମଦ ବିକ୍ରି ହେଉଥିଲା ତାହା ନୁହେଁ ବରଂ ଚୋରା ମଦ ବେପାର ବି ସାଙ୍ଘାତିକ ବିକ୍ରି ଚାଲିଥିଲା । ତେଣୁ ଚୋରା ମଦ କାରବାର ଉପରେ ରୋକ୍ ଲଗାଇବାକୁ ମୋହନ ସରକାରଙ୍କ ଉଦ୍ୟମ କରିଥିଲେ । ତେଣୁ ରାଜ୍ୟର ୧୬ଟି ଜିଲ୍ଲା ୨୫ ନୂଆ ଅବକାରୀ ଥାନା ଖୋଲିବା ନେଇ ସରକାର ପ୍ଲାନ କରିଛନ୍ତି । ଖାଲି ଏତିକି ନୁହେଁ ବରଂ ନୂଆ ଦୋକାନ ଖୋଲିବା ଉପରେ ବି ଲଗାଇଛନ୍ତି ରୋକ୍ । ଏହାସହ ବାରରେ ଡ୍ୟାନ୍ସ ମନା, କେବଳ ସଙ୍ଗୀତ ପରିବେଷଣ ପାଇଁ ଅନୁମତି ଦିଆଯାଇଛି । ନିଶା ସେବନ ବିରୋଧରେ ସଚେତନତା ପାଇଁ ସ୍ଵତନ୍ତ୍ର ଫଣ୍ଡର ବ୍ୟବସ୍ଥା ବି ହୋଇଛି ।
ଗୁରୁତ୍ଵପୂର୍ଣ୍ଣ କଥା ହେଲା, ପୂର୍ବରୁ ନବୀକରଣ ହୋଇନଥିବା ୫୭ ଟି ମଦ ଦୋକାନର ଲାଇସେନ୍ସ ଆଉ ନବୀକରଣ ହୋଇ ପାରିବ ନାହିଁ । ସେହିପରି ସବୁଠାରୁ ବେଶୀ ବେଆଇନ ବିକ୍ରି ହେଉଥିବା ଭାଙ୍ଗ ,ତାଡି ଓ ପୋଚ ପାଇଁ ଅବକାରୀ ବିଭାଗ ଠାରୁ ସ୍ଵତନ୍ତ୍ର ଲାଇସେନ୍ସ ଆଣିବାକୁ ପଡ଼ିବ। ସେହିପରି ପର୍ଯ୍ୟଟନର ପ୍ରସାର ପାଇଁ ବେଳାଭୂମିରେ ଖୋଲିବ ମଦ କ୍ୟାବିନ । ଯାହା ପର୍ଯ୍ୟଟନ ବିଭାଗର ପ୍ରତ୍ୟକ୍ଷ ତଦାରଖରେ ହେବ ।
ସେପଟେ, ଗଞ୍ଜାମ ଚିକିଟି ବିଶାକ୍ତ ମଦମୃତ୍ୟୁ ଘଟଣାରେ ଗତକାଲି ଆଉ ଜଣଙ୍କ ମୁଣ୍ଡ ନେଇଛି । ଆଇସିୟୁ ରେ ଚିକିତ୍ସାଧୀନ ଥିବା ଲକ୍ଷ୍ମଣ ବେହେରାଙ୍କ ଜୀବନ ଯାଇଛି...ଗତ 30 ବର୍ଚୋଷ ଭିତରେ ବିଷାକ୍ତ ମଦ ନେଇଛି 231 ଜୀବନ.. ବେଆଇନ ମଦ ବିକୁଥିବା ବେପାରୀ ଙ୍କୁ ସାବାଡ କରିବାକୁ ବଡ ପଦକ୍ଷେପ ନେଇଛି ଅବକାରୀ ବିଭାଗ । ରାଜ୍ୟର ୧୬ ଟି ଜିଲ୍ଲାରେ ଖୋଲିବ ୨୫ଟି ନୂଆ ଅବକାରୀ ଥାନା । ଗତ ୧୧ ଦିନ ମଧ୍ୟରେ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୧ ଲକ୍ଷ ୪୮ହଜାର ୨୨୫ ଲିଟର ବେଆଇନ ମଦ ଓ ୧୩ ଲକ୍ଷ ୬୯ ହଜାର ୩୮୦ କେଜି ମଦ ପ୍ରସ୍ତୁତି ସାମଗ୍ରୀ ଜବତ କରାଯାଇଛି । ସେହିପରି ୧୬୦୭ ଜଣଙ୍କୁ ଗିରଫ କରି ମାଫିଆଙ୍କ ଘରେ ବୁଲଡୋଜର ଚଳାଇଛି ଅବକାରୀ ବିଭାଗ।