ଭୁବନେଶ୍ୱର: ଗ୍ରୀଷ୍ମ ପ୍ରବାହକୁ ଦେଖି ବିଦ୍ୟାଳୟ ଓ ଗଣ ଶିକ୍ଷା ବିଭାଗର ନୂଆ ଗାଇଡ଼ଲାଇନ । ୨୦୨୪ର ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସଚେତନତା ମୂଳକ ପଦକ୍ଷେପ ନେଇଛି ବିଦ୍ୟାଳୟ ଓ ଗଣ ଶିକ୍ଷା ବିଭାଗ । ପ୍ରତ୍ୟେକ ବିଦ୍ୟାଳୟ, କଲେଜ , ଏମିତିକି ସବୁ ଶିକ୍ଷାନୁଷ୍ଠାନରେ ଛାତ୍ର ଛାତ୍ରୀମାନଙ୍କ ପାଇଁ ପିଇବା ପାଣି ବ୍ୟବସ୍ଥା କରିବେ କର୍ତ୍ତୃପକ୍ଷ । ଆବଶ୍ୟକ ସ୍ଥଳେ ORS ବ୍ୟବସ୍ଥା ମଧ୍ୟ କରିବେ । ଅତ୍ୟଧିକ ଖରାକୁ ଦୃଷ୍ଟିରେ ରଖି ଆଉଟ ଡୋର୍ କାର୍ଯ୍ୟକ୍ରମ ବନ୍ଦ କରିବେ ।
ଅଭିଭାବକମାନେ ନିଜ ପିଲାମନଙ୍କୁ ସ୍କୁଲ ବ୍ୟାଗରେ ପାଣି ବୋତଲ ଦେଇ ଛାଡିବେ । ଆବଶ୍ୟକ ସ୍ଥଳେ ସ୍କୁଲ କର୍ତ୍ତୃପକ୍ଷ ପିଲାମାନଙ୍କୁ ଗ୍ରୀଷ୍ମ ପ୍ରବାହରୁ ବର୍ତ୍ତିବା ପାଇଁ ସଚେତନତା ଟିପସ ଜଣାଇବେ ।
ବର୍ତ୍ତମାନ ଉତ୍ତରାୟଣ ଗତି କରୁଛି ସୂର୍ଯ୍ୟ । ତାପମାତ୍ରା ବୃଦ୍ଧି ପାଉଛି । ଦକ୍ଷିଣ ଆନ୍ଧ୍ରପ୍ରଦେଶର ସ୍ଥଳ ଭାଗ ଦେଇ ଆସୁଛି ଗୁରୁଚାପ । ଯାହାକି ଓଡ଼ିଶାର ଦକ୍ଷିଣ ପଶ୍ଚିମ ଦିଗରେ ପବନ ବହୁଛି । ଯାହା ଫଳରେ ରାଜ୍ୟରେ ତାପମାତ୍ରା ବୃଦ୍ଧି ପାଉଛି । ତେବେ ଏଭଳି ସ୍ଥିତି ଆସନ୍ତା ୩ ତାରିଖ ଯାଏଁ ରହିବ । ୪,୫ ଓ ୬ ସାମାନ୍ୟ କମିପାରେ ତାପମାତ୍ରା । ପୁଣି ୭ ରୁ ବଢ଼ିବ ତାପମାତ୍ରା । ସେହିପରି ଚଳିତ ବର୍ଷ ମନ୍ ସୁନ୍ ବେଳକୁ ଏଲିନୋର ପ୍ରଭାବ କମିବ । ଜୁଲାଇ ବେଳକୁ ରହିବନି ଏଲିନୋର ପ୍ରଭାବ ବୋଲି କହିଛନ୍ତି ପାଣିପାଗ ବିଶେଷଜ୍ଞ ।
ଆହୁରି ପଢନ୍ତୁ ଓଡିଶା ଖବର...