ଅର୍ଗସ ବ୍ୟୁରୋ : ବେଆଇନ ଖଣି ଉତ୍ତୋଳନକାରୀଙ୍କୁ ଓଡ଼ିଶା ସରକାରଙ୍କ ଅହେତୁକ ଅନୁକଂପା । ପୁଣିଥରେ ରାଜ୍ୟ ସରକାରଙ୍କୁ ଜବାବ ତଲବ କଲେ ସୁପ୍ରିମକୋର୍ଟ । ଅଗଷ୍ଟ ୧୪ରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଫାଇନ୍ ଅର୍ଥ ଆଦାୟ ହୋଇଛି ନା ନାହିଁ ଲିଜଧାରୀଙ୍କ ସଂପତ୍ତି ବାଜ୍ୟାପ୍ତ ହୋଇଛି ନା ନାହିଁ ସେ ନେଇ ଉତ୍ତର ରଖିବାକୁ କହିଛନ୍ତି ସୁପ୍ରିମକୋର୍ଟ ।
ଅଧିକ ପଢନ୍ତୁ ଓଡ଼ିଶା ଖବର
ଆସନ୍ତା ୨ ସପ୍ତାହ ମଧ୍ୟରେ ସତ୍ୟପାଠ ଦାଖଲ କରିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ କୋର୍ଟ । ପୂର୍ବରୁ ଅଗଷ୍ଟ ୧୪ରେ ସୁପ୍ରିମକୋର୍ଟ ଫାଇନ୍ ଆଦାୟ ପାଇଁ ନିର୍ଦ୍ଦେଶ ଦେଇଥିଲେ । ରାଜ୍ୟ ସରକାରଙ୍କ ପକ୍ଷରୁ ତଥ୍ୟ ରଖାଯାଇଥିଲା ଖଣି ଳିଜଧାରୀଙ୍କ ପାଖରୁ ସୁଧକୁ ବାଦ ଦେଇ ୨,୬୨୨ କୋଟି ଟଙ୍କା ଆଦାୟ ହୋଇପାରିନାହିଁ ।
ବେଆଇନ୍ ଖଣି ଖନନ କରିଥିବା ୨୬ ଲିଜଧାରୀଙ୍କ ଠାରୁ ରାଜ୍ୟ ସରକାର ମାତ୍ର ୩୪୩ କୋଟି ଟଙ୍କା ହିଁ ଆଦାୟ କରିପାରିଥିଲେ । ସୁପ୍ରିମକୋର୍ଟ ତାଙ୍କ ନିର୍ଦ୍ଦେଶରେ ରାଜ୍ୟ ସରକାର ନିର୍ଦ୍ଦିଷ୍ଟ ଭାବେ କେତେ ଟଙ୍କା ଆଦାୟ କରିଛନ୍ତି କେବେ ସୁଦ୍ଧା ସବୁ ଆଦାୟ ହେବ ଓ ସଂପତ୍ତି ବାଜ୍ୟାପ୍ତି ହେବେ ସେ ନେଇ ଉତ୍ତର ରଖିବାକୁ କହିଛନ୍ତି ।