ଅର୍ଗସ ବ୍ୟୁରୋ: କେନ୍ଦ୍ରୀୟ ଯୋଜନାକୁ ନିଜ ନାଁ ରେ କପି ପେଷ୍ଟ କରିବାରେ ଅପଚେଷ୍ଟା କରୁଛନ୍ତି ରାଜ୍ୟ ସରକାର । ପ୍ରଧାନମନ୍ତ୍ରୀ ଆବାସ ଯୋଜନାକୁ ବିଜୁ ପକ୍କା ଘର ନାଁ ରେ ଭ୍ରମ ସୃଷ୍ଟି କରାଇଥିଲେ । କେନ୍ଦ୍ରର ମାଗଣା ଚାଉଳକୁ ବି ନବୀନ ପଟ୍ଟନାୟକ ଦେଉଛନ୍ତି ବୋଲି କହି ଲୋକଙ୍କୁ ଭ୍ରମିତ କରିଥିଲେ । ଆଉ ଏବେ ବ୍ୟାଗ ବାଣ୍ଟି ଲୋକଙ୍କୁ ଭୁଆଁ ବୁଲାଉଛନ୍ତି । ଠିକ ସେମିତି ଭାବେ ସ୍ୱୟଂ ସହାୟକ ଗୋଷ୍ଠୀ ବିଷୟ ହେଉଛି କେନ୍ଦ୍ର ସରକାରଙ୍କର । ମୋଦି ସରକାର ଟଙ୍କାକୁ ମହିଳାଙ୍କୁ ଦେଇ କହୁଛନ୍ତି ଆମେ ଦେଉଛୁ ବୋଲି । ସ୍କୁଟି ବି କେନ୍ଦ୍ର ସରକାର ଦେଉଛନ୍ତି କିନ୍ତୁ ରାଜ୍ୟ ସରକାର କହୁଛନ୍ତି ଆମେ ଦେଉଛୁ ବୋଲି । ପ୍ରେସ୍ ମିଟ୍ କରି ରାଜ୍ୟ ସରକାର ଉପରେ ବର୍ଷିଛନ୍ତି ବିଜେପି ଉପସଭାନେତ୍ରୀ ଲେଖାଶ୍ରୀ ସାମନ୍ତ ସିଂହାର ।
ରାଜ୍ୟର ୭୦ ଭାଗ ସ୍ୱୟଂ ସହାୟକ ଗୋଷ୍ଠୀ ରୋଜଗାର କ୍ଷମ ନୁହଁନ୍ତି । ରାଜ୍ୟ ସରକାର ତାଙ୍କୁ ଦଳୀୟ ଭୋଟ ବ୍ୟାଙ୍କରେ ବ୍ୟବହାର କରୁଥିବାରୁ ସେମାନେ କେବଳ ଭୋଟ ବ୍ୟାଙ୍କ ପଲିଟିକ୍ସ ହୋଇ ରହିଯାଇଛନ୍ତି । ଲୋନ୍ ଉପରେ ଯେଉଁ ୧୧ ପ୍ରତିଶତ ସୁଧ ଦିଆଯାଉଛି ସେଥିରୁ ୭ ପ୍ରତିଶତ ଦେଉଥିବାବେଳେ ବାକି ୪ ପ୍ରତିଶତ ରାଜ୍ୟ ସରକାର ଦେଉଛନ୍ତି । କିନ୍ତୁ ରାଜ୍ୟ ସରକାର ସେହି ୪ ପ୍ରତିଶତ ଠିକ ସମୟରେ ଦେଉ ନାହାନ୍ତି । ଯେଉଁଥିପାଇଁ ଗାଁ ଗହଳିରେ ବ୍ୟାଙ୍କ କର୍ମଚାରୀ ଏବଂ ସ୍ୱୟଂ ସହାୟକ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହେଉଛି ।
ଫେବୃଆରୀ ୨୭ରେ ରାଜ୍ୟ ସରକାର କହିଲେ ସ୍ୱୟଂ ସହାୟକ ଗୋଷ୍ଠୀଙ୍କ ପାଇଁ ୧୨୫ କୋଟି ଟଙ୍କା ଋଣ ଦେବାର ବ୍ୟବସ୍ଥା କରିଛୁ । କିନ୍ତୁ ସେହି ଟଙ୍କାରୁ ୮୮ କୋଟି ଟଙ୍କା କେନ୍ଦ୍ର ସରକାର ଦେଇଛନ୍ତି ରାଜ୍ୟ ସରକାର ମାତ୍ର ୩୭ କୋଟି ଟଙ୍କା ଦେଇଛନ୍ତି । ହେଲେ ରାଜ୍ୟ ସରକାର କହୁଛନ୍ତି ଆମେ ଦେଇଛୁ । ଏମବିକେ ଓ ସିଆରପିମାନଙ୍କ ଦରମା ଶତ ପ୍ରତିଶତ କେନ୍ଦ୍ର ସରକାର ଦେଉଛନ୍ତି । ୮୪ ହଜାର ଏମବିକେ ଓ ସିଆରପିମାନଙ୍କୁ ଦରମା ଦେଉଛନ୍ତି କେନ୍ଦ୍ର ସରକାର । କିନ୍ତୁ ରାଜ୍ୟ ସରକାର କହିଲେ ଆମେ ସବୁ କରୁଛୁ । ଦରମା ଦେଉଛୁ ସ୍କୁଟି ବି ଦେଉଛୁ । ରାଜ୍ୟ ସରକାର ସ୍ୱୟଂ ସହାୟକ ଗୋଷ୍ଠୀଙ୍କ ନାଁ ରେ ମିଛ ପ୍ରଚାର କରୁଛନ୍ତି ବୋଲି ପ୍ରେସ୍ ମିଟ୍ କରି କହିଛନ୍ତି ବିଜେପି ଉପସଭାନେତ୍ରୀ ଲେଖାଶ୍ରୀ ସାମନ୍ତସିଂହାର ।
ଆହୁରି ପଢନ୍ତୁ ରାଜନୀତି ଖବର...