ଅର୍ଗସ ବ୍ୟୁରୋ: ମୋହନ ସରକାରଙ୍କ ଅମଳରେ ହୀରାକୁଦ ଡ୍ୟାମ ଓ ହୀରାକୁଦ ବନ୍ଧ ପ୍ରକଳ୍ପ କେନାର ହେବ ନବୀକରଣ । ୪ ବର୍ଷରେ ୮୫୫ କୋଟି ଟଙ୍କା ଖର୍ଚ୍ଚରେ ହୀରାକୁଦର ହେବ ବିକାଶ । ୬୫ ବର୍ଷ ପରେ ମୋହନ ସରକାର ଏହି ବଡ଼ ନିଷ୍ପତ୍ତି ନେଇଥିବାରୁ ଏବେ ପୁରା ରାଜ୍ୟରେ ଚର୍ଚ୍ଚା ଜୋର ।
ଯାହା କହିଥିଲା ବିଜେପି, ସେଇୟା କଲା । ଅର୍ଥାତ୍ ହୀରାକୁଦକୁ ନେଇ ଜାରି କରିଛି ସଂକଳ୍ପପତ୍ର । ପୂର୍ବରୁ ରାଜ୍ୟରେ ସ୍ଥିର ସରକାର ଥିବା ପରେ ବି କେମିତି ହୀରାକୁଦର ନବୀକରଣ ହେବ ? କେମିତି ଚାଷୀମାନେ ଭଲରେ ପାଣି ପାଇବେ କୌଣସି ବ୍ୟବସ୍ଥା କଲେନି । ହେଲେ ଏବେ ରାଜ୍ୟରେ ସରକାର ବଦଳିବା ପରେ ହୀରାକୁଦକୁ ଗୁରୁତ୍ଵ ଦେଉଛନ୍ତି ରାଜ୍ୟ ସରକାର । ସେଇଥି ଲାଗି ତ ମାତ୍ର ୪ ବର୍ଷରେ ପାଖାପାଖି ୮୫୫ କୋଟି ଟଙ୍କା ଖର୍ଚ୍ଚ କରିବାକୁ ନେଇଛନ୍ତି ନିଷ୍ପତ୍ତି । ହୀରାକୁଦ ଜଳ ସେଚିତ ଅଂଚଳର ସମ୍ବଲପୁର, ବରଗଡ, ସୋନପୁର ଓ ବଲାଙ୍ଗିର ଚାଷୀ ଖରିବ ଓ ରବି ଋତୁରେ ଜଳସେଚନ ସୁବିଧା ପାଉଛନ୍ତି । ଡ୍ୟାମର ଜଳସେଚନ କେନାଲ ଯାହାକି ବରଗଡ ମୁଖ୍ୟ କେନାଲ, ଶାସନ ମୁଖ୍ୟ କେନାଲ ଓ ଅନ୍ୟାନ୍ନ ଡିଷ୍ଟ୍ରି ବ୍ୟୁଟାରୀ କେନାଳ ବହୁ ବର୍ଷ ହେବ ଜରାଜୀର୍ଣ୍ଣ ଅବସ୍ଥାରେ ଥିବା ବେଳେ ଏହାର ଫଲ୍ , ସିଡି, ଆଉଟ ଲେଟର ଆଦୀ ନବୀକରଣ ହେବ । ଏହା ସହ ସାଇଫନ, ଏଚଆର , ସିଆର ଏବ ଭିଆରବି ଆଦିର ମଧ୍ୟ ସ୍ଥିରୀକୃତ ପାଇଁ ଆର୍ଥିକ ବର୍ଷ ୨୦୨୪-୨୫ରେ ୩୦ କୋଟି, ୨୦୨୫-୨୬ରେ ୪୪ କୋଟି, ୨୦୨୬-୨୭ରେ ୪୪ କୋଟି ଏବଂ ୨୦୨୭-୨୮ରେ ୪୫ କୋଟି ପରି ମୋଟ ୧୬୩ କୋଟି ଟଙ୍କା ଖର୍ଚ୍ଚ କରାଯିବା ନେଇ ପ୍ଲାନ ରହିଛି ।
ଚାଷୀଙ୍କର କେମିତି ବିକାଶ ହେବ ସେନେଇ ପ୍ରତିମୁହୂର୍ତ୍ତରେ ଚିନ୍ତା କରନ୍ତି ରାଜ୍ୟ ସରକାର । ସେଇଥି ଲାଗି ତ ଧାନର ଏମଏସପି ବୃଦ୍ଧି ହେବାଠୁ ନେଇ ବୋନସ ଆଦିର ବ୍ୟବସ୍ଥା କରିଛନ୍ତି । ଏହାସହ ପଶ୍ଚିମଓଡ଼ିଶା ଚାଷୀଙ୍କ ଲାଇଫ୍ଲାଇନ କୁହାଯାଉଥିବା ହୀରାକୁଦ ଡ୍ୟାମର ବିକାଶ କଥାକୁ ସମପରିମାଣରେ ଦେଉଛନ୍ତି ଗୁରୁତ୍ଵ ।
ସୂଚନା ଅନୁସାରେ, ଦକ୍ଷିଣ ଓ ବାମ ସ୍ପିଲଓ୍ଵେ ଫାଉଣ୍ତେସନ ଗ୍ୟାଲେରୀ ମରାମତି ଏବଂ ଦକ୍ଷୀଣ ଆବ୍ୟୁଟ ମେଣ୍ଟ ଓ ଏହାର ସଲଗ୍ନ ହୀରାକୁଦ ବନ୍ଧ ପୁର୍ନ ସଂଯୋଜନା କରାଯିବ । ସେଚାଚଂଳ ନବୀକରଣ ପାଇଁ ମୋଟ ୪ ବର୍ଷ ଭିତରେ ଅର୍ଥାତ୍ ୨୦୨୪-୨୫ରେ ୬୫ କୋଟି , ୨୦୨୫-୨୬ରେ ୧୮୮ କୋଟି , ୨୦୨୬-୨୭ରେ ୧୮୮ କୋଟି ଓ ୨୦୨୭-୨୮ରେ ୧୮୯ କୋଟି ମୋଟ ୬୩୦ କୋଟି ଟଙ୍କା ବିନିଯୋଗ ହେବ । ପ୍ରଥମ ପର୍ଯ୍ୟାୟରେ ବନ୍ଧରେ ଥିବା ୮୨ ଛିଦ୍ର ଓ ୨୨୮ ଟି ଡ୍ରିଲ ଛିତ୍ର ସଫା କରାଯିବା ସହ ମରାମତି ବି ହେବ । ଏହାଦ୍ଵାରା କେନାଲ ଶେଷ ଭାଗରେ ଥିବା ଚାଷ ଜମିକୁ ଶତ ପ୍ରତିଶତ ଜଳସେଚନ ହେବାକୁ ଥିବା ଉଭୟ ରବି ଓ ଖରିଫ ଫସଲ ଠିକ୍ ଭାବରେ କରିପାରିବେ । ମୋହନଙ୍କ ଏହି ଯୋଜନାରେ ଚାଷୀ ବି ବେଶ ଖୁସି ।
ମୋଟ୍ ଉପରେ, ୨୪ ବର୍ଷ ଧରି ରାଜ୍ୟରେ ସ୍ଥିର ସରକାର ପରେ ବି ଅନେକ ଥର ଦାବି ହୋଇଥିଲା ହୀରାକୁଦର ନବୀକରଣ ପାଇଁ । ହେଲେ ବିଜେଡି ସରକାର ସେନେଇ କୌଣସି କର୍ଣ୍ଣପାତ କରିନଥିଲା । ଏବେ ସରକାର ବଦଳିବା ପରେ ବିକାଶ ପଥରେ ଆଗେଇ ଚାଲିଛି ଓଡ଼ିଶା ।